المساعد الشخصي الرقمي

مشاهدة النسخة كاملة : يالشمري حيك ونبي القصايد تثور = كل القوافي وخل اليل يسريبها

عرفاء قماصي
10-12-2009, 10:35 PM
يالشمري حيك ونبي القصايد تثور = كل القوافي وخل اليل يسريبها

مادمت بالمنتدى والربع عندي حضور = عطني علومك وخل الناس تدريبها
أبو سلطان الشمري
10-13-2009, 12:28 AM
دام البقا بك وعز القوم دمّن يفور=وحنّا رجالن تفتّل روس أشانيبها

ألعب على ما تبي والمزح سلواا الصدور=يا طيبها كلمتن بالمزح يا طيبها
عرفاء قماصي
10-13-2009, 01:06 AM
ياراعي الكنب ها الدنيا تلف وتدور = وكم واحدا عقب ماجتلة يزوزيبهاا
ماشفت صدام عقب الفشخرة والقصور = لقوة في حفرة من الذل مقعيبها
أبو سلطان الشمري
10-13-2009, 01:23 AM
يا صاحبي يالخوي دنياك كله دبور=وماليبها شجرتن للداب ماليبها
صدام سيف العرب لكن خاصمه ثور=دنياك دنياك ما تصفي مشاريبها
عرفاء قماصي
10-13-2009, 01:45 AM
والله ماني معك صدام عبى القبور = وخلى العرب تنقسم والبين يوميبهااا

بغى يتغدى العرب لكنة اصبح فطور = وهذي حقيقة بغير الي تهذريبهاا
أبو سلطان الشمري
10-13-2009, 01:50 AM
يكفيني أنّه من الاسلام ضد الشرور=وبوشك يحسبه ضحيّه له يضحيبها
وشلون تسكت وأنا مأسكت وقلبي غيور=الكفر ما تصبح أبـ داري وتمسيبها
خليف الدوامي ابو زيدان
10-13-2009, 02:01 AM
منورين شعار كبااااااااااااااااااااااااااااار 00نعتز بوجودكم وشاعريتكم 0
أبو سلطان الشمري
10-13-2009, 02:04 AM
خليف النور بوجودك والعز مرورك على المحاورهـ
عرفاء قماصي
10-13-2009, 02:15 AM
في غير ماودهم قامت تفر السيور = الشلة الي لنا تزند مخاليبهااا

وماكل جحرا خلي والله بعض الجحور = فيها حياياا سموم الكون تجريبهاا
عرفاء قماصي
10-13-2009, 02:17 AM
ابو زيدان الف شكر لمرورك والمتابعة ............ تحياتي
محمد الطرقي
10-13-2009, 02:24 AM
الله يعطيكم العافيه وصح الله السنتكم طاروق قمة بالروعه والجزاله
معنى وزن نقض فتل الله دركم واصلو قمة الابداع

متابع لكم حتى النهايه

احترامي وتقديري
أبو سلطان الشمري
10-13-2009, 02:26 AM
وناسن تخاوي ولكن ضربها بالنحور=المشكله ما حدن يعرف مضاريبها

وناسن تصك القدور وسمّها بالقدور=واللي تغنّي بها حنّا نغنّي بها
أبو سلطان الشمري
10-13-2009, 02:27 AM
محمد صح ابدنك وما قصرت على الحتسي الحلووو
عرفاء قماصي
10-13-2009, 02:30 AM
الغالي ابو يوسف الله يعافيكو صح بدنك والف شكر لمرورك والمتابعة............. تحياتي
عرفاء قماصي
10-13-2009, 02:40 AM
بعض البشر تتبعة يوردك يم الفجور = يصليبك بجيهة ماحدا يصليبهااا
تصبحلة مذكرة يستخدمك للعبور = واليا قضى لازمة بالقاع يرميبهاا
عرفاء قماصي
10-13-2009, 02:45 AM
الغاااااااااااااااااااااالي ابو يوسف الف شكر لك على هالتنسيق المميززززززززززززززز ... تحياتي
محمد بن دوهان
10-13-2009, 08:59 AM
أبو تركي
أبو سلطان

صح الله لسانكم وأعلى شآنكم ..

شعارنا يا أهل الإبداع والقول السديد


لله دركم ودر إبداعكم

واصلوا ونحن لكم بكل شوق متابعين ..

