طير الملك خالد { مشهور }

[محمد بن دوهان]

http://up1.m5zn.com/photo/2009/2/7/09/iw4o1wne3.jpg/jpg

السلام عليكم ورحمة الله وبركـاته

طير الملك خالد بن عبدالعزيز آل سعود عليه رحمة الله .. ضاع أثناء المقناص في المنطقة الشماليـة .. وقد وضع جائـزة لـمن يـجده وهي عبـارة عـن جيب حوض .. أو وانيت ..

وقد علم بفقدانه الشاعر الكبير مرشد البذال عندما كان ضيفاً عند الـملك رحمة الله عليهم أجمعين ، مما أثار قريحته الشعرية بهذه القصيدة :


يامن يبشرني عن الطير مشهور =وابشّره عند الملك له بشاره


قلّه يبشرنا وياخذ على الفور =يبشر بوانيت جديد الغماره


واقابله بالشكر في كل مقدور =يستاهل اللي يجتهد في وقاره


بالله يامشهور ماتقبل الشور =مادام مثلك مامشى باحتقاره


الطير والله لو معه فكر وشعور =ان كان جأ له عاقل واستشاره


عقب ابو بندر حاكم المدن وبرور =حاكم جميع البدو واهل الحضاره


بكره تجي في موقع فيه مقهور =اما برفّة بدو والا في قاره


تنسى تقرناسك ببستان ونهور =حدرك ثرى معمول ضد الحراره


الطير جابه يوم شم الهوى طور =تنكّر القرناس تالي نهاره


مادري طلب له طلع والا بهن كور =أقفى مع اللجّه سريع طياره


يالربع كلن له شياهين وطيور =لاشك في مشهور يالربع شاره


طيرن لياشفته تجي فيه مجبور =هو منوة اللي فاهمن للصقاره


ان شاهدك وجهه مثل خاام مكزور =والا كما القرطاس صافي غتاره


واليا قفيته قلت ياطير ماجور =ريش الظهر حلاّ بياضه شقاره


قرناس وافي العمر ماهو بمحبور =يحتار به راعي النظر يوم داره


ان حط وكره مع شياهين وصقور =ياخذ على كل الطيور الاماره


ماحلا مطاليعه على جانب الخور =في خايع توّه جديد خضاره


لاشافهن بالصوح درّاج وخمور =مثل الخصيم اللي توهق بثاره


اليا رفع راسه وهز الجسد زور =ياعل فكرك حاضرن بانتظاره


هدّه ترا قلبه على الطلع محشور =لايندقر مشهور باول مثاره


راح يترقى بالسماء لوه ماسور =لينه يجي بالجو مثل السماره


دحم سحاب المزن في مشية الزور =ونكّس وجاهن هويتن بانحداره


لازم تشوف الريش بالروض منثور =صارت على برقا الحباري معاره


من فز منهن صاح والصدر مفجور =ومن طار منهن مايفكّه طياره


واليا قضا شفّه وشاهدك بنحور =يفرس بهمّه خل عندك شطاره


والربع كلن بات فارح ومسرور =يوم الملك طيره عرف باختباره


هذي طراة العمر والطير مخبور =أنه لخالد عز شعبه وجاره


العاهل اللي حط للمجد دستور =في روضة الباطن تشوفون ناره


في خايعن نبته دواوير وزهور =والفقع يجنونه بجنب المناره


تم الكلام اللي بالاوراق مسطور =من شاعرن ماولّفه باستعاره

وسلامتكم أجمعين ، ورحـم اللـه الـملك خالد بن عبدالعزيز آل سعود ، وكذلك الشاعر الكبير مرشد البذال..

ودمتـم بعز ومعزه وستر من الله جل جـلاله بالدنيا والآخـرة ..

اخوكـم

أبــو عبدالعــزيــز

[بن وايل]

الله يرحمـ الملكـ خالد

انا اشهد انه حر ومقابلن حر

وصح لسان الشاعر والناقل

والله يعطيكـ العافية

[سليمان الخرس]

الله يرحمه ويرحم اموات المسلمين

والله يطول لنا بعمر ابو متعب يارب

[محمد بن دوهان]

الله يرحمـ الملكـ خالد

انا اشهد انه حر ومقابلن حر

وصح لسان الشاعر والناقل

والله يعطيكـ العافية

صـح بدنك ياطويل العمر وعشت وسلمت يابـو فـهد من كل شـر بالدنيـا والآخـرة ..

