حدد وجهتك ..؟

[سعد مسهوج]

ـــــــــــــــــــــــــــــــــ
ـــــــــــــــــــــ
ــــــــ




مو على خبري ولا هذا لقاك
............................... لا ولا هذي حبيبي بسمتك!



هذا انا قدام وتناظر وراك
.............................. حتى مو هذي حبيبي وقفتك!!



هذا انا جنبك ولا كني معاك
..............................قول امانة يا ترا وش قصتك؟



يا عساك بخير والا يا عساك
...................................ما تخليني ولا افقد غرتك



لو خطا قلّـي وانا اتحمّـل خطاك
...............................بس لا تحرم شفاهك ضحكتك



لو زعل قلّـي وانا شاري رضاك
.................................بس لا تزعل وتهمل صحتك!



ليه ساكت وانت تعرف وش غلاك؟
....................................والمواجه والتفائل حكمتك!



وليه هذا اليوم حارمني دفاك ؟
.................................. وليه متثاقل حبيبي خطوتك؟



كن ما قلبك على شوفي دعاك!
..................................وكن ما هذي حياتي رغبتك؟!



كان ودي اسمع الليلة حكاك
......................................او احقق يا منايه منوتك؟!



من عرفتك ما عرفت الا حياك
.....................................ما بغيت تقول هذي قسمتك



المهم ارجوك خذ قلبي معاك
..................................ولا بغيت تروح! حدد وجهتك؟






ــــــــــــــــــــــــــــ
ـــــــــــــــ
ـــــ

اخوكم

[محمد بن دوهان]

يعجز اللسان عن وصف هذه المشاعر الملكوتيه

لا أريد أن أطيل أو أسترسل كي لا أقع في أخطاء العشاق والعشق الذي أريد أن أبتعد عنه قدر ما أستطيع ..

لله درك يا سعد ما أجمل ما صاغته لنا شاعريتك ..

وكن بروح العشق حتى يرتوي فؤادك ..

وصح لسانك مداد ما كتب وسهر العشاق .

وبإنتظار جديدك يا عزيزي ..

[سليمان الخرس]

صح الله لسانك يالغلا

مبدع والله العظيم مبدع

[فواز الشويكي]

صح لسانك يا شاعرنا

[ابو شامه]

صح لسانك قصيدة جميله ورائعه وعذبه