خليف الدوامي ابو زيدان
10-22-2009, 04:14 PM
قصة وقصيدة وعبرة
أخواني أعضاء شبكة قبيلة السبعة هذه قصة أخذتها من شخص كبير بالسن وأحاول توضيحيها لكم على شكل سالفة وهي فعلا سالفة قديمة
يذكر أن فيه بنت من قبيلة الشرارت هويانه على لها واحد من قبيلتهم ولكن من فخذ متشطر شوي واستمر هذا العشق حوالي ثمانية سنوات وهو يحاول الزواج منها وما الله يكتب لإسباب المادة وأنهم متشطرين عنهم وكذلك في الأيام الماضية البنت غالباً مايحجرها ولد عمها ولا يخلونها تزوج من بعيد إلا باضيق الحدود ، المهم بعد هالمدة كتب الله وتزوج من معشوقته وهذا الرجال له أم عنده بالبيت وكل مايجيب بريرة أو حقه يعطيها زوجته و(الحقه) هذه لما يكون هناك مناسبة عند الجيران ويكون هنا شخص غائب يبقون له جزء من الذبيحة ويعطونها للشخص ليا حضروصاحبنا هذا لما يجيب الحقه أول ما يوديها لزوجته وأمه العجيز يحطها شنق يعني يجنب عنها ويعطيها ما توفر بعدين ومرة من المرات صاد أرنب وشواها ويم أستوت قام يتخير بالحم وبدأ يوزع وكان يعطي القطنة لزوجته والجفجر لأمه والقطنه بعض أبنائنا مايعرفونها القطنه هي مجمع وروك الأرنب وهي فيها وفرة اللحم ومطايبة والجفجر هو القفص الصدري للأرنب وعادتاً يكون لحمه شوي وعرشة صعب والعجيز سنيناتها أظن ماباقي منهن إلا القليل والباقي لك عليه ومرت الزوجه يم العجيز وأن ماغير لها خرفشة بهالضليعات اللي مابهن شئ قالت وش عندك ياعمه لك خرفشة قالت والله ياوليدي هالي تشوفين قالت الزوجة للعجيز خوذي حقتي ياعمه وانها القطنه ولحمها واجد وطري وكيفت العجوز لقته لحم زين المهم الرجال مستمر يبر زوجته أكثر بكثير عن أمه والزوجة بنت رجال وبخنته وشافت معاملته بوالدته
ما تسر قالت بقرارة نفسها بكره ليا جاني أبناء منه يعاملوني مثل معاملته لوالدته وأنا توني في بداية الطريق ولا جبت منه شئ المهم يوم قربوا لنزل أهلها وهي تأخذ عباتها وتروح لبيت أهلها من غير سابق إنذار ، ويوم جاء للبيت وأن معشوقته ما هي هنا وراح يم أهلها وأنها عندهم 000 ويقوم يتشره عليها ليه تروحين وتخليني 00
انا وش سويت ؟ تخبرين أبديك حتى على نفسي وأمي 000 قالت يا فلان والله ما جاني منك غير الطيب وتبديني بالحقة حتى على أمك قال طيب ليه ؟!! قالت : خلاص النفس طابت طالبتك طلبت رجال أنك تعطيني رقبتي وهو يزود حزنه وتعلثمه هذي كبيرة أنا وش سويت وش جاك مني قالت خلاص وأعفني من ذكر السبب !! المهم ما هو تاركها00000000 أخذها على عشق وبعد معاناة ثمانية سنوات وتروح من غير سبب يعرفه ؟!! ما هي سهلة !!! المهم ألح عليها بمعرفة السبب 0
قالت : أنت تبي تعرف السبب ومصر على ذلك قال : نعم 000قالت : أنت ما قصرت معي وبيض الله وجهك ولكن أنا أخشى بكره أرزق منك ولد ويسوي بي مثل ما تسوي بوالدتك يبدي زوجته علي أمه واليوم والله خلاص لا يمكن أرجع وهذا هو السبب لا غيره0
طلقها مجبراً 0
وسمع بها واحد من جماعتها أنها مطلقه ويمدحونها وأرسل عليها مرسال من الحريم قال روحي لها وقولي فلان يبي يخطبك وراحت يــوم جت عندها قالت : والله مرسلني فلان عليك يبي يتزوجك ؟ قالت : هو عنده أم قالت نعم قالت اللي عنده أم ما أتزوجه ! ورجعت وقالت له تقول كذا اللي عنده أم ما تزوجه وهي تقصد تختبره قال هو من كل عقلها وإلا تمزح قالت : والله مدري قال أنتي تحفظين العلم قالت أيه قال أبي أعطيك كلمات توصلينها لها وقال هذه الأبيات :
