لاتعليق

[سليمان الخرس]

تكفين يا طيـور حـرار افزعيلـي
ابى عن ديار الاهل منكـن اخبـار


تكفين حومى فوقهم وارجعـى لـي
والا ان حصل لك حومه داخل الدار


تكفين حـول ابيوتهـم دوري لـي
سبعه فروخ يـوم اخليهـم صغـار


شوفى ضناى وعودى وانكفي لـي
وشلونهم يا علهـم صـاروا كبـار


نسوا دفاي ونومهـم فـى شليلـى
وش علمهم يا علهم طول الأعمـار


قولى لهـم ان امكـم لهـا عويلـي
خمسه سنيـن دمعهـا دوم مـدرار


وقولي لهم اني علـى طـول ليلـي
انوح ليا قـرّب الصبـح فـي نـار


وقولي عيونه دايمـن لهـا هميلـي
تبكي ليا شافت مـن النـاس زوار


كل يوم اقول اغدي حديهم يجي لـي
راحت سنينى مـا بهـم احـد(ن) زار


وانا اللي من سبه سـوات الحليلـى
حالى تـردى كـل مالـه وينهـار


وفرقى ضنـاي الي تـردت بحيلـي
كني على شوفتهم اصلي على نـار


يا ويلي كـان الله عجـل رحيلـي
وانا لي سنين ابي لو هـى اخبـار


يا عونة الله من يبي يرتكـي لـي
جارت علي بامر الولي كل الاقـدار


تنكـروا مـن يدخلـون الدخيلـي
واللي بوسط ديـارهم يامـن الجـار


قولي لهم يا طيـور قلبـي عليلـي
الله يكافي قلوبهم صـارت احجـار


وانا اللي لبراق الخيـال استخيلـى
واقول عل ديارهـم جـاه الامطـار


تكفين وسط ديارهـم صوتـي لـي
شوفي عسى لاسمي مع الناس تذكار


وقولـي لهـم نسيانهـم يستحيلـي
ياللي نسيتوها تـرى الوقـت دوار


يا هيه ياللى بالسمـا لـك هديلـي
ردي خبر تكفيـن يكفينـى امـرار


شوفي هاكا اللى نومهم فـى شليلـى
من اذان المغرب الى وقت الاسحار


شوفى هاكا اللى ما اهتنى فى مغيلـي
الابمقيـل معهـم كبـار وصـغـار


وقولي لهـم ان كـان حملي ثقيلـي
مرة يجون وعقبها شي مـا صـار


وانـا يتولانـي كـريـم حليـلـي
يا علني فى جنتـه وسـط الابـرار


نعوذ بالله من الظلم وقسوة القلوب .
تحياتي العطره لكم وارجوا الاعتبار بهذه القصه الموجعه

[نايف المسيعيد]

والله عيالها هذولا مافيهم دم

قصيده معبره اخوي المعاند

[محمد بن دوهان]

فعلا ً لا تعليـق ..

نسـأل الله العفو والعافية بالدنيا والآخرة وأن يسترنا بستره وعفوه يا أبو متعب

شفنا بهالدنيا تهاويل وعبرّ=والمسعد اللي ناجي الحظ سالم

رحمة الله عليها برحمته الواسعة وأبدلها بدارٍ خيرٍ من دارها وبأهلٍ خير من أهلـها .. لمثل هذا وردنا هـذا الدعـاء والله الـمستعان ..

دمت برضا ً من الله وبـحفظه ..

[سليمان الخرس]

اللهم امين يارب العالمين
الف مليون شكر لحضوركم