محمد الطرقي
09-16-2009, 04:12 AM
لا تلبس الثوب الحمـر تفتـن النـاس=دس الوصايـف لا تبـيـن حـلاهـا
ولاتفصل ألضيق على الجسـم بقيـاس=لا شافـك العشـاق روحـه نسـاهـا
ولا تنظر بعيـنٍ تقـل عيـن قرنـاس=يميـع طـراد الهـواء مـن يـراهـا
نظرات عينك كنهـا ضربـت امـواس=تسطي علـى صـم القلـوب بحشاهـا
ولا تجرح اشعوري وانا شخص حساس=وحلو الموارد نشتهـي شـرب ماهـا
من يوم شفتك صار بالفكـر وسـواس=وبينـت لـك سـر القلـوب وخفاهـا
يا داعج العينيـن يـا جـادل الـراس=عليـك انـا نفسـي تزايـد هـواهـا
قلي وريحنـي تـرى العقـل منحـاس=نفسـي تـرد والا تـروح بضمـاهـا
عجل لنا بـرد يـا ضبـي الاطعـاس=انت أتعرف من نظرتـي وش وراهـا
وانت الطبيب وصابني منك هوجـاس=وجر وحنـا بيـن الشفايـف ادواهـا
ام انت عالجني قبـل ليـل الادمـاس=والا انـت حولنـي النـاس تـراهـا
دقـات قلبـي كنهـا دقـت أجـراس=وأنتـي سببهـا يـا لهنـوف وبلاهـا
قبل العيون تشوفكم وسطهـا انعـاس=واليـوم تسهـر ليلهـا مـع ضحاهـا
ارسلت لـك شعـرٍ كتبتـه بقرطـاس=وانتـي بيوتـي تفهمـيـن معنـاهـا
صوني أسراري وأحفظيها عن النـاس=النـاس فـي نقـل العلـوم أتبـاهـا
طبع البشر فيها الحسد فيها الانجـاس=تسب نـاس ونـاس تنسـاء خطاهـا
عنها كتمت اسـرار قلبـي بمحبـاس=ودعتهـا خلـف اضلـوع اتحمـاهـا
جمعتهـا وضعتهـا بيـن الاقــواس=وكتمتهـا بالقـلـب مـحـدٍ قـراهـا
خل الامل يا زين يطـرد لنـا اليـاس=ارجـوك نفسـي لا تخيـب رجـاهـا
أسق العروق اللي بها ضمـر ويبـاس=حبتك هـي طـب الجـروح وشفاهـا
الـشـاعـر/ مـحـمـد الـطـرقـي =
ولاتفصل ألضيق على الجسـم بقيـاس=لا شافـك العشـاق روحـه نسـاهـا
ولا تنظر بعيـنٍ تقـل عيـن قرنـاس=يميـع طـراد الهـواء مـن يـراهـا
نظرات عينك كنهـا ضربـت امـواس=تسطي علـى صـم القلـوب بحشاهـا
ولا تجرح اشعوري وانا شخص حساس=وحلو الموارد نشتهـي شـرب ماهـا
من يوم شفتك صار بالفكـر وسـواس=وبينـت لـك سـر القلـوب وخفاهـا
يا داعج العينيـن يـا جـادل الـراس=عليـك انـا نفسـي تزايـد هـواهـا
قلي وريحنـي تـرى العقـل منحـاس=نفسـي تـرد والا تـروح بضمـاهـا
عجل لنا بـرد يـا ضبـي الاطعـاس=انت أتعرف من نظرتـي وش وراهـا
وانت الطبيب وصابني منك هوجـاس=وجر وحنـا بيـن الشفايـف ادواهـا
ام انت عالجني قبـل ليـل الادمـاس=والا انـت حولنـي النـاس تـراهـا
دقـات قلبـي كنهـا دقـت أجـراس=وأنتـي سببهـا يـا لهنـوف وبلاهـا
قبل العيون تشوفكم وسطهـا انعـاس=واليـوم تسهـر ليلهـا مـع ضحاهـا
ارسلت لـك شعـرٍ كتبتـه بقرطـاس=وانتـي بيوتـي تفهمـيـن معنـاهـا
صوني أسراري وأحفظيها عن النـاس=النـاس فـي نقـل العلـوم أتبـاهـا
طبع البشر فيها الحسد فيها الانجـاس=تسب نـاس ونـاس تنسـاء خطاهـا
عنها كتمت اسـرار قلبـي بمحبـاس=ودعتهـا خلـف اضلـوع اتحمـاهـا
جمعتهـا وضعتهـا بيـن الاقــواس=وكتمتهـا بالقـلـب مـحـدٍ قـراهـا
خل الامل يا زين يطـرد لنـا اليـاس=ارجـوك نفسـي لا تخيـب رجـاهـا
أسق العروق اللي بها ضمـر ويبـاس=حبتك هـي طـب الجـروح وشفاهـا
الـشـاعـر/ مـحـمـد الـطـرقـي =