محمد بن دوهان
05-21-2009, 09:57 AM
قصيدة من ورائـها قصة رواها الشاعر شاهر الأصقه في أصداره المعنون (كتابي)، وهي تدور حول هذا الشاعر الذي تزوج من فتاة من قبيلته تدعى (لينه) على غير رغبة منها بوساطة رجل من وجهاء القوم يدعى حليس بن رحيّـم، وبعد فترة فارقت لينه زوجها الذي توجه بهذه القصيدة الى واستطه حليس لعله يصلح الأمور مرةً ثانية:
بديت باللي فوق خلقه يحومي=خالق هماليل مطرهن هشومي
خلّاق غزّ مركزات الخشومي=يفرح بهن راع القطيع الهلامي
يا راكب نابي السنام الردومي=سمح الظهر جبر العصب والعظامي
أبيك تقصر لي عنان العزومي=تكسب بي اجر عن حساب الاثامي
هي مسهمي من بدّ كل السهومي=يا مورد المظمي بدوج الظلامي
يا حليس مآبي وارمات الجضومي=غلاظ العلابي .. مايلات الخصامي
ولا جامعٍ تجمع عليّ الهمومي=ما هي لمثلي يا عشيرك ولامي
وجدي على بنت الأصيل القحومي=زين التهايا بالثمن ما يسامي
ليا فرعن ثم جدعن بالهدومي=بفرون شقر ياصلن الحزامي
فمه كما الخاتم بوسط ٍ هضومي=ومشرع فوق الثنايا الزمامي
حلو الذرير بريح جيبه يعومي=أخير من ريح النفل يوم عامي
غلاه كبر مركّـزات الحزومي=عليه زرع القلب غادٍ رمامي
صواب خلي صوبن بالسهومي=في مطرق ناشت مشد الحزامي
صواب من خلي عظامي لهومي=بمدحرجاتٍ لبّسوها اللقامي
والله .. يالولا اخاف ترخص علومي=عندك وعند مسيّحين اليدامي
إني لا سيّـر يـمّهم كل يومي=واقابل اللي مثل ظبي العدامي
شوف الحبيب لشوف (لينه) يشومي=لا ياهل الجودات جودوا شمامي
ما باقي الا الراس هو والجسومي=اشكي لكم قلبي طواه الهيامي
أقـالب الـجنبين من غير نومي=أقـالب الـجنبين مدري علامي
بالليل اساهر ساهرات النـجومي=سهرت انا يوم القبايل نيامي
من واحدٍ حكمه عليّ حكم رومي=حكم وزيرٍ حاكم له نظامي
رحم الله الشاعر وابطال هذه القصة، وأرجوا أن تـحوز على رضا ذائقتـكم الكريـمة.
اخـوكم
أبو عبدالعـزيز
بديت باللي فوق خلقه يحومي=خالق هماليل مطرهن هشومي
خلّاق غزّ مركزات الخشومي=يفرح بهن راع القطيع الهلامي
يا راكب نابي السنام الردومي=سمح الظهر جبر العصب والعظامي
أبيك تقصر لي عنان العزومي=تكسب بي اجر عن حساب الاثامي
هي مسهمي من بدّ كل السهومي=يا مورد المظمي بدوج الظلامي
يا حليس مآبي وارمات الجضومي=غلاظ العلابي .. مايلات الخصامي
ولا جامعٍ تجمع عليّ الهمومي=ما هي لمثلي يا عشيرك ولامي
وجدي على بنت الأصيل القحومي=زين التهايا بالثمن ما يسامي
ليا فرعن ثم جدعن بالهدومي=بفرون شقر ياصلن الحزامي
فمه كما الخاتم بوسط ٍ هضومي=ومشرع فوق الثنايا الزمامي
حلو الذرير بريح جيبه يعومي=أخير من ريح النفل يوم عامي
غلاه كبر مركّـزات الحزومي=عليه زرع القلب غادٍ رمامي
صواب خلي صوبن بالسهومي=في مطرق ناشت مشد الحزامي
صواب من خلي عظامي لهومي=بمدحرجاتٍ لبّسوها اللقامي
والله .. يالولا اخاف ترخص علومي=عندك وعند مسيّحين اليدامي
إني لا سيّـر يـمّهم كل يومي=واقابل اللي مثل ظبي العدامي
شوف الحبيب لشوف (لينه) يشومي=لا ياهل الجودات جودوا شمامي
ما باقي الا الراس هو والجسومي=اشكي لكم قلبي طواه الهيامي
أقـالب الـجنبين من غير نومي=أقـالب الـجنبين مدري علامي
بالليل اساهر ساهرات النـجومي=سهرت انا يوم القبايل نيامي
من واحدٍ حكمه عليّ حكم رومي=حكم وزيرٍ حاكم له نظامي
رحم الله الشاعر وابطال هذه القصة، وأرجوا أن تـحوز على رضا ذائقتـكم الكريـمة.
اخـوكم
أبو عبدالعـزيز