خليف الدوامي ابو زيدان
09-04-2009, 01:51 AM
قصيدة الشاعر ضامن عبيد الدوامي والرد عليها
فيه جار لي عزيز عليه حيل وهو(ابوفهد الفدعاني) وهذا الصديق من نطلع من المسجد وأن يده بيدي وأحياناً يزهمني وانا جالس أقرأ الأذكار بعد الصلاة ويشتاق لي جداً وانا كذلك ومزاح حييييييل وسوالفة طيبة المهم بالنسبة لي لقيت الشخص اللي انا فاقده وابحث عنه منذوا عقود يفهمني بكل ماتعنيه الكلمة وكنت ابحث عنه من زمان انا أعرف انكم قمتم تهقون وتوقعون بالعمر ؟ المهم الرجال مزحه كثير ولكن مبطن بالذهب والألماس وحلو وبمعنى أصح مثقف جداً وبالنسبة لي أعتبره قاموس ناطق ولا أحتاج ابحث في المجلدات 0
وهو يقابل الشاعر ضامن عبيد المسدر الدوامي عند أحد الشخصيات وسمع انني أسافر لمصر ويمزح معي مايبيني أسافر لها ويهددني ويقول والله لغير نقصد بك انا وضامن والموضوع كله تدبير منه وقام ينخى الشاعر المعروف ضامن عبيد ويكثر ويقلل عنده يبيه يقصد ونا ما أخفيكم مسالم ماني مشاغبي وهو كل مايقابلني والله لنفعل ونترك قلت انا ماني قايل شئ وماني متعرضكم وش تبون مني قال حنا ما حنا تاركينك لازم ماتسافر نهائي وهو ياربع والله مايقعد عند أهله سبوع كامل إلا يسافر لكل الديار حتى الى اليمن وسردادي يم الكويت ودول الخليج كلها ، وضامن أزود منه وانا بالسنة مرة ولاهي وكاد نوب ننقزها 0
مرة من المرات يوم جاني وتقهويت اناوياه بالخيمة وهو يطلع الورقه من جيبه وأن فيها القصيده مجهزها 000سويتها يابو فهد قال : نعم قلت والله لو تطيعوني أنكم ما تعرضوني أنت وضامن خاصة لأن سفراتكم ماتعد ولا تحصى قال ماهي على كيفك خذ وشف القصيدة وأن فيها :
عــوداً تنهـــــض نـــاوي ديرة النيل = مصمل على المسفار جـــازم وناوي
من يمنعه لامن ســــرى تالي الليل = متعلقا قلبـــــــــه للاهــــــرام داوي
خلا العشاير وامــــــــهات المخاليل = واللي بقى يرجيه مهـــــــــو رجاوي
يبي يتمشـــــــى ويستمع عين ياليل = وهو عود وعوده باخر العمـر ذاوي
هاتو صياخ وجهزولي معـــــــــاميل = نبـــــي نوعلــــــــــه جميع المكاوي
المهم الرجال رزلني بايعازمن ابو فهد ومقبوله منهم ومزحهم مقبول ، فوجدت نفسي مضطراً اقوم بالرد وكان هذا ردي عليهم :
يالله يامعبــــــــود منشــــــــئ الهماليل ........ عقب القحط يهدربها كـــــــل وادي
يامنجي (ن) ذنون مـــــــن داجي الليل ........ في بطن حوت (ن)والمواقف ســـوادي
ياهازم الاحزاب ومـــــوقف الفيـــــــل ......... عن هـد بيت الله واغلــــــى البلادي
تمطر مطــر غزير(ن) في وادي الهيل ........ ويعم ثراها في هـــــــــذيك البوادي
ويكثـــــــر رخاها ونتحـــــرى التعاليل ......... وريضانها تلبـــــس اثياب (ن) جدادي
يامحلى يابو فهـــــــــد كتت الهيـــــــل ......... في موتر (ن) ماحــــده كبر الهـــــوادي
يرقى كبير الفــــرع ولا ميله ميـــــــل .......... من مصنعه ماخوذ والقير عـــادي
ازهم على ضامن زيزوم الرجاجيـــل ........... الغشـــمري اللي على الطيب بادي
تقول انه يحمــــــي صياخ ومعاميـــل ........... متفـــوه (ن) انــه طبيب (ن) يـــــداوي
يحضر علاجاً عن مرض ترعة النيـل ........... ونسي علاج الشام هو والبوادي
وعلاج نفســـــــــــه كان عنده تعاديـل .......... وابو فهد ترى عن الناس بـــــادي
وصـــلاة ربي عـــــــــــد رذ الهماليـل ........... على نبي (ن)مرســــل (ن)للعبــــــادي