وسجلني يا أبو سلطان بصفوفك ..
عرفاء قماصي
10-13-2009, 11:27 AM
الغالي ابو عبد العزيز صح الله بدنك وشرفتنا بالمرور والمتابعة طال عمرك ومادامك بصف ابو سلطان تجوووود زززززززززين :) .... ودي وتقديري
أبو سلطان الشمري
10-13-2009, 03:15 PM
وبعض العرب يكتم أنفاسك بكل السرور=وأنته تحسبه حلاوه لك تحلّي بها

يقول قيس وتجيه الناس مثل الذكور=أمّا يقيّس لها أو يرفع اذنيبها
أبو سلطان الشمري
10-13-2009, 03:17 PM
ابن دوهان صح ابدنك ووالله كفووو يا قايد الصف
عرفاء قماصي
10-13-2009, 03:59 PM
من يوحش النار جله مايشم البخورر = حرام غير يتخضع عن مشاهيبهاااا

ياحيف بعض الشوارب ليتها في بدور = يجوز يشفعلها لمعة عراقيبهاااا
أبو سلطان الشمري
10-13-2009, 06:20 PM
أن جيت للشرطه تحولك يم المرور=وتر المطافي تطفّي من حرق سيبها
وأن جيت مصري تريد تمر بعض المرور=يقول يابني توكّل سيبها سيبها
عرفاء قماصي
10-13-2009, 09:53 PM
نارك تبلبص وشعري وسط صدري بحور = وافخت ياصاحبي جيد مقاضيبهاا
ضيعت درب العرب وامسيت وسط الحفور = ماغير صوت الهواء بذنك يوحيبهاا
محمد بن دوهان
10-13-2009, 09:58 PM
هلحين يجيك ابو سلطان يابو تركي

ويعطيك موجز ما تبي بسطور :):)

صح ألسنتكم يا هل العِرف وصيادة شارات الحكي والأمثال بطيب الأقوال
عرفاء قماصي
10-13-2009, 10:05 PM
صح بدنك يابو عزوز وبعدين وين ابو السليطي بس خلوة يجي مالوة عينه :) ............. تحياتي
أبو سلطان الشمري
10-14-2009, 01:17 AM
يالطرقي أمسك خويّك تال وقته يخور=الكلمه الطيّبه ما ودّه يجيبها
عرفاء قماصي
10-14-2009, 01:53 AM
انتظرني لي عودة اخوي ابوسلطان بس انت مافهمت قصدي ..
محمد الطرقي
10-14-2009, 02:17 AM
اخواني الاعزاء السلام عليكم ورحمة الله وبركاته
وبعد انتم ابدعتو في ماقدمتم ورجو منكم تكون النهايه مثل البدايه
لا تلوثو هذا الفن في شي لا يحبه الجميع ولا تخلطو الصفر مع الذهب
شعر المحاورة مثل القيادة فن ذوق اخلاق بارك الله فيكم
وتقبلو احترامي وتقديري
أبو سلطان الشمري
10-14-2009, 02:32 AM
محمد عليك السلام والله أني فاهم كل ما يقولوهـ القماصي ولكن وش نسوي شين يجر شين وأنا أدري وأنت تدري أنا المحاورهـ هذي مستواهـ نازل وأنا أدري أن الغلط كلوهـ مني وعرفااا ما قصررر وينطيك العافيه
محمد الطرقي
10-14-2009, 02:47 AM
اخواني الاعزاء اشكركم على اخلاقكم العاليه وعلى كل ماتقدمو لجمهوركم الكريم
وكلنا رجاء من جميع الشعراء ان يقدمو لنا مايسعدنا ويعجبنا ويبعدو عن الكلام اللي
لا يليق في مستواهم والا يعبر عن ذاتهم انكم اكبر من هذا الشي
بارك الله فيكم جميعا اخوكم ومحبكم ابو يوسف
عرفاء قماصي
10-14-2009, 02:58 AM
الاخ ابو سلطان المعذرة عن المواصلة حيث ان المحاورة يجب ان لا تنجرف لبعض الالفاض الغير مرغوبه والتي لاتحترم الذوق العام ومهما كانت المبررات فهي غير مقبولة .. وعسى ان تكون الصورة قد اتضحت لك وللجميع..... ودي وتقديري
أبو سلطان الشمري
10-14-2009, 04:06 AM
الحمد لله على كل شين مار يا عرفاا لو ما أنهيته أنا منهيه
محمد بن دوهان
10-14-2009, 09:11 AM
عسى الله يسلمكم ويعافيكم جميع يا شعرائنا الأعزاء..

تقبلوا إعتزازي بكم وتشرفي بمتابعتكم ..

وأسأل الله العلي العظيم أن يجمعنا على العز والمعزه في هذه الدار الفانية ..

وأن يسترنا بستره وعفوه ورضاه فوق الأرض وتحت الأرض ويوم العرض ..

وإن شاء الله نراكم بمحاورة جديدة أيها الأنقياء ..