محمد بن دوهان
06-04-2009, 02:45 AM
[[ الشاعر ـ سليمان بن شريم ]]
(( 1305 ـ 1363 هـ ))
هو سليمان بن ناصر بن سليمان بن ناصر آل شريم ، من أشهر شعراء نجد في النصف الأول من القرن الرابع عشر ، وهو من أسرة الشريم أهل شقراء والسر ، والتي تعود بنسبها إلى فخذ ( الحراقيص ) من قبيلة بني زيد ,من حاضرة نجد , ولد في بلدة عين بن قنور بالسر في سنة 1305 هـ , وتوفي رحمه الله في بريدة سنة 1363 هـ .
يامل عين في محاجيرها شوك= والصدربه عن لذه النوم دكاك
لادك في قلبي من الهم داكوك = جاوبت طربات الحمايم على الراك
عزي لحالك ياعزيزوانا ابوك = كان الزمان اللي توطاني توطاك
تراه ماينفعك خالك ولا اخوك= لاصار ماتقضي لزومك بيمناك
وربعك أليا بان الخلل فيك عافوك= اقرب قريب لك من الناس يشناك
ان كثرمالك صدقوا لك وطاعوك= وان قل مابيدك شانت حلاياك
لوتطلب الماءعندهم كان مااسقوك= أبعد مزارك عن وطنهم ومرباك
وان طاب حظك قربوا لك وحبوك= وان باركلٍ مايبي غير فرقاك
وإن أعترض لك من صروف النيا صوك = كلٍ تبرى منك ماهو وياك
هراجة المجلس الى جيت وروك = منازلٍ تطرب نظيرك بدنياك
وأليا قضوا منك اللوزم وخلوك = تفرقوا وأنت احتمل كل ماجاك
كنك سراج البيت للنورشبوك =وأليا أنقضى اللازم حدا الربع طفاك
وإلا كما ليمونة الحمض مصوك = وأليا قضى منه الطعم فرغوا ذاك
واللي يجي من رفقته ريب واشكوك = احذر عنه واياك تصدف بمسراك
وأليا جفوك أهل الوطن وأستخفوك= قلع غريسك منه واهدم ركاياك
تراك لو تنجع على الرجل صعلوك= احسن من اللي تلتجي له وياطاك
وعطهم مقاصدهم أليا منهم جوك = وأغلق ضميرك لاتعلم بقصاياك
ان طبت ماحبوك وان عبت زالوك = تمضي حياتك ناقلٍ داك برداك
وأليا نفوك من الوظيفة وعافوك = خفت موازينك وكلٍ تهقواك
وأصحى لخلان الرخاء لوتغالوك = اعرف ترى أطيبهم أليا احتجت يجفاك
كنك خوي امقيط دهووك واغووك = وكلٍ عطاك ارشاك واقفا وخلاك
واحذرعن العيله ترى الحق مدروك = مثل القضاء يدركك مامنه فكاك
وان كان عدوانك على الضيق حدوك = فأخصم طلابتهم بعجفاك وقداك
وان كان هم لمشرف الحق ماشوك = ناظر مطاليع الفرج قبل مبداك
وان طاوعوا شيطان الأنفس وهانوك = فأصبر على البلوى بدفنك رزاياك
زرهم تراك أليا تونيت زاروك = وأما بديت لصاحب السوء باداك
مادامهم ما طاوعولك وعرفوك = اضرب على الكايد أليا عمست أرياك
لوهذبولك من المصاوب وضدوك = مايذبحونك قبل تدني مناياك
واحلم على الجاهل ترى الحلم مبروك = وقم للضعيف اللي من الضيم ينخاك
وأدمح خطأ جيران بيتك لوأذوك = ترى القصير وحرمة الجار بحماك
عطهم رواتب حقهم لو تناسوك = في كل مايصلح لدينك ودنياك
وقم للضيوف اللي عنوا لك وضافوك = أغلا كرامتهم حجاجك وبشراك
واعرف ترى مالك من الضيف مفكوك = لولاه يطلب حاجته منك ماجاك
وقم للرجال ان رايعوا لك وحبوك = واحشم خويك واكرمه عند ملفاك
وإن اعتبرت بسيرة الناس كفوك = أكثر من شئٍ أتعبك وأعناك
ولا تبات بهم دنياك مضنوك = ما طاب لك ما دام لك وأفتهم ذاك
لو يطلبون أخفايك الناس ما اخفوك = الرجل مثل النجم في كل الأفلاك
وصلاة ربي عد الأوراق والشوك = أو ناض براقٍ وما هل سفاك
على الذي مافيه ريبٍ ولا شكوك = محمد ما دك بالقلب دكاك
انتـهت القصيدة ..
فرحـم الله الشاعـر سليـمان بن شريـم برحـمته الواسعة وأدخـله فسيـح جنانه .
