هجينيه مهداة الى الشاعر / الاطرق الهذال

[محمد الطرقي]

هذي الهجينيه المتواضعه اهداء الى اخي الشاعر

الاطرق ابن بدر الهذال

عسى ان تنال اعجابكم



القلب يالاطرق الهذال = صارت كثيره مشاويره

كل يوم عن ديرتي رحال = لاطب ديره نواء ديره

ماطاع لمناصح العذال = ولارد قلبي على مشيره

يقول كل البشرجهال = تمشي بسيره وانا بسيره

القلب صابه بلا وهبال = شكيت بأمره وتعبيره

يذكر الشين غيابه طال = واللي مضاء مايبي غيره

واليوم عايش على الاطلال= في ديرة ٍ وضعها بحيره

من دونها يرجع المرسال= ماجاب ليه تقاريره

وعسا اليالي تجي بقبال = ويزين حلمي وتفسيره

اخوك محمد الطرقي القهيدان=

رد الشاعر الكبير الاطرق بدر الهذالالقدير محمد الطرقي
صح لسانك لين ترضى
اسعدني وشرفني اسنادك الرائع
حقيقةً تفاجأت بوجودها الآن لأني مادخلت المنتدى
الا اليوم
ليتك مرسلي على الأيميل كان كتبت رد يليق بمقامك
الآن انا طالع للدوام ولا ودي اطلع الا اكتب رد فتقبل مني
ردي الكيبوردي السريع واعذرني عن التقصير



سلمت يامرسل الموال = لاتشكي الظيم والحيره

والله لـو انهـا بالـمـال = لكـفـيك امـره وتدبـيـره

القلب ياصاحبي لامـال = نمشي على امره وتبريره

لاصار ماطـاوع العذال = خـلـه يواصل مشاويره

الله يحقق لك الآمـال = مع صاحـبٍ ماتبي غـيره

لابد ماينثني بقــبال = صـاحــبك وتـنور الـــديره

اصبر وربك لها حلال = ولايندرى وينها الخـيره

العشق لقلوبنا غربال = ماينعرف كيف تفـسيره

الاطرق ابن بدر الهذال=

[الحميدي وراد]

انت يا ابو يوسف شاعر مبدع


ولا يهون اخوي الشاعر الاطرق الهذال


ولا نقدر نقيم قصائدكم فأنتم من كبار الشعراء ونفخر بماتقدمونه من ابداع


وابي منك قصيدة الجمس ( الوانيت ) اكيد هذي من ايام الشباب وانت قلبك خضر

[محمد الطرقي]

هلا وغلا بخوي الغالي الحميدي وراد

كل الشكر على مرورك العطر بارك الله فيك

وغالي والطلب رخيص بس قصيدة الجمس
لم او ثقها حتى الان وبعد التوثيق اطرحها لكم

والان ابشر بغيرها رايح انزلها عن قريب والا يكون خاطرك الا طيب يالطيب

احترامي وتقديري

[سليمان الخرس]

ان غصت في هذة النصوص من الصعب عليك الخروج منها الا أن تصفق
لهذا الابداع اللامنتهي

دمت يابو يوسف ودام نبضك ولا يهون الشاعر الاطرق
شاعر غني عن التعريف

[محمد الطرقي]

الغالي المعاند

كل الشكر على حضورك المميز بارك الله فيك

مرورك تشريف المواضيعي لا عدمتك

[محمد بن دوهان]

سلمت من الشر وغرابيله

وصح لسانك ولسان الشاعر الكبير الأطرق بن هذال وحفظكم الله من كل مكروه ويستاهل عز الله من يسند عليه ..

وتقبل إعتزازي وتشرفي بالمرور من هنا أخي أبو يوسف ..

وكن برعاية الله وحفظه وستره بالدنيا والآخرة .

[محمد الطرقي]

الله يسلمك ويطول في عمرك يابو عبد العزيز

وكل الشكر على دعواتك الطيبه بارك الله فيك

وكثر الله من امثالك تقبل احترامي وتقديري

[عرفاء قماصي]

صح لسانك يابو يوسف على هالجزلة وصح لسان الشاعر الاطرق بن هذال ... تحياتي

[محمد الطرقي]

الغالي عرفاء قماصي صح الله بدنك وشاكر مرورك العطر احترامي وتقديري

[محمد الطرقي]

كل الشكر الكل من مر هنا وشرفنا في مداخلته

[ابو شامه]

صح لسانك ويعطيك العافيه

[متعب عبدالهادي الفققي]

السيف البتار با القاف مايحتار بيوته سبائك ذهب . ولايهون الاخ الشيخ الاطرق الهذال الصديق العزيز

[محمد الطرقي]

Quote:
<TABLE border=0 cellSpacing=0 cellPadding=6 width="100%"><TBODY><TR><TD style="BORDER-BOTTOM: 1px inset; BORDER-LEFT: 1px inset; BORDER-TOP: 1px inset; BORDER-RIGHT: 1px inset" class=alt2>المشاركة الأصلية كتبت بواسطة ابو شامه http://www.alsb3ah.net/vb/7-st/buttons/viewpost.gif (http://www.alsb3ah.net/vb/showthread.php?p=29201#post29201)
صح لسانك ويعطيك العافيه
</TD></TR></TBODY></TABLE>

صح الله بدنك يالغالي والله يعافيك

[محمد الطرقي]

Quote:
<TABLE border=0 cellSpacing=0 cellPadding=6 width="100%"><TBODY><TR><TD style="BORDER-BOTTOM: 1px inset; BORDER-LEFT: 1px inset; BORDER-TOP: 1px inset; BORDER-RIGHT: 1px inset" class=alt2>المشاركة الأصلية كتبت بواسطة متعب عبدالهادي الفققي http://www.alsb3ah.net/vb/7-st/buttons/viewpost.gif (http://www.alsb3ah.net/vb/showthread.php?p=29211#post29211)
السيف البتار با القاف مايحتار بيوته سبائك ذهب . ولايهون الاخ الشيخ الاطرق الهذال الصديق العزيز
</TD></TR></TBODY></TABLE>

شهادتك وسام على صدري طال عمرك كل الشكر لك على مرورك الطيب بارك الله فيك يابو عبدالله
حترامي وتقديري