محمد بن دوهان
06-04-2009, 02:28 AM
السلام عليـكم ورحمة الله وبركاته ,,
محمد بن حسين الدسم الدّوامي من السبعة من عنزة , يوصي أخيه أبو زعزوع بـهذه القصيدة التـي تعتبر من شيـخات القصيد عن عـنزة ، ويقول بقصيدته :
يا خوي لك عندي وصاة مصيبه = ترى وصاتي تلمس العقل وتصيب
ترى وصاة أخوك مابه معيبه = مادام أخوك مكمل العقل ومنيب
لابد اموت ولا ذرى تتقي به = واخشى توازي للدروب الضنابيب
سمر الليالي ما تعلم بغيبه = ولا يعلم إلا صاحب العلم بالغيـب
ودي تَحَرّص عن بلا كل ويبه = ويصير بك عرف وكمال ٍ وتأديب
وإلا المقدر صار ما ينحكيبه = ما ينمحي هذا من الله مكاتيب
افهم وصاتي كان قلبك يصيبه = تطلعك من كل الامور الحراديـب
أول وصاتي بالفروض الوجيبه = صوم وصلاة وأد كل المواجيب
وثاني وصاتي للأ مور الصعيبه = أصبر وبأمرالله تهون المصاعيب
جرح ٍ عبي له ما يكلف طبيبه = ولا فيه شي ٍ إلا مضا له تجاريب
وثالث وصاتي تلعةٍ ينعدى به = تلقى عليها بينات المساريب
واللي عداية ذيب من بطن ذيبه = ولا واحدٍ عدى بها غير هو ذيب
ترى هذاك العرف من غير ريبه = راعيه ما يطلب ولا له مطاليب
ورابع وصاتي كثرة الهرج خيبه =هرج بلا معناه مسموج ويخيب
لاصار ما عندك علومٍ غريبه = وسط الرجال ترتب الهرج ترتيب
وخامس وصاتي خفة الرجل عيبه = من كثر الدوجا ت يركض له العيب
ان كان ماعندك لزومٍ تجيبه = تنحر لزومك كان ماجاك وتجيب
وسا دس وصاتي لك معزة وهيبه = عليك بسفن البر حرش العراقيب
ولا يعجبك زبد الغنم والرويبه= ترغب لحوش الضان وتخلي النيب
راعي الغنم يشيب من قبل شيبه= والبل معزه تجلي الهم والشيـب
أليا أشهلب الوقت لو هو حليبه= يوصلك لديار الهناء والتعاجيب
وسابع وصاتي كان صابتك سيبه = وتقدر على كثر الثمن والمطاليب
بنت الحمولة والأصيل العريبه= اللي قناهن ذاق لذة وترغيب
واللي قنا بنت الردى والهليبه= أصبح أبهمْ وجنب الربح تجنيب
والعوز يرث لك مذله وريبه=أردى الرجال اللي يسمونه السيـب
عليك بالسقمة ولو هي تعيبه= ما دام بك حيل ٍ تنط المراقيب
ترى كثير المال كلن حبيبه = ينقال له فت جاي لو مافعل طيـب
ومن قل ماله صار شن ٍ أرويبه= لو كان طيب يكثرن به شواذيب
وثامن وصاتي علمها ينحري به= ترى الدروب الفاسدة فعلها عيب
درب الدنس والعايزة والقريبه= ترى هذيلن من كبار العذاريب
ثنتين من داخى عليهم احكي به= والعلم يظهر من أذان الأعاريب
إمداخي على عرضه مثل شق جيبه= ومداخي على وجهه تعيبه معاييب
وتاسع وصاتي عن مناقر شريبه= لا صار ماهو من وساع المساريب
خله ويلقى بالموارد لعيبه= عند الموارد يكثرون اللواعيب
ومن دّور العيلات غربل نصيبه= حسب حسابه من حساب المذاهيب
ومن جنّب الشيطان حقه غديبه = ومن هاب طبات الملاعيب ما هيب
عن واحدٍ يبلاك أو تبتلي به= ينهج حديكم يم ديار الأجانيب
وعاشر وصاتي كان حلت مصيبه= وبلاك ربك وابتلوك المغاضيب
أحذر تمضي ما تسمى غليبه= أمض وتبين عن لحاق المشاعيب
أزبن على حصن الرجال الصليبه= اللي يحلون العقود المناشيب
