عرفاء قماصي هلابك والديار انورت

[محمد الطرقي]

عرفاء قماصي هلابك والديارانورت = وفي جيتك يابن عمي زايد ٍ نورها

سبعة سنين الجهود مبينه ما اثمرت = عجست اشخص بلا العله ودكتورها

[نايف المسيعيد]

ابويوسف صح لسانك وشهر مبارك عليك وعلى من يعز عليك

وبانتظار الشاعر عرفاء قماصي

[محمد الطرقي]

صح الله بدنك يابن مسيعيد وبارك الله فيك وتقبل الله منا ومنك صالح الاعمال

نورت المتصفح طال عمرك

[محمد بن فرحان]

لاهنت ولاهان نديمك





على طاري نديمك


هو وينه صحيح

[محمد بن دوهان]

صـح لسانك يـا أبو يوسف ..وإعتلا شآنك يالسيف البتّـار ..

وبإنتظار راع العـرفا لتشخيص العله ووصف علاجـها ..

وتقبل تشرفي بالمرور من هنـا وبمتابعتكم حفظكم الله ورعـاكـم ..

[عرفاء قماصي]

بك الهلا والديار منورة وااسفرت = بوجودكم يابن عمي شع بنَورها

لاتلوم نفسك يابو يوسف وذي قررت =جف القلم لين ما ينفخلك بصورهاا

[محمد الطرقي]

انا عرفت الحقايق والخفايا اضهرت = ولقيت بعض البشر ماهي على دورها

ولقيت بعض العلل ياصا حبي مابرت = وبعض الآوادم مرضها وسط حنجورها

[عرفاء قماصي]

خلوهاااااااااااااااااااااااااااااااااااااااااااااا ا


ياصاحبي بعض الانفس بالوبى استعمرت = وبعض البشر غيبته اطيب من حظورها

ومن وين ماهبهبت قامت علينا وذرت = ومن لاركب في ضهرها جاك في كورهااا

[محمد بن دوهان]

صح لسانكم وبنانكم يا أهل العرفا

متابع لكم عسى الله يوفقكم ويجمعنا وإياكم بستره وعفوه ورضوانه بالدنيا والآخرة.

[عرفاء قماصي]

صح بدنك يالبناخي ابن دوهان والف شكر لمرورك

[محمد الطرقي]

الناس قامت تخرب كل ماعمرت = وانا احسب أن العمارة مرتفع سورها

والله مالوم ناس ٍ بالحقيقه درت = يومٍ بعض السوالف بان مستورها

[محمد الطرقي]

الاخ محمد فرحان الله لا يهينك يالغالي وشاكر مرورك

[محمد الطرقي]

صح الله بدنك يابن دوهان وكل الشكر على مرورك العطر

[عرفاء قماصي]

صح لسانك يابو يوسف واستلم طال عمررك

بيتن مسيس خشب مايثبت ان سمرت = والناس ساس العلاقة داخل صدورها

والنار من كثر ماينفج بها جمرت = وتشالفو ا نارهم بمداحم قدورهااا

[محمد الطرقي]

الناس لثيابها فوق الركب شمر ت = وتبكي على ماضي الآيام وعصورها

مادام بعض الآوادم باللزم خمرت = ماهو خسارة لامنه راح جمورها

[عرفاء قماصي]

بعض البشر امعة زمر اليازمرت = ومع كل زفة معلق حس زمورها

وابشرك يابو يوسف قمرت قمرت = وبين لنا من يفك وصك صنبورهاا

[محمد الطرقي]

الوقت يسري بنا وسود اليالي سرت = والناس متخالفه مايتحد شورها

كل مانقول استوت تعطلت وعثرت = وكل البلا يابن عمي ريح مجدورها

[عرفاء قماصي]

ليا جتمعت الناس ساعدها قوى وقدرت = والقو يملى بطن منعاج منقورها

النصح والنصح كانه بعد ذا ماصخرت = علية دير الكتاف وصك مشبورهااااااا

[نايف السمين]

الشاعر محمد الطرقي والشاعر عرفاء قماصي يعطيكم العافية



ونحن متابعين لأبداعاتكم الغير مستغربه منكم

ودي وتقديري

[عرفاء قماصي]

