محمد بن دوهان
06-04-2009, 02:40 AM
[[ الشاعر – جباره الشريف ]]
(( 1100ـ 1200 هـ تقريبا ))
يقول جبارة والركايـب زوالـف =يـدور الأريـا أيـهـن خـيـار
ألاعـي الورقـا بالإبعـاد بعدمـا=غشى جفـن عينـي بالمنـام وذار
يا ركب شدوا واغنموا البرد قبلما=يهـب عليكـم بالهواجـر نـار
يهب هوى في مطلع الجدي بـارح=إلـى طلعـت الشبيـب وفــار
لكن حصباها التـي فـي ربوعهـا=على جسـد مـن يلتقيـه شـرار
كدر علي بتالـي الليـل والـف=لها ضايـع يـوم الهجيـج حـوار
تحن وهي قد حيرت عـن لحوقهـا=على الساق بعض الرامحات قصـار
تحن اليهوديات مـن فقـد ليلـه=عـزي لمـن فرقـاه بيـع جمـار
هذا وهي عجمى فيا ويل مـن لـه=أولاد في سـن الرضـاع صغـار
الإيقان من ربك وما كتب للفتـى=يجيـه ولا لـه عـن لقـاه فـرار
لو كنت في جنة حديـد معسكـر=في غـب جهـاش غزيـر ابحـار
أو كنت في حق من العاج مطبـق=فلا عـن مقاديـر الإلـه مطـار
فإن كان يا عمران إلى نجد راجـع=عن الريف من خوفة يقال وصـار
أوصيك يا عمران لا عاقك النيـا=حاذور عن ضعف العـزوم حـذار
على نضوة وجنا لكنه إلى أوجهت=خطاها من بعـد المسيـر قصـار
لكنها من بعـد الإدلاج والسـرى=تشوف به هـاك النهـار سطـار
فجا النحر مثل السبرتات لانتحت=طفوح على اليمنـى لهـا ويسـار
لا جيت في بطحا البجيري مجلـس=في ملتقـى بابـه وبـاب صفـار
لا جيت يا عمـران منـي جماعـة=وحديثك مـن بيـن الجماعـة دار
فاختص أبو بكر الشجـاع محمـد=ملاذنـا لا مـن جفانـا الـجـار
نسيبي وخال ابني ومن هو إلى أمـر=علـى لازم منـي يجيـه جـهـار
وأسال نسيبي عن شبيـب وأحمـد=الأولاد للقلـب الشجـي اثمـار
هم الخير وهم الشر والفقر والغنـى=وربح وفيهم من يكـون خسـار
الأولاد فيهم من جلا الهـم شوفـه=والأولاد فيـه مطلـق واثـبـار
وبالأولاد من هو رافع قدر والـده=وبالأولاد مـن يوريـه دار حقـار
خلفتهم في حجـر بيضـا عفيفـه=كساها من الـدل الجميـل وقـار
هذليـة مـن روس قـوم عنابـر=ومن منسب عالي وطيـب جـوار
صبور على عوباي ما يندرى بهـا=إلى من مري فـوق كبـدي فـار
يا ما من الطربات يا نفس فاقنعـي=مع الناس غالب مع عليـه قـدار
ودي بدار من ورى ديرة العجـم=ودار ورى عيـن الدقيـق بـدار
أحب عندي مـن جلـوس بقريـه=لا حتجت للداني القريـب وبـار
لعل مال ما يمـارى بـه العـدى=ولا ينفـع المضيـوم ليتـه بـار
أوصيك خلان الرخى لو تزخرفـوا=كمـا شجـر ورق بغيـر اثمـار
يبنون لك بالحكي كم مـن مدينـة=بالظاهـري والباطـنـي دمــار
يقولون ترد الماء بمحـص وقنـب=فإلـى وردت المـاء يجـن قصـار
ولا تنطح القالات لا صرت معسر=ترى الفقر يـرث بالعظـام فتـار
ولا عيشـة الصعلـوك إلا شقيـه=سـل الله عنهـا بالغنـاة جـوار
توريك أحـوال إلـى مـا بغيتهـا=وإلى حلم ليل فـر عنـك وطـار
يكسر عزومك لو تهقويت لقوتـه=كما يعوق خطى الزمـول هجـار
ترى الفقر لو قالوا لك الناس هيـن=يهينك كما هـان الهزيـل فقـار
رجل بلا مال لـه المـوت راحـه=ومال بـلا فضـل غناتـه عـار
مجالسك لمن ياجد ولا أنت بتاجـد=يزيـدك عنـد الموجبـات حقـار
إلى نضت للجودا لكن عضـودك=عليها من القـد الجويـد وسـار
ما تفتكر بالطيـر لا صـار جايـع=تباطى سنا نـور الصبـاح وطـار
واحذر عن الرديان لا تقرب أرضهم=مـا ينسكـن للعايبيـن ديــار
هذا وأنا ما في ضميري قد انقضـى=تراه في مبـدا الكتـاب حضـار
وصلوا على خيـر البرايـا محمـد=عدد ما سعى ساعي الحجيـج وزار
والأل والأصحاب مـا لاح بـارق=وعدد ما تعاقـب ليلهـا ونهـار
كلـي أمـل أن تـحوز على رضاكـم وذائقتكـم الشعرية
ورحـم الله شاعرنا برحـمته الواسعة وادخله فسيـح جنـانه إنـه سـميعٌ مـجيب الدعـاء .