اللي زبنهم مايجي له طليبه = عده بعيطا عن سموم اللواهيب
وعندي وصايا للعقول اللبيبه = للي يضمه بالضلوع المهاديب
الضيف ضيف الله وصابه حبيبه=استقبل ضيفك في تهل ٍ وترحيب
قلط له الميسور وماهان جيبه= واحلف عن المذخور دين المعازيب
وخويك اللي بالخلا تبتلي به= خيال والا فوق عوج المصاليب
أو من مشى رجلي ولا له نجيبه= أو عورةٍ يبلى بها عالم الغيب
اصبر وراعي الصبر محمود طيبه= عند اللي يدوّر الفخر والمراتيب
وقصيرك اللي مايصيبك يصيبه= وصابه الله له كرامة وتوجيب
حقه عليك تزود القدر هيبه= أليا ما يروح بزود حشمة وتوجيب
العبد لابد ماكتب له يصيبه = واللي تجنب تايح الرمي ما صيب
الشيوخ والحكام زمل ٍ إمنيبه= بهم عمار وقضي لازم وتخريب
ما ينومن من شأن منهم حليبه= عقب الصداقة ينقلب كنه الشيب
أهل خفايا وغيبهم ما دري به= يتحدرجون بدون عيب وتذنيـب
عشرانهم أهل العلوم العجيبه = وصدقانهم مروين حد المغاليب
وإن كان ما حدا الثلاثة تجيبه= مالك بهم والدرب شرق ٍ وتغريب
خويهم ما يشتهي نفض جيبه= حكاي وجهين يقص العراقيب
هذي يودها وهاذي يجيبه= وهاذي يسويها بين صدق ٍ وتكذيب
واللي حكى بين الصحيب وصحيبه= مخرب ويخرب بين ناس ٍ اصاحيب
سوالفه دايم نميمه وغيبه= ولا يستحي كوبان من كلمة العيب
راعي النقيلي لا توارد قليبه= خل الردي مافاد قربه ولا إيثيب
حذراك لاتنزل جوانب شعيبه = وبالك تحطه يابو زعزوع بالجيب
رحـمهم الله بـواسع رحمته وجعل مثواهـم الـجنة .
ودمتـم برعاية الله وحفظه وبعـز ومعـزه ..
محمد بن حسين الدسم الدّوامي من السبعة من عنزة , يوصي أخيه أبو زعزوع بـهذه القصيدة التـي تعتبر من شيـخات القصيد عن عـنزة ، ويقول بقصيدته :
يا خوي لك عندي وصاة مصيبه = ترى وصاتي تلمس العقل وتصيب
ترى وصاة أخوك مابه معيبه = مادام أخوك مكمل العقل ومنيب
لابد اموت ولا ذرى تتقي به = واخشى توازي للدروب الضنابيب
سمر الليالي ما تعلم بغيبه = ولا يعلم إلا صاحب العلم بالغيـب
ودي تَحَرّص عن بلا كل ويبه = ويصير بك عرف وكمال ٍ وتأديب
وإلا المقدر صار ما ينحكيبه = ما ينمحي هذا من الله مكاتيب
افهم وصاتي كان قلبك يصيبه = تطلعك من كل الامور الحراديـب
أول وصاتي بالفروض الوجيبه = صوم وصلاة وأد كل المواجيب
وثاني وصاتي للأ مور الصعيبه = أصبر وبأمرالله تهون المصاعيب
جرح ٍ عبي له ما يكلف طبيبه = ولا فيه شي ٍ إلا مضا له تجاريب
وثالث وصاتي تلعةٍ ينعدى به = تلقى عليها بينات المساريب
واللي عداية ذيب من بطن ذيبه = ولا واحدٍ عدى بها غير هو ذيب
ترى هذاك العرف من غير ريبه = راعيه ما يطلب ولا له مطاليب
ورابع وصاتي كثرة الهرج خيبه =هرج بلا معناه مسموج ويخيب
لاصار ما عندك علومٍ غريبه = وسط الرجال ترتب الهرج ترتيب
وخامس وصاتي خفة الرجل عيبه = من كثر الدوجا ت يركض له العيب
ان كان ماعندك لزومٍ تجيبه = تنحر لزومك كان ماجاك وتجيب
وسا دس وصاتي لك معزة وهيبه = عليك بسفن البر حرش العراقيب
ولا يعجبك زبد الغنم والرويبه= ترغب لحوش الضان وتخلي النيب
