قالو تعلمت

[محمد خلف الحزقا]

WIDTH=500 HEIGHT=400i

قالو تعلمت !

قالـوا تعـلمـت قلـت اعـنـاد وفراســه *** اعانـد النفـس والدنيـا وصارعهـا
ودرست في مدرسة من شيبت راسه *** دنيـا العـنا اللـي قصيفـةٍ مطامعهـا
تلـميـذهــا دايــمٍ تـكـتــب بقرطـاســه *** وتعطيـه جملـة دروسٍ مايضيعهـا
والله عـطانـا نظـر وشعـور حساسـه *** ناخذ علوم المعرفه مـن مراجعهـا
ونسايـر الوقـت ونـقـيسـه بمقيـاسـه *** ونواجه النفـس بالواقـع ونقنعهـا
وتـرى حيـاة الفتى مهما قـوى باسـه *** محفوفةٍ بالخطـر والمـوت تابعهـا
من مبتدى العمـر حتى يلفـظ انفاسـه *** يمر فـي مرحلـة تكثـر زوابعـهــا
أول حيــاة الفتـى مشـوار وعساسـه *** مسافـةٍ في عجـاج العمـر يقطـعهـا
وثانـي حيــاة الفتى تدريــب ودراسـه *** تصعب ظـروف الحياة وينشغل معها
وثالث حياة الفتى يرجع على ساسـه *** النقطه اللي بـداء منهـا يراجعـهــا
يأصل لسن الهـرم ويضيـع الطاسـه *** ويزحف مع الأرض ويخطط شوارعها
وليـا تلاقــت متونـه وراتخـا راســه *** ضاعت جميع العلوم اللـي يجمعهـا

للشاعر الكبير / رشيد الزلامي

[محمد بن دوهان]

أنعم وأكرم بالشاعر والناقل

تقبل إعتزازي وإفتخاري برؤية إسمك يا رعاك الله ..

اخوك ومحبك

[سليمان الخرس]

الف شكر

ذوق على لأختيارك هذة الرائعه
صح لسان الشاعر والناقل

[فواز الشويكي]

اختيار رائع ويعطيك العافيه نجم سهيل,
ودائما اتحفنا وننتظر المزيد

[ابو شامه]

صح لسان الشاعر واشكرك على النقل المميز

[محمد خلف الحزقا]

شاكر ومقدر مروركم الكريم


وأبشر بالمزيد مشرفنا الرائع .