المساعد الشخصي الرقمي

مشاهدة النسخة كاملة : اثنين زايد ثنين

محمد الطرقي
10-14-2009, 04:08 AM
ماكل شاعر يجيد الفن بالملعبه= ولا كل سباح يقطع مظلمات البحور

اثنين زايد ثنين وتنحسب بربعه=وأن عدتها تنقسم من دون يبغى كسور
محمد بن دوهان
10-14-2009, 09:15 AM
أسعد الله صباحك يا أبو يوسف

وصح لسانك وبنانك يالغالي ..

وبانتظار الشاعر أللي يجي إن شاء الله ..

فكونوا برعاية الرحمن وحفظه ..
سليم الشرعان
10-14-2009, 10:47 AM
صح لسانك ابو يوسف

وبانتظار الثاني

وانا بصفك ان شاء الله
محمد الطرقي
10-14-2009, 12:09 PM
الغالي ابن دوهان صح الله بدنك وشاكر مرورك العطر

احترامي وتقديري
محمد الطرقي
10-14-2009, 12:11 PM
هلا وغلا بالغالي ابو طلال تسلم ياعصابة راسي كفو كفو هذا خبري بك
وعوايدك دايم بصفي بارك الله فيك يابو طلال
خلك قريب
أبو سلطان الشمري
10-14-2009, 08:51 PM
محمد صح السانك وعلى طاري ثنين زايد ثنين غديك تسوي لنا بالمحاورهـ الجايه رباعيه...
محمد الطرقي
10-14-2009, 08:58 PM
صح الله بدنك يابو سلطان وابشر بس ادع لنا شعراء يكملون الطلب

وابشرك الادارة حطت لنا غرفه صوتيه الله يجزاهم كل خير ماينقصنا غير الشعراء
والصفوف شاكر مرورك
عرفاء قماصي
10-14-2009, 08:58 PM
صح لسانك يابو يوسف على هالطاروق الرائع .... تحياتي
محمد الطرقي
10-14-2009, 09:06 PM
صح الله بدنك يابو تركي وشاكر مرورك

احترامي وتقديري
عرفاء قماصي
10-14-2009, 09:51 PM
حييت ياشاعر لقافك تبين ضهبه = تفوج كل الضلام ونورها وي نورر
ان كانها جربعه نعجبك بالجربعه = وان كانها بالصقارة ناقلين الصقورر
محمد الطرقي
10-15-2009, 12:44 AM
فيك البقى ولكلام العذب من منبعه = يامرحبا ياهلا بك مع جميع الحضور

والاأنت رجل ٍ سبيعي والصقور اسبعه = وأعرف اناالصقر دايم يالبناخي جسور
عرفاء قماصي
10-15-2009, 01:15 AM
شف لابتي لابتك عدونا نجبعه = يومن نطح الشوارب بطشنا كالنمورررر
و القاف لوهو عسير نحلة ونربعه = اوجس لك الشعر من تحت الحنايا يفوررر
محمد الطرقي
10-15-2009, 03:56 AM
الشعر لا جيت يابن العم في مصنعه = اخذ الجواهر وحذراء لا يجيك الغرور
الزين جيبه وخلك للملا تطلعه = والشين خله للي يبغى يلف ويدور
عرفاء قماصي
10-15-2009, 01:13 PM
الشين للي تعاوج نقمعه نقمعه = والا انت قافك شذاه يفوق ريح الزهورر

ترى الثقة بالقصيد محركاً يدفعه = يخليك ياشاعره تنحتة نحت الصخورر
أبو سلطان الشمري
10-15-2009, 01:31 PM
لو سمحتو يالشعار ابي اجاريكم وانا برّا


ابيوتكم كلّها ما منّها منفعه=لكن تمونون يأهل الطيب طيب مخبور

والله أنا شاعرن مو من هل المعمعه=لكن نوبات يالاجواد يمكن نخور
عرفاء قماصي
10-15-2009, 01:48 PM
الله الله .. هههههههههه ابو سلطاااااااان والله انك ملايع الماشي الله محييك وان كان مشتهي المحاور افتح ماضوع :) ... تحياتي
أبو سلطان الشمري
10-15-2009, 01:54 PM
مشتهي المحاورهـ وفتحت موضوع ابشرك بس انت من كلامك هذا تقل ما ودّ اقصد بمحاورتكم
محمد الطرقي
10-15-2009, 02:12 PM
الصغر ياصاحبي لو كان في برقعه = محد ٍ جحد قدرته من بين كل الطيور
واللي مشاء للخطاء حذراك لا تتبعه = والله والا كلمة ٍ منها تظيق الصدور
محمد الطرقي
10-15-2009, 02:30 PM
لو سمحتو يالشعار ابي اجاريكم وانا برّا=
ابيوتكم كلّها ما منّها منفعه=لكن تمونون يأهل الطيب طيب مخبور
والله أنا شاعرن مو من هل المعمعه=لكن نوبات يالاجواد يمكن نخور
الضيف ياصاحبي حرن والا نمنعه = ولو يرتكب للخطا حنا نقول معذور

أن مقتنع من كلامه مانبي نقنعه = والنار ماتحرق الا مصديات القدور
عرفاء قماصي
10-15-2009, 03:08 PM
ان كان منهو تعاوج بالخطى نسمعه = يلقبنا ارض خصيبة ثم يبذر بذورر
عندك خبر سد مأرب فار الي صدعه = خلاه يدلف عليهم كل سيل هدورر
محمد الطرقي
10-15-2009, 03:28 PM
لا من هب الهبوب وجتلك ازوبعه= قل يالله العفو تبعد مقبلات الشرور
ولاشفت اللي يشري الشينات منك بعه= مادام مافيه شي ٍ بالمتاجر يبور
اترككم تواصلون محاورتكم انت وابو سلطان
وصح السانك يابو تركي والختام عندك
عوض العطيش
10-15-2009, 04:05 PM
قولو ا لأبو سلطان لا ضيّع الله سنعه
أشوفه بالمعلبة يفحّط ... ويلف ويدور

بدون لوحات راكباً على ... قرنبعه
نسي أني هنيا ضابط ساحة مرور
عرفاء قماصي
10-15-2009, 04:11 PM
صح الله بدنك يابو يوسف وتشرفنا بالعب معاك طال عمرك .... تحياتي

راع الغلط في عباة اغلاطه نقوبعه = ياما يحس السما والقاع تحته تمورر
والي يبي يطرف عيونه بضرب اصبعه = عندي ثمر كان عنده للنشاما قشورر
محمد الطرقي
10-15-2009, 04:19 PM
ابو تركي صح الله السانك وبارك الله فيك

هههههههههههههههههههه
ابن عطيش صح الله السانك
وتونا لقيناك واثريك مندس
تكفى عليك ببو سلطان
شكله يستانس عليك لو لقاك
افتح له صفحه جديده
احترامي وتقديري
عرفاء قماصي
11-26-2009, 12:41 AM
ابو يوسف صح بدنك والف شكر لك