وسـلامتـكـم.
(( 1100ـ 1200 هـ تقريبا ))
يقول جبارة والركايـب زوالـف =يـدور الأريـا أيـهـن خـيـار
ألاعـي الورقـا بالإبعـاد بعدمـا=غشى جفـن عينـي بالمنـام وذار
يا ركب شدوا واغنموا البرد قبلما=يهـب عليكـم بالهواجـر نـار
يهب هوى في مطلع الجدي بـارح=إلـى طلعـت الشبيـب وفــار
لكن حصباها التـي فـي ربوعهـا=على جسـد مـن يلتقيـه شـرار
كدر علي بتالـي الليـل والـف=لها ضايـع يـوم الهجيـج حـوار
تحن وهي قد حيرت عـن لحوقهـا=على الساق بعض الرامحات قصـار
تحن اليهوديات مـن فقـد ليلـه=عـزي لمـن فرقـاه بيـع جمـار
هذا وهي عجمى فيا ويل مـن لـه=أولاد في سـن الرضـاع صغـار
الإيقان من ربك وما كتب للفتـى=يجيـه ولا لـه عـن لقـاه فـرار
لو كنت في جنة حديـد معسكـر=في غـب جهـاش غزيـر ابحـار
أو كنت في حق من العاج مطبـق=فلا عـن مقاديـر الإلـه مطـار
فإن كان يا عمران إلى نجد راجـع=عن الريف من خوفة يقال وصـار
أوصيك يا عمران لا عاقك النيـا=حاذور عن ضعف العـزوم حـذار
على نضوة وجنا لكنه إلى أوجهت=خطاها من بعـد المسيـر قصـار
لكنها من بعـد الإدلاج والسـرى=تشوف به هـاك النهـار سطـار
فجا النحر مثل السبرتات لانتحت=طفوح على اليمنـى لهـا ويسـار
لا جيت في بطحا البجيري مجلـس=في ملتقـى بابـه وبـاب صفـار
لا جيت يا عمـران منـي جماعـة=وحديثك مـن بيـن الجماعـة دار
فاختص أبو بكر الشجـاع محمـد=ملاذنـا لا مـن جفانـا الـجـار
نسيبي وخال ابني ومن هو إلى أمـر=علـى لازم منـي يجيـه جـهـار
وأسال نسيبي عن شبيـب وأحمـد=الأولاد للقلـب الشجـي اثمـار
هم الخير وهم الشر والفقر والغنـى=وربح وفيهم من يكـون خسـار
الأولاد فيهم من جلا الهـم شوفـه=والأولاد فيـه مطلـق واثـبـار
وبالأولاد من هو رافع قدر والـده=وبالأولاد مـن يوريـه دار حقـار
خلفتهم في حجـر بيضـا عفيفـه=كساها من الـدل الجميـل وقـار
هذليـة مـن روس قـوم عنابـر=ومن منسب عالي وطيـب جـوار
صبور على عوباي ما يندرى بهـا=إلى من مري فـوق كبـدي فـار
يا ما من الطربات يا نفس فاقنعـي=مع الناس غالب مع عليـه قـدار
ودي بدار من ورى ديرة العجـم=ودار ورى عيـن الدقيـق بـدار
أحب عندي مـن جلـوس بقريـه=لا حتجت للداني القريـب وبـار
لعل مال ما يمـارى بـه العـدى=ولا ينفـع المضيـوم ليتـه بـار
أوصيك خلان الرخى لو تزخرفـوا=كمـا شجـر ورق بغيـر اثمـار
يبنون لك بالحكي كم مـن مدينـة=بالظاهـري والباطـنـي دمــار
يقولون ترد الماء بمحـص وقنـب=فإلـى وردت المـاء يجـن قصـار
ولا تنطح القالات لا صرت معسر=ترى الفقر يـرث بالعظـام فتـار
ولا عيشـة الصعلـوك إلا شقيـه=سـل الله عنهـا بالغنـاة جـوار
توريك أحـوال إلـى مـا بغيتهـا=وإلى حلم ليل فـر عنـك وطـار
يكسر عزومك لو تهقويت لقوتـه=كما يعوق خطى الزمـول هجـار
ترى الفقر لو قالوا لك الناس هيـن=يهينك كما هـان الهزيـل فقـار
رجل بلا مال لـه المـوت راحـه=ومال بـلا فضـل غناتـه عـار
مجالسك لمن ياجد ولا أنت بتاجـد=يزيـدك عنـد الموجبـات حقـار
إلى نضت للجودا لكن عضـودك=عليها من القـد الجويـد وسـار
ما تفتكر بالطيـر لا صـار جايـع=تباطى سنا نـور الصبـاح وطـار
واحذر عن الرديان لا تقرب أرضهم=مـا ينسكـن للعايبيـن ديــار
هذا وأنا ما في ضميري قد انقضـى=تراه في مبـدا الكتـاب حضـار
وصلوا على خيـر البرايـا محمـد=عدد ما سعى ساعي الحجيـج وزار
والأل والأصحاب مـا لاح بـارق=وعدد ما تعاقـب ليلهـا ونهـار
كلـي أمـل أن تـحوز على رضاكـم وذائقتكـم الشعرية
ورحـم الله شاعرنا برحـمته الواسعة وادخله فسيـح جنـانه إنـه سـميعٌ مـجيب الدعـاء .
وسـلامتـكـم.