وسلامتكم
فيه جار لي عزيز عليه حيل وهو(ابوفهد الفدعاني) وهذا الصديق من نطلع من المسجد وأن يده بيدي وأحياناً يزهمني وانا جالس أقرأ الأذكار بعد الصلاة ويشتاق لي جداً وانا كذلك ومزاح حييييييل وسوالفة طيبة المهم بالنسبة لي لقيت الشخص اللي انا فاقده وابحث عنه منذوا عقود يفهمني بكل ماتعنيه الكلمة وكنت ابحث عنه من زمان انا أعرف انكم قمتم تهقون وتوقعون بالعمر ؟ المهم الرجال مزحه كثير ولكن مبطن بالذهب والألماس وحلو وبمعنى أصح مثقف جداً وبالنسبة لي أعتبره قاموس ناطق ولا أحتاج ابحث في المجلدات 0
وهو يقابل الشاعر ضامن عبيد المسدر الدوامي عند أحد الشخصيات وسمع انني أسافر لمصر ويمزح معي مايبيني أسافر لها ويهددني ويقول والله لغير نقصد بك انا وضامن والموضوع كله تدبير منه وقام ينخى الشاعر المعروف ضامن عبيد ويكثر ويقلل عنده يبيه يقصد ونا ما أخفيكم مسالم ماني مشاغبي وهو كل مايقابلني والله لنفعل ونترك قلت انا ماني قايل شئ وماني متعرضكم وش تبون مني قال حنا ما حنا تاركينك لازم ماتسافر نهائي وهو ياربع والله مايقعد عند أهله سبوع كامل إلا يسافر لكل الديار حتى الى اليمن وسردادي يم الكويت ودول الخليج كلها ، وضامن أزود منه وانا بالسنة مرة ولاهي وكاد نوب ننقزها 0
مرة من المرات يوم جاني وتقهويت اناوياه بالخيمة وهو يطلع الورقه من جيبه وأن فيها القصيده مجهزها 000سويتها يابو فهد قال : نعم قلت والله لو تطيعوني أنكم ما تعرضوني أنت وضامن خاصة لأن سفراتكم ماتعد ولا تحصى قال ماهي على كيفك خذ وشف القصيدة وأن فيها :
عــوداً تنهـــــض نـــاوي ديرة النيل = مصمل على المسفار جـــازم وناوي
من يمنعه لامن ســــرى تالي الليل = متعلقا قلبـــــــــه للاهــــــرام داوي
خلا العشاير وامــــــــهات المخاليل = واللي بقى يرجيه مهـــــــــو رجاوي
يبي يتمشـــــــى ويستمع عين ياليل = وهو عود وعوده باخر العمـر ذاوي
هاتو صياخ وجهزولي معـــــــــاميل = نبـــــي نوعلــــــــــه جميع المكاوي
المهم الرجال رزلني بايعازمن ابو فهد ومقبوله منهم ومزحهم مقبول ، فوجدت نفسي مضطراً اقوم بالرد وكان هذا ردي عليهم :
يالله يامعبــــــــود منشــــــــئ الهماليل ........ عقب القحط يهدربها كـــــــل وادي
يامنجي (ن) ذنون مـــــــن داجي الليل ........ في بطن حوت (ن)والمواقف ســـوادي
ياهازم الاحزاب ومـــــوقف الفيـــــــل ......... عن هـد بيت الله واغلــــــى البلادي
تمطر مطــر غزير(ن) في وادي الهيل ........ ويعم ثراها في هـــــــــذيك البوادي
ويكثـــــــر رخاها ونتحـــــرى التعاليل ......... وريضانها تلبـــــس اثياب (ن) جدادي
يامحلى يابو فهـــــــــد كتت الهيـــــــل ......... في موتر (ن) ماحــــده كبر الهـــــوادي
يرقى كبير الفــــرع ولا ميله ميـــــــل .......... من مصنعه ماخوذ والقير عـــادي
ازهم على ضامن زيزوم الرجاجيـــل ........... الغشـــمري اللي على الطيب بادي
تقول انه يحمــــــي صياخ ومعاميـــل ........... متفـــوه (ن) انــه طبيب (ن) يـــــداوي
يحضر علاجاً عن مرض ترعة النيـل ........... ونسي علاج الشام هو والبوادي
وعلاج نفســـــــــــه كان عنده تعاديـل .......... وابو فهد ترى عن الناس بـــــادي
وصـــلاة ربي عـــــــــــد رذ الهماليـل ........... على نبي (ن)مرســــل (ن)للعبــــــادي
وسلامتكم