صح بدنك يابو عمر ومتابعتكم شرف لك ودي وتقديري

[محمد الطرقي]

لو العرب بالعلوم اللي تقول اشعرت = ماكان بين خطاها وبين اقصورها

كم غيمت غيم لكن غيمت ما امطرت = ترعد وتبرق وصار العج بنحورها

[محمد الطرقي]

نايف السمين صح الله بدنك وشكرا على المتابعه بارك الله فيك

[عرفاء قماصي]

الناس لوهي على ماينبغى ضمرت = والكل منا يقوم بجد في دورها

ان كان بعض الحى با مواسها حنجرت = والذيب مايجفل ليا شاف قرقورها

[خليف الدوامي ابو زيدان]

عرفاء قماصـــــــــــــــــــي
محمد الطرقي ابو يوسف

ياهلا بكما أجتمعا الغالين هنا وليييييييييييييييييه ماعلمتوني ؟!!! تخبرون أنا فيني سجات ويشهد الله على حبكما وتقديري لجزالة شعركم 0

الليلة الليلة معاكم واشجعكم كلكما وصح منطوقكم كلاكما 0

[عرفاء قماصي]

ابو زيدان اية النبيل الله محييك وصح بدنك يابعد حي ..... لك ودي وتقديري

[محمد الطرقي]

الشجرة اللي يظلل ظلها ما اكبرت = ظلت على واضعها مابانت ازهورها
والناس لو تدعي بالمعرفه ماقرت = لو هي قرت بالحقايق بان منظورها

[محمد الطرقي]

صح الله بدنك يابو زيدان متابعتك شرف لنا بارك الله فيك يالغالي

[محمد الطرقي]

صح الله السانك ياعرفاء قماصي وماقصرت يالغالي بارك الله فيك ونقف عند هذا الحد لنشغالي
المستمر في هذي الايام والختام عندك طال عمرك
وتقبل احترامي وتقديري

[خليف الدوامي ابو زيدان]

ياهلا اخي الطرقي منورين انت وعرفاء قماصي سرني تواجدكما

[محمد الطرقي]

انا هنا تواجدي يابو زيدان وبنتظار حضورك وحضور شرواك يالغالي

وهذا الموقع اللي يعترف في كل منتديات السبعه ويضمها تحت مسماه

ومنتدى لا يعترف في منتديات السبعه لا يهمنا على الا طلاق

تقبل احترامي وتقديري

[عرفاء قماصي]

صح لسانك يابو يوسف والمعذرة على القصور وتشرفت بالعب معك طال عمرك والى لقاء اخر...... تحياتي

والشجرة الي لو ان غصونها طوبرت = ان ماثمرت فالبلا مستعمر جذورهاا

وكان الطيور افلست من خيرها مانقرت = تنفض جناح الفراق وتعلن عبورهاا

[محمد بن دوهان]

صح لسانكم وإعتلا شآنكم يا أهل العرفا ..

على هالإبداع المنقطع النظير ..

وبمثلكم يا الأحرار نفخر ونزهى ..

وأسأل الله بعزته وجلاله وقدرته وسلطانه أن يجمع أهل العرفا على العز والمعزه وعلى رفعة الشآن وبما يستر أسامينا وأساميكم وبما يليق بأعز إسمٍ علينا وهو إسم هذه القبيلة الذي نطلب من الله بكل إسم هو له أن يعز أبناءها ويوفقهم ويجعل منهم أفضل أبناء الأرض قاطبةً ..

وتفضلوا مني بقبول كل المحبة الصادقة والإعتزاز بكم يا اهل العرفا ، علم الله ..

اخوكم وإبنكم

أبو عبدالعزيز

[محمد الطرقي]

عرفاء قماصي صح الله بدنك وصح السانك على المحاورة الرائعه بكل المقاييس

بارك الله فيك ايها الشاعر الرائع تقبل احترامي وتقديري

[محمد الطرقي]

صح الله بدنك يابو عبد العزيز وكل الشكر على المتابعه والتشجيع بارك الله فيك