محمد الطرقي
09-16-2009, 12:24 AM
قصيدة العود=
سلام ود وورد ومؤجز وتعريف =تحيةٍ مهده للي يعرفون
وداع ياسماع بعض السواليف =وداع ياجسمٍ بلا عقل وأعيون
كنت أمس ودي جمع بعض الاطاريف=متجهدٍ وأقول يالربع وشلون
ولافدت لا كود التعب والتحاسيف=أحترت بأمري بين عاقل ومجنون
شدالركايب يارفيقي مناكيف=وخل السلف قدم المظاهيريمشون
مالله دعى يامسندي بالتكاليف= أبعد وأريح وبالزماميل يلهون
البعد طب وحكمةٍ للعواريف= لاصارربعك مالارايك يطيعون
ردي على ابو زيد =
سلام ماشابه تملق وتزييف = سلام مصيون وعن النقد مصيون
سلام مني لرجال العواريف = اللي الياضاع الدليله يدلون
الي رقو في عاليات المشاريف=ماضنتي في بعض الحيان يخطون
لاصار حسبو من حساب العواريف =هم الذي في كل موقف يقيفون
اقلوبنا تبقاء تغسل وتنضيف = والله مانبقاء بها حقد وضنون
ووضاعنا مبطي بها عدل وجنوف = وقلوبنا من أول بها جرح وغبون
اوضاعنا يالمصربي مالها اوصوف = الناس مبطي عن طرفها يصدون
لو الهدف ماهو مبين ومعروف = بس الوكاد ان الهدف شك وضنون
ناسٍ تشوف وناس تمشي والاتشوف = وناسٍ تصد وكنهم مايشوفون
اقر الكتاب اللي على وقفة احروف = خط ٍ عن الزلات منقي ومضمون
رد العود عليه=
حي الكتاب أعداد مابه من أحروف =وأعداد ما بي من هواجيس وأحزون
أهلا وٍسهلا ومرحبا بكل منقوف = وباللي على عرف الصحيح يتقصون
ماني يابو يوسف على الناس مكلوف = الوضع واضح وأكثر الناس يدرون
يأكثرهم لو أذكر أشخاص وأكشوف =ياكثر أللي لتفرق الناس يسعون
مالك ومالي وشلنا بكل ملقوف= مادامهم في غيهم مايطيعون
أشوف يابن العم أشكال وأصنوف=وأزعل ثم أرضاء وأترك أللي يقولون
مع تحياتي لك أخونا أبو/يوسف.=ر
رد ي على ابو زيد مع التحيه=
مد الكفوف وخلها تلمس اكفوف = نبي انتهرج والركايب على الهون
ياشوق من قرنه على المتن منسوف =اترك علوم تخلي الصدر مشحون
سولف عن الماضي ترا العقل مخطوف = واهرج عن الماضي وانا اقول وشلون
وليه الهواوي شبه الرمش لسيوف= وليه الهواء عشاقته ماينامون
قالو لنا العشاق لااف الحشاء لوف = الحب يودع صاحي العقل مجنون
سولف نبي نبعد ترا الوضع محفوف = لزانت الهرجه لها طعم وشجون
صاحبك لادقو على وتر معزوف = يكتب قصايد كلها نغم ولحون
الى الاخ الكريم /محمد الطرقي. أهداءخاص.=
لاتجاري المجروح خله بروحه =خله يعالج وضع حاله لحاله
ما أضن طموحك يتفق مع طموحه = ماهوقصوراً فيك ولاهي جهاله
كلك أدب وأخلاق وذوق وسموحه = لو تترك المجروح تكسب جماله
تلقى من غيره تنسجم مع مزوحه = يجاوبك وتجاوبه في سواله
ودي ولاودي سري أبوحه = وأنت الحكم والمحكمة والعداله
مع أحترامي لك وعدم المؤخذة=
الرد على عمي العود =
ودي اجاري من بعيده الشبوحه= والطيب اللي مثلكم ينبراله
ناخذمن اعلومه ونسمع طروحه= ونعطيه من جم القراح الرساله
العود يعجبنا نسيمه وفوحه = والبن مانشرب بواقي احثاله
والبرق مانرحل على شان ضوحه =لاصار مانعرف مواقع اخياله
ولو نتبع الخاطرونتلي شبوحه = كل يوم في ديره بعيد ارتحاله
نوبٍ قريب ونوب يبعد نزوحه= ونوبٍ يبي يم الفضاء لو صفاله
حتا البحر لولاشديد الملوحه =يمكن نحاول نشربه بالبياله
وسع عن الخاطر وجنب جنوحه= ماكل مايطري علينا وصاله
شرب القريفن مانفع من يكوحه = لوفيه ميزه ماوجدبالبقاله