وسلامتكـم جميع
ودمتـم بعـز ومعـزه وأدامكـم بـحفظه ورعايته .
(( 1305 ـ 1363 هـ ))
هو سليمان بن ناصر بن سليمان بن ناصر آل شريم ، من أشهر شعراء نجد في النصف الأول من القرن الرابع عشر ، وهو من أسرة الشريم أهل شقراء والسر ، والتي تعود بنسبها إلى فخذ ( الحراقيص ) من قبيلة بني زيد ,من حاضرة نجد , ولد في بلدة عين بن قنور بالسر في سنة 1305 هـ , وتوفي رحمه الله في بريدة سنة 1363 هـ .
يامل عين في محاجيرها شوك= والصدربه عن لذه النوم دكاك
لادك في قلبي من الهم داكوك = جاوبت طربات الحمايم على الراك
عزي لحالك ياعزيزوانا ابوك = كان الزمان اللي توطاني توطاك
تراه ماينفعك خالك ولا اخوك= لاصار ماتقضي لزومك بيمناك
وربعك أليا بان الخلل فيك عافوك= اقرب قريب لك من الناس يشناك
ان كثرمالك صدقوا لك وطاعوك= وان قل مابيدك شانت حلاياك
لوتطلب الماءعندهم كان مااسقوك= أبعد مزارك عن وطنهم ومرباك
وان طاب حظك قربوا لك وحبوك= وان باركلٍ مايبي غير فرقاك
وإن أعترض لك من صروف النيا صوك = كلٍ تبرى منك ماهو وياك
هراجة المجلس الى جيت وروك = منازلٍ تطرب نظيرك بدنياك
وأليا قضوا منك اللوزم وخلوك = تفرقوا وأنت احتمل كل ماجاك
كنك سراج البيت للنورشبوك =وأليا أنقضى اللازم حدا الربع طفاك
وإلا كما ليمونة الحمض مصوك = وأليا قضى منه الطعم فرغوا ذاك
واللي يجي من رفقته ريب واشكوك = احذر عنه واياك تصدف بمسراك
وأليا جفوك أهل الوطن وأستخفوك= قلع غريسك منه واهدم ركاياك
تراك لو تنجع على الرجل صعلوك= احسن من اللي تلتجي له وياطاك
وعطهم مقاصدهم أليا منهم جوك = وأغلق ضميرك لاتعلم بقصاياك
ان طبت ماحبوك وان عبت زالوك = تمضي حياتك ناقلٍ داك برداك
وأليا نفوك من الوظيفة وعافوك = خفت موازينك وكلٍ تهقواك
وأصحى لخلان الرخاء لوتغالوك = اعرف ترى أطيبهم أليا احتجت يجفاك
كنك خوي امقيط دهووك واغووك = وكلٍ عطاك ارشاك واقفا وخلاك
واحذرعن العيله ترى الحق مدروك = مثل القضاء يدركك مامنه فكاك
وان كان عدوانك على الضيق حدوك = فأخصم طلابتهم بعجفاك وقداك
وان كان هم لمشرف الحق ماشوك = ناظر مطاليع الفرج قبل مبداك
وان طاوعوا شيطان الأنفس وهانوك = فأصبر على البلوى بدفنك رزاياك
زرهم تراك أليا تونيت زاروك = وأما بديت لصاحب السوء باداك
مادامهم ما طاوعولك وعرفوك = اضرب على الكايد أليا عمست أرياك
لوهذبولك من المصاوب وضدوك = مايذبحونك قبل تدني مناياك
واحلم على الجاهل ترى الحلم مبروك = وقم للضعيف اللي من الضيم ينخاك
وأدمح خطأ جيران بيتك لوأذوك = ترى القصير وحرمة الجار بحماك
عطهم رواتب حقهم لو تناسوك = في كل مايصلح لدينك ودنياك
وقم للضيوف اللي عنوا لك وضافوك = أغلا كرامتهم حجاجك وبشراك
واعرف ترى مالك من الضيف مفكوك = لولاه يطلب حاجته منك ماجاك
وقم للرجال ان رايعوا لك وحبوك = واحشم خويك واكرمه عند ملفاك
وإن اعتبرت بسيرة الناس كفوك = أكثر من شئٍ أتعبك وأعناك
ولا تبات بهم دنياك مضنوك = ما طاب لك ما دام لك وأفتهم ذاك
لو يطلبون أخفايك الناس ما اخفوك = الرجل مثل النجم في كل الأفلاك
وصلاة ربي عد الأوراق والشوك = أو ناض براقٍ وما هل سفاك
على الذي مافيه ريبٍ ولا شكوك = محمد ما دك بالقلب دكاك
انتـهت القصيدة ..
فرحـم الله الشاعـر سليـمان بن شريـم برحـمته الواسعة وأدخـله فسيـح جنانه .
وسلامتكـم جميع
ودمتـم بعـز ومعـزه وأدامكـم بـحفظه ورعايته .