رمز الاغتراب

[الحميدي وراد]

رمز الإغتراب


في داخلي رمز اغتراب=في لهفته مثل الغريب
يرسم معاني الإكتئاب=باسم المشاعر والحبيب
يتبع من الواقع سراب=يمشي على الرمضا كئيب
ينظر عسى مزن السحاب=يجيه ويسيل الشعيب
فعله غريب والصواب=ابعد وبافعاله عجيب
يا كيف يلقى له جواب=والناس في صمت رهيب


تراي حاولت انسقها بس عيت تجي معي
واعذروني القصيدة تعبر عن واقعي وهي قديمة

[محمد بن دوهان]

الأوله صح لسانك وبنانك وإعلى الله شآننا بشانك يا أبو فهد

وعسى الله يجعل أيامك كلها فرح ومسرات ويبعد عنك المغثه والإكتئاب

أرجوا أنني وفقت بتنسيق القصيدة ..

أخوك ومحبك / أبو عبدالعزيز

[عرفاء قماصي]

صح لسانك وعلى شانك على هالرائعة والمعبرة .... تحياتي

[عوض العطيش]

صح لسانك يا ابو فهد

كلمات معبرة ... من شاعر قدير

جعل الله واقعك قريباً من السعادة غريباً عن الأحزان

[الحميدي وراد]

ابو عبدالعزيز

صح بدنك

و اشكرك على تنسيق القصيدة

واسعدني مرورك الكريم

[الحميدي وراد]

اخي العزيز عرفاء قماصي

صح بدنك واسعدني مرورك الكريم

[الحميدي وراد]

ابو خالد صح بدنك


ونسأل الله ان يتقبل دعائك في هذه الايام المباركه


وشكرا لمرورك الكريم

[محمد الطرقي]

صح الله السانك يابوفهد ابيات معبرة
لا تحرمنا من جديدك بارك الله فيك
تقبل احترامي وتقديري

[ابو شامه]

صح لسانك ويعطيك العافيه