راعي الغنم يشيب من قبل شيبه= والبل معزه تجلي الهم والشيـب
أليا أشهلب الوقت لو هو حليبه= يوصلك لديار الهناء والتعاجيب
وسابع وصاتي كان صابتك سيبه = وتقدر على كثر الثمن والمطاليب
بنت الحمولة والأصيل العريبه= اللي قناهن ذاق لذة وترغيب
واللي قنا بنت الردى والهليبه= أصبح أبهمْ وجنب الربح تجنيب
والعوز يرث لك مذله وريبه=أردى الرجال اللي يسمونه السيـب
عليك بالسقمة ولو هي تعيبه= ما دام بك حيل ٍ تنط المراقيب
ترى كثير المال كلن حبيبه = ينقال له فت جاي لو مافعل طيـب
ومن قل ماله صار شن ٍ أرويبه= لو كان طيب يكثرن به شواذيب
وثامن وصاتي علمها ينحري به= ترى الدروب الفاسدة فعلها عيب
درب الدنس والعايزة والقريبه= ترى هذيلن من كبار العذاريب
ثنتين من داخى عليهم احكي به= والعلم يظهر من أذان الأعاريب
إمداخي على عرضه مثل شق جيبه= ومداخي على وجهه تعيبه معاييب
وتاسع وصاتي عن مناقر شريبه= لا صار ماهو من وساع المساريب
خله ويلقى بالموارد لعيبه= عند الموارد يكثرون اللواعيب
ومن دّور العيلات غربل نصيبه= حسب حسابه من حساب المذاهيب
ومن جنّب الشيطان حقه غديبه = ومن هاب طبات الملاعيب ما هيب
عن واحدٍ يبلاك أو تبتلي به= ينهج حديكم يم ديار الأجانيب
وعاشر وصاتي كان حلت مصيبه= وبلاك ربك وابتلوك المغاضيب
أحذر تمضي ما تسمى غليبه= أمض وتبين عن لحاق المشاعيب
أزبن على حصن الرجال الصليبه= اللي يحلون العقود المناشيب
اللي زبنهم مايجي له طليبه = عده بعيطا عن سموم اللواهيب
وعندي وصايا للعقول اللبيبه = للي يضمه بالضلوع المهاديب
الضيف ضيف الله وصابه حبيبه=استقبل ضيفك في تهل ٍ وترحيب
قلط له الميسور وماهان جيبه= واحلف عن المذخور دين المعازيب
وخويك اللي بالخلا تبتلي به= خيال والا فوق عوج المصاليب
أو من مشى رجلي ولا له نجيبه= أو عورةٍ يبلى بها عالم الغيب
اصبر وراعي الصبر محمود طيبه= عند اللي يدوّر الفخر والمراتيب
وقصيرك اللي مايصيبك يصيبه= وصابه الله له كرامة وتوجيب
حقه عليك تزود القدر هيبه= أليا ما يروح بزود حشمة وتوجيب
العبد لابد ماكتب له يصيبه = واللي تجنب تايح الرمي ما صيب
الشيوخ والحكام زمل ٍ إمنيبه= بهم عمار وقضي لازم وتخريب
ما ينومن من شأن منهم حليبه= عقب الصداقة ينقلب كنه الشيب
أهل خفايا وغيبهم ما دري به= يتحدرجون بدون عيب وتذنيـب
عشرانهم أهل العلوم العجيبه = وصدقانهم مروين حد المغاليب
وإن كان ما حدا الثلاثة تجيبه= مالك بهم والدرب شرق ٍ وتغريب
خويهم ما يشتهي نفض جيبه= حكاي وجهين يقص العراقيب
هذي يودها وهاذي يجيبه= وهاذي يسويها بين صدق ٍ وتكذيب
واللي حكى بين الصحيب وصحيبه= مخرب ويخرب بين ناس ٍ اصاحيب
سوالفه دايم نميمه وغيبه= ولا يستحي كوبان من كلمة العيب
راعي النقيلي لا توارد قليبه= خل الردي مافاد قربه ولا إيثيب
حذراك لاتنزل جوانب شعيبه = وبالك تحطه يابو زعزوع بالجيب
رحـمهم الله بـواسع رحمته وجعل مثواهـم الـجنة .
ودمتـم برعاية الله وحفظه وبعـز ومعـزه ..