الكل فعل ردت فعل

[محمد الطرقي]

يالحاقد اللي كن قلبك صداء صاج=قلبك مريض ولاتحصل علاجه

مريض قلب وللمصحات محتاج= لسانك عوج مابعتدل عن عواجه

والفكر صابه يسود الوجه رجاج= كل يوم والثاني يزيد الرتجاجه

هلباج واللي يذي الناس هلباج= مسكين مايعرف طريقة خراجه

ناقص عقل مزعوج ويسبب ازعاج=يسير في درب الردا والسماجه

هو يحسب انه بين كل العرب تاج =مايدري انه مايوازن دجاجه

محمد الطرقي القهيدان=

[محمد بن دوهان]

صح لسانك وإعتلى شآنك يا أبو يوسف ..

ونطلب الله بعزته وجلاله وقدرته وسلطانه أن يكفينا شر خلقه ، وكما وردنا بالمثل العربي من رافق الأخيار أمن الأشرار أو كما قيل.

وذكرتني بقصيدة الأمير محمد السديري رحمة الله عليه حين قال :


كم و احـد لـه غايـة ماهرجهـا=يكنها لـو هـو للادنيـن محتـاج
يخاف من عوجا طـوال عوجهـا=هرجت قفا يركض بها كل هـراج
يقضب عليك المخطية من حججها=حلو نباه و قلبه اسود من الصـاج

ومثل ما قال الشاعر :-


الطيِّب لوهو من أبعد الناس ينفعك=يصير لك عند اللوازم سنادي
والا الردي لو هو من الأدنين يقطعك=وجهه ياعله للفنا والسوادي

لا هنت يا أبو يوسف ولا هان منطوقك وعشت وسلمت يا راع العرفا .

[محمد الطرقي]

صح الله بدنك يابو عبد العزيز وكل الشكر على الاضافه الطيبه

وهذا مانشاهدة في عصرنا الحالي الله المستعان

ورك يزين الاحوال

بارك الله فيك وبحضورك المميز

احترامي وتقديري