[محمد بن دوهان]

الله يرحمه ويرحم اموات المسلمين

والله يطول لنا بعمر ابو متعب يارب

اللـهم آمين

تسـلم وتعيش يابـو متعب

وأدامـك الله يابنـآخي بستر وعـافية بالدنيـا والآخـرة ..

[منصوربن عبدالرزاق الفاعور]

يعطيك الله آلف عافيه وتقبل مروووووووووري

[محمد بن دوهان]

عشت وسلمت يا منصور من كل شر ومن كل مكروه ..

تقديري وشكري الجزيل لقامتك الكريمة ..

وأدامك الله بعفوه ورضاه وستر بالدنيا والآخرة.

[طلال الدوامي]

صح لسانك ورحم الله الملك خالد والشاعر مرشد البذال


لاهنت يالبناخي

[محمد بن دوهان]

اللهم آمين ، نسأله بأعز أسمائه وصفاته في هذه الأيام الفضيلة ، أن يرحم الملك خالد بن عبدالعزيز آل سعود برحمته الواسعة

وكذلك الشاعر مرشد البذال وجميع موتى المسلمين ..

كل الشرف لي برؤية إسمك وتعليقك أخوي أبو تركي ..

فكن برعاية الله عز وجل وحفظه أينما كنت أيها العزيز .

[عوض العطيش]

الله يرحم الملك خالد ويغفر له ... ويحشرنا و أياه والشاعر مرشد البذال مع الصديقين والصالحين والشهداء وحسن اولئك رفيقا .

بارك الله بك يا ابو عبدالعزيز ... أعدتنا إلى الأيام الخوالي ... ايام بساطة الحياة وحلاوتها ... ايام القلوب النقية والبساطة والطيبة و راحت البال ... الله ياهي كااااانت ايااااااااام .

لا أرهاب ... لا تشدد ... لا أزمات أقتصادية ... لا أنانية ... لا سوق أسهم ... لا مولات ... لاعمولات ... كل شيء كان بسيط وحلو ... حتى الناس كانوا أحلى ... لم يتبقى من تلك الايام إلا عدد ايام الأسبوع ومسميات الأشهر ... والباقي تغير ... سبحان من يغير ولا يتغير

[محمد بن دوهان]

اللهم آمين ..
ونطلب الله أن يتغمد الملك خالد برحمته الواسعة وكل أموات المسلمين ..
وبهالمناسبة ذكر لي أحد كبار السن أن الإخوة والأشقاء في دولة الإمارات عندهم سنة من هالسنين يسمونها سنة " الحطّة " ..
وسبب التسمية أن الملك خالد قام بزيارة دولة الإمارات المتحدة وعندما حطّت ( هبطت ) طائرته بالمطار واذ أنزل الله عليهم الأمطار وقد كانت متوقفه عنهم لمدة خمس أو سبع سنوات كما قال لي الراوي .. وكانت تلك السنة عليهم سنة خير ..
فلذلك قاموا بتسميتها بسنة الحطه ومعناها سنة حطة طيارة الملك خالد بن عبدالعزيز رحمة الله عليه .

صدقت بكل ما قلت عسى الله يكتب لنا من عواثيرها العافية والسلامة .
ونسأله أن يعيد أيام الفرح والمسرات يا أبو خالد ..
ومثل ما سأل الله الشاعر:


يالله يالمعبود يا وافي الصاع=إن كان عندك للأجاويد ثابه
إنك تمشينا على درب الأسناع=ياللي لداع الخير ما صك بابه



نطلبه أن يرحمنا ويكفينا شر أنفسنا وأن يهدينا ويهدي ضآل المسلمين ..
الدنيا ما خلت من الأجاويد أللي مثلك وشرواك يا راع العرفا ..







والناس مرجعها على بني ساسه ..

[شقاوي]

الطير الي بالصوره اهب ياوجهه واذا هو مشهور عزالله ان الجائزه وانيت قليله بحقه
يستاهل الي يجيبه اكثر ..
صح لسان الشاعر وسلمت يد الناقل ..

[محمد بن دوهان]

:):)

هذا حر ٍ ومقابله حر ..
ومن قال سالم وغانم ..

عسى الله يسلمك من كل شر يا شقاوي

ودمت وأدامك الله بعز ومعزه وبرعايته وحفظه أينما كنت .