لقيت دويعج العين مرسلن لي =رسالة(ن) خلتني أسع بفرقاه
أمي عجوز ولا لها غير ظلي =ولا الحبيب لا بغى الظل يلقاه
ثلاث سنين وديدها نقذتلي =وانقز على المتنين وقول يا يا ه
أمي ليامن شافت زولي تهلي =كم ليلة(ن) همي عن النوم جزاه
كانن صويحبي ماقصده تغلي = انقلع يا لمرسال أنت وياه
ولما جتها القصيدة قالت هذا اللي أنا أبيه والله أنا هجيت من واحد يعطيني حقة أمه اللي تجي من الجيران وقلت بكره ولدي يسويبي مثله 000 وهو يتزوجها
وكبروا وجابو عيال وزوجها الأول تزوج وجاه أبناء وتقدم بهم العمر وصاروا طاعنين بالسن وليا رحلوا ونزلوا بسرعة أبنائها يشبون لها النار ويسوون لها الأكل ويخلونها تدفئ بجنب النار ويبرونها بكل ما يلزم وخذولهم شوي وأن هكا المظهور جاي رحيل ومر بالقرب منهم يمار هكا البعير بعيد شوي عن بقية المظهور وأن عليه شويب على بعير الروي والروي مليانه ماء ويوم يمشي تتغ عليه والدنيا شتاء والرحيل يوم يمشون تفرق البل وتتباعد عن بعضعا والشويب ماغير يرجف من البرد وتعيبان حيل قالت : عيالي أنشامى خوذوا أجر هالشويب لا يذبحه البرد جيبوه وحطوه هنيا ويوم جابوه وحطوه بجنب النار ويكيف ويتدفأ يوم ناظرت العجوز وأن هذا هو زوجها اللي هربت عنه كأنه ما غاب عنها ولا يوم قالت : فلان قال نعم قالت تعرفني قال لا والله ما أعرفك يا بنيتاخي قالت :
انا زوجتك اللي عشقتني ثمانية سنين وتركتك يومنك تبديني على أمك وجوك عيال وشفت وش سووبك وشفت أنا أعيالي وش سوو بي ؟!!!!!!!
شفت أني على حق 0 يا طويل العمر أنا يومني هجيت عنك ذليت من هذا الموقف !!!!!! وقام شويب يبكي !! وجيت من عندهم وهم على هذه الحال مدري وش صار عقبي وسلامتكم
أول روايات الراوي : خليف ابو زيدان
اعذروني تجربة جديدة
أخواني أعضاء شبكة قبيلة السبعة هذه قصة أخذتها من شخص كبير بالسن وأحاول توضيحيها لكم على شكل سالفة وهي فعلا سالفة قديمة
يذكر أن فيه بنت من قبيلة الشرارت هويانه على لها واحد من قبيلتهم ولكن من فخذ متشطر شوي واستمر هذا العشق حوالي ثمانية سنوات وهو يحاول الزواج منها وما الله يكتب لإسباب المادة وأنهم متشطرين عنهم وكذلك في الأيام الماضية البنت غالباً مايحجرها ولد عمها ولا يخلونها تزوج من بعيد إلا باضيق الحدود ، المهم بعد هالمدة كتب الله وتزوج من معشوقته وهذا الرجال له أم عنده بالبيت وكل مايجيب بريرة أو حقه يعطيها زوجته و(الحقه) هذه لما يكون هناك مناسبة عند الجيران ويكون هنا شخص غائب يبقون له جزء من الذبيحة ويعطونها للشخص ليا حضروصاحبنا هذا لما يجيب الحقه أول ما يوديها لزوجته وأمه العجيز يحطها شنق يعني يجنب عنها ويعطيها ما توفر بعدين ومرة من المرات صاد أرنب وشواها ويم أستوت قام يتخير بالحم وبدأ يوزع وكان يعطي القطنة لزوجته والجفجر لأمه والقطنه بعض أبنائنا مايعرفونها القطنه هي مجمع وروك الأرنب وهي فيها وفرة اللحم ومطايبة والجفجر هو القفص الصدري للأرنب وعادتاً يكون لحمه شوي وعرشة صعب والعجيز سنيناتها أظن ماباقي منهن إلا القليل والباقي لك عليه ومرت الزوجه يم العجيز وأن ماغير لها خرفشة بهالضليعات اللي مابهن شئ قالت وش عندك ياعمه لك خرفشة قالت والله ياوليدي هالي تشوفين قالت الزوجة للعجيز خوذي حقتي ياعمه وانها القطنه ولحمها واجد وطري وكيفت العجوز لقته لحم زين المهم الرجال مستمر يبر زوجته أكثر بكثير عن أمه والزوجة بنت رجال وبخنته وشافت معاملته بوالدته
