اسمعو ماقلت في علي السبيعي

[محمد الطرقي]

أمر اللـي لا أمرتـه لـي يطيعـي =مايعاكـس للأوامـر فــي يــدي
القلم مطـواع لأمـري واستطيعـي =أكتب الاشعـار واشـرح مقصـدي
اكتـب الأبيـات واجمعهـا جميعـي =وكاتـب الأشعـار يسديهـا سـدي
اخـذ الجـزلات والقـول الرفيعـي =واتـرك الهـزلات ماشيـل الـردي
الكـلام اليـا طلـع منـي طبيعـي = ماهو ملكي ملك غيـري يـا بعـدي
اما يقال القـول منتوجـه فضيعـي =والا يقـال القـول قالـه iiمبـتـدي
اسمعو ماقلت فـي علـي السبيعـي =علي عوض تـاج راسـي وسنـدي
رابي ٍ بالطيب وهو طفل ٍ رضيعـي =ومن بلـغ بالسـن لطيـب يعـدي
واضح ٍ معـروف بيـن مايضيعـي =أوضح من اسهيل وارسى من الجدي
له بطاقة ورد مـن ورد الربيعيـب = اقـة ورد الحـب مهديـه هــدي

محمد الطرقي=

[سليمان الخرس]

صح الله لسانك يابو يوسف

دائما اقرأ لك واستمتع حقيقه بالابيات والمعنى الجزل

بارك الله فيك واطال لك في عمرك على طاعته يارب

[محمد الطرقي]

اخي الغالي المعاند

صح الله بدنك وشهادتك وسام على صدري الله يجزاك كل خير ويطول في عمرك يالغالي

تقبل احترامي وتقديري

[محمد بن دوهان]

النعم يستاهله فاعل الطيب .. والصيت لولا فاعل الطيب ما شاع

يا نعم والله فيك وبعلي السبيعي، لو هو على الذكر والرجل مثله مثل السيف ليا صارت له تجاريب ..

صح لسانك وبنانك واعلى الله شآنك يا أبو يوسف .

وتقبل كل الإعتزاز والفخر بجنابك ..

[شقاوي]

يستاهل علي وتستاهل الجزله يالطرقي صح لسانك وفعلا والله العظيم احب ان اقراء لك
ولا هو قصور بشعراءنا الباقين .

تحياتي لك

[محمد الطرقي]

ونعم بحالك يابن دوهان وماعليك زود يالغالي

والطيب يستاهل النعم وما هو خسارة عندة

والله يجزاك كل خير على مرورك العطر ومتابعتك يابو عبد العزيز شرف لي

بارك الله فيك

احترامي وتقديري

[محمد الطرقي]

تستاهل العافيه يالشقاوي وصح الله بدنك

ومتابعتك واعجابك محل تقديري يالبناخي

احترامي يالشقاوي