عرفاء قماصي
12-30-2009, 03:08 AM
قال الذي به يختلج الف طاروق = مثل البحور الزرق حرفه رشقها
تهوي على روس الجزيلات من فوق = وكل نادرة بالشعر حرفه تفقها
مثل المزون ان روحت تلعج بروق = ياخيلت بالفكر وارخت شنقها
تلقابها مثل الشهد حالي الذوق = ومحملة حمل النحل من رحقها
ماجبتها سلفة ولاهي من السوق = من حر فكراً بالمعاني طرقها
مثل الذهب يرجح به الوزن بفروق = يوم ان بعض الناس يفرك صنقها
لله در البارحة كلها شوق = متخالطً فيها الفرح مع حنقها
ساعة رمقني داخل السوق غرنوق = خالي هواجيسي عليه شلقها
رمحه ركز في داخل القلب مزروق = اقصى دروع القلب رمحه فتقها
تقول يمزع داخل الجوف معلوق = ياسلهمت بالعين وارخت حدقها
كن اليالي ممرحه داخل الموق = والخد صبحً قام يفسر شفقها
توردك حوض التهلكه مارد النوق = وياكبر حظك كان عدت برمقها
تقول مبسمها من اللول مرشوق = والا كما حص البرد من لهقها
كن العسل داخل شفاياه مصلوق = والا العسل وسط المناحل صلقها
والياحكت كنه مع الحرف مخفوق = الناس تصمت حولها تقل صقها
والا القوام الي كما العود ممشوق = متمريعاً مع كل نوداً طرقها
واليا اقبلت تغمى بها الناس وتفوق = كل الدروب لمشيها تستبقها
من عنقها يكفيك ماحاط بالطوق = ومن طوقها يكفيك مايعتنقها
وبعض الشعر عن غرة الوجه مفهوق = والبعض الاخر يوم تمشي فهقها
سبيب شقراً شايشة للعدا عوق = متشربة عقب المطارد عرقها
خيالها ينطح بها شمر وروق = خطراً اليا شاشت تقطع حلقها
يدرق قلوب الناس ماهو بمدروق = يبطي عظم دحش العرب مادرقها
مرتاعها روس الطويلات زملوق = غير المزون العالية مالحقها
من شافها قفابه القلب مسحوق = ادمت بقلبه والضماير سحقها
واقفيت انا من عنده الوجد موسوق = بيني وبين النفس خذها وذقها
تقول نفسي كل مطرود ملحوق = واقول ينصر دين حظاً لحقها
فتحت باب من العنى كان مغلوق = قلي وش الي جابني من شنقها
عرفاء قماصي ،، الرياض ،، 27-12- 2009 م
تهوي على روس الجزيلات من فوق = وكل نادرة بالشعر حرفه تفقها
مثل المزون ان روحت تلعج بروق = ياخيلت بالفكر وارخت شنقها
تلقابها مثل الشهد حالي الذوق = ومحملة حمل النحل من رحقها
ماجبتها سلفة ولاهي من السوق = من حر فكراً بالمعاني طرقها
مثل الذهب يرجح به الوزن بفروق = يوم ان بعض الناس يفرك صنقها
لله در البارحة كلها شوق = متخالطً فيها الفرح مع حنقها
ساعة رمقني داخل السوق غرنوق = خالي هواجيسي عليه شلقها
رمحه ركز في داخل القلب مزروق = اقصى دروع القلب رمحه فتقها
تقول يمزع داخل الجوف معلوق = ياسلهمت بالعين وارخت حدقها
كن اليالي ممرحه داخل الموق = والخد صبحً قام يفسر شفقها
توردك حوض التهلكه مارد النوق = وياكبر حظك كان عدت برمقها
تقول مبسمها من اللول مرشوق = والا كما حص البرد من لهقها
كن العسل داخل شفاياه مصلوق = والا العسل وسط المناحل صلقها
والياحكت كنه مع الحرف مخفوق = الناس تصمت حولها تقل صقها
والا القوام الي كما العود ممشوق = متمريعاً مع كل نوداً طرقها
واليا اقبلت تغمى بها الناس وتفوق = كل الدروب لمشيها تستبقها
من عنقها يكفيك ماحاط بالطوق = ومن طوقها يكفيك مايعتنقها
وبعض الشعر عن غرة الوجه مفهوق = والبعض الاخر يوم تمشي فهقها
سبيب شقراً شايشة للعدا عوق = متشربة عقب المطارد عرقها
خيالها ينطح بها شمر وروق = خطراً اليا شاشت تقطع حلقها
يدرق قلوب الناس ماهو بمدروق = يبطي عظم دحش العرب مادرقها
مرتاعها روس الطويلات زملوق = غير المزون العالية مالحقها
من شافها قفابه القلب مسحوق = ادمت بقلبه والضماير سحقها
واقفيت انا من عنده الوجد موسوق = بيني وبين النفس خذها وذقها
تقول نفسي كل مطرود ملحوق = واقول ينصر دين حظاً لحقها
فتحت باب من العنى كان مغلوق = قلي وش الي جابني من شنقها
عرفاء قماصي ،، الرياض ،، 27-12- 2009 م