ما تسر قالت بقرارة نفسها بكره ليا جاني أبناء منه يعاملوني مثل معاملته لوالدته وأنا توني في بداية الطريق ولا جبت منه شئ المهم يوم قربوا لنزل أهلها وهي تأخذ عباتها وتروح لبيت أهلها من غير سابق إنذار ، ويوم جاء للبيت وأن معشوقته ما هي هنا وراح يم أهلها وأنها عندهم 000 ويقوم يتشره عليها ليه تروحين وتخليني 00
انا وش سويت ؟ تخبرين أبديك حتى على نفسي وأمي 000 قالت يا فلان والله ما جاني منك غير الطيب وتبديني بالحقة حتى على أمك قال طيب ليه ؟!! قالت : خلاص النفس طابت طالبتك طلبت رجال أنك تعطيني رقبتي وهو يزود حزنه وتعلثمه هذي كبيرة أنا وش سويت وش جاك مني قالت خلاص وأعفني من ذكر السبب !! المهم ما هو تاركها00000000 أخذها على عشق وبعد معاناة ثمانية سنوات وتروح من غير سبب يعرفه ؟!! ما هي سهلة !!! المهم ألح عليها بمعرفة السبب 0
قالت : أنت تبي تعرف السبب ومصر على ذلك قال : نعم 000قالت : أنت ما قصرت معي وبيض الله وجهك ولكن أنا أخشى بكره أرزق منك ولد ويسوي بي مثل ما تسوي بوالدتك يبدي زوجته علي أمه واليوم والله خلاص لا يمكن أرجع وهذا هو السبب لا غيره0
طلقها مجبراً 0
وسمع بها واحد من جماعتها أنها مطلقه ويمدحونها وأرسل عليها مرسال من الحريم قال روحي لها وقولي فلان يبي يخطبك وراحت يــوم جت عندها قالت : والله مرسلني فلان عليك يبي يتزوجك ؟ قالت : هو عنده أم قالت نعم قالت اللي عنده أم ما أتزوجه ! ورجعت وقالت له تقول كذا اللي عنده أم ما تزوجه وهي تقصد تختبره قال هو من كل عقلها وإلا تمزح قالت : والله مدري قال أنتي تحفظين العلم قالت أيه قال أبي أعطيك كلمات توصلينها لها وقال هذه الأبيات :
لقيت دويعج العين مرسلن لي =رسالة(ن) خلتني أسع بفرقاه
أمي عجوز ولا لها غير ظلي =ولا الحبيب لا بغى الظل يلقاه
ثلاث سنين وديدها نقذتلي =وانقز على المتنين وقول يا يا ه
أمي ليامن شافت زولي تهلي =كم ليلة(ن) همي عن النوم جزاه
كانن صويحبي ماقصده تغلي = انقلع يا لمرسال أنت وياه
ولما جتها القصيدة قالت هذا اللي أنا أبيه والله أنا هجيت من واحد يعطيني حقة أمه اللي تجي من الجيران وقلت بكره ولدي يسويبي مثله 000 وهو يتزوجها
وكبروا وجابو عيال وزوجها الأول تزوج وجاه أبناء وتقدم بهم العمر وصاروا طاعنين بالسن وليا رحلوا ونزلوا بسرعة أبنائها يشبون لها النار ويسوون لها الأكل ويخلونها تدفئ بجنب النار ويبرونها بكل ما يلزم وخذولهم شوي وأن هكا المظهور جاي رحيل ومر بالقرب منهم يمار هكا البعير بعيد شوي عن بقية المظهور وأن عليه شويب على بعير الروي والروي مليانه ماء ويوم يمشي تتغ عليه والدنيا شتاء والرحيل يوم يمشون تفرق البل وتتباعد عن بعضعا والشويب ماغير يرجف من البرد وتعيبان حيل قالت : عيالي أنشامى خوذوا أجر هالشويب لا يذبحه البرد جيبوه وحطوه هنيا ويوم جابوه وحطوه بجنب النار ويكيف ويتدفأ يوم ناظرت العجوز وأن هذا هو زوجها اللي هربت عنه كأنه ما غاب عنها ولا يوم قالت : فلان قال نعم قالت تعرفني قال لا والله ما أعرفك يا بنيتاخي قالت :
انا زوجتك اللي عشقتني ثمانية سنين وتركتك يومنك تبديني على أمك وجوك عيال وشفت وش سووبك وشفت أنا أعيالي وش سوو بي ؟!!!!!!!
شفت أني على حق 0 يا طويل العمر أنا يومني هجيت عنك ذليت من هذا الموقف !!!!!! وقام شويب يبكي !! وجيت من عندهم وهم على هذه الحال مدري وش صار عقبي وسلامتكم
أول روايات الراوي : خليف ابو زيدان
اعذروني تجربة جديدة