كل التقديرللعم العود
=
سلام ود وورد ومؤجز وتعريف =تحيةٍ مهده للي يعرفون
وداع ياسماع بعض السواليف =وداع ياجسمٍ بلا عقل وأعيون
كنت أمس ودي جمع بعض الاطاريف=متجهدٍ وأقول يالربع وشلون
ولافدت لا كود التعب والتحاسيف=أحترت بأمري بين عاقل ومجنون
شدالركايب يارفيقي مناكيف=وخل السلف قدم المظاهيريمشون
مالله دعى يامسندي بالتكاليف= أبعد وأريح وبالزماميل يلهون
البعد طب وحكمةٍ للعواريف= لاصارربعك مالارايك يطيعون
ردي على ابو زيد =
سلام ماشابه تملق وتزييف = سلام مصيون وعن النقد مصيون
سلام مني لرجال العواريف = اللي الياضاع الدليله يدلون
الي رقو في عاليات المشاريف=ماضنتي في بعض الحيان يخطون
لاصار حسبو من حساب العواريف =هم الذي في كل موقف يقيفون
اقلوبنا تبقاء تغسل وتنضيف = والله مانبقاء بها حقد وضنون
ووضاعنا مبطي بها عدل وجنوف = وقلوبنا من أول بها جرح وغبون
اوضاعنا يالمصربي مالها اوصوف = الناس مبطي عن طرفها يصدون
لو الهدف ماهو مبين ومعروف = بس الوكاد ان الهدف شك وضنون
ناسٍ تشوف وناس تمشي والاتشوف = وناسٍ تصد وكنهم مايشوفون
اقر الكتاب اللي على وقفة احروف = خط ٍ عن الزلات منقي ومضمون
رد العود عليه=
حي الكتاب أعداد مابه من أحروف =وأعداد ما بي من هواجيس وأحزون
أهلا وٍسهلا ومرحبا بكل منقوف = وباللي على عرف الصحيح يتقصون
ماني يابو يوسف على الناس مكلوف = الوضع واضح وأكثر الناس يدرون
يأكثرهم لو أذكر أشخاص وأكشوف =ياكثر أللي لتفرق الناس يسعون
مالك ومالي وشلنا بكل ملقوف= مادامهم في غيهم مايطيعون
أشوف يابن العم أشكال وأصنوف=وأزعل ثم أرضاء وأترك أللي يقولون
مع تحياتي لك أخونا أبو/يوسف.=ر
رد ي على ابو زيد مع التحيه=
مد الكفوف وخلها تلمس اكفوف = نبي انتهرج والركايب على الهون
ياشوق من قرنه على المتن منسوف =اترك علوم تخلي الصدر مشحون
سولف عن الماضي ترا العقل مخطوف = واهرج عن الماضي وانا اقول وشلون
وليه الهواوي شبه الرمش لسيوف= وليه الهواء عشاقته ماينامون
قالو لنا العشاق لااف الحشاء لوف = الحب يودع صاحي العقل مجنون
سولف نبي نبعد ترا الوضع محفوف = لزانت الهرجه لها طعم وشجون
صاحبك لادقو على وتر معزوف = يكتب قصايد كلها نغم ولحون
الى الاخ الكريم /محمد الطرقي. أهداءخاص.=
لاتجاري المجروح خله بروحه =خله يعالج وضع حاله لحاله
ما أضن طموحك يتفق مع طموحه = ماهوقصوراً فيك ولاهي جهاله
كلك أدب وأخلاق وذوق وسموحه = لو تترك المجروح تكسب جماله
تلقى من غيره تنسجم مع مزوحه = يجاوبك وتجاوبه في سواله
ودي ولاودي سري أبوحه = وأنت الحكم والمحكمة والعداله
مع أحترامي لك وعدم المؤخذة=
الرد على عمي العود =
ودي اجاري من بعيده الشبوحه= والطيب اللي مثلكم ينبراله
ناخذمن اعلومه ونسمع طروحه= ونعطيه من جم القراح الرساله
العود يعجبنا نسيمه وفوحه = والبن مانشرب بواقي احثاله
والبرق مانرحل على شان ضوحه =لاصار مانعرف مواقع اخياله
ولو نتبع الخاطرونتلي شبوحه = كل يوم في ديره بعيد ارتحاله
نوبٍ قريب ونوب يبعد نزوحه= ونوبٍ يبي يم الفضاء لو صفاله
حتا البحر لولاشديد الملوحه =يمكن نحاول نشربه بالبياله
وسع عن الخاطر وجنب جنوحه= ماكل مايطري علينا وصاله
شرب القريفن مانفع من يكوحه = لوفيه ميزه ماوجدبالبقاله
كل التقديرللعم العود
=