محمد بن دوهان
01-13-2010, 09:19 PM
السلام عليكم ورحمة الله وبركاته
وأسعد الله أوقاتكم بالهدى والفلاح من فيض قريح الكلام الموزون للشعراء الذي يشار إليهم بالبنان هو شاعرنا لهذا اليوم وهو الشاعر الكبير بدر الحويفي ..
والذي سيشرفنا أن نجمع قصائده ونضعها في جنبات شبكتنا الكريمة ، ومن المعروف عن الشاعر بدر الحويفي أنه من المجيدين في وصف الطير والمقناص ..
أترككم مع بعض ما قاله الشاعر :
:: صحبت ضعيف العقل مثل القزازه ::
وان كان تقدر لا طلب منك عـازه=عطه الطلب تقدير لا يطوي اليـاس
واهـم ميـزه بالنفـوس العـزازه=والا ضعيف النفس ماهو على ساس
واظن مابه شخص مابـه حـزازه=يرضى على ناس ويزعل على ناس
ومن لا عرف قدر الشرف وامتيازه=هذاك لا يشعر ولا عنده احسـاس
ضميـر مايشعـر عبـاره جنـازه=مايجمعه بالمجتمع نبـض الأنفـاس
وصحبت ضعيف العقل مثل القزازه=مهمـا تداريهـا تكّسـر وتنحـاس
هذا ولو كـل المساعـي مجـازه=ماصار بالدنيـا موازيـن وقيـاس
:: ماكل طيرٍ يعجب اللي صقر بـه ::
يالله ياجالي صـدى كـل كربـه=ياللي عن الطلاب ماصـك بابـه
تفرج لمـن ذاق بالعمـر طربـه=شيبه تكامل قبـل يكمـل شبابـه
أمضى حياته بين سفـره وغربـه=ولا ساعده حـظ الشقـى بانقلابـه
واقرب قريب ليا شكى مانظربـه=خلان وقـتٍ اليـوم كـلٍ هبابـه
ماكل طيرٍ يعجب اللي صقر بـه=ولا كـل رجـالٍ يثمـن جوابـه
ولا كل من يبني جدار استتر بـه=ولا كل جـارٍ تستريـح بجنابـه
ولا كل من يملك رصيد افتخر به=مالٍ بدون حقوق واضـح عيابـه
الا الذي بالواجبات اشتهـر بـه=يحوز تقديـر الشـرف باكتسابـه
وطاع الذي فعل المكارم امربـه=يرجي رضا الخالق ويخشى عذابه
:: انا مع الطيّب علـى كـل بابـه ::
انا مع الطيّب علـى كـل بابـه=اللي ورى ظني تعـدى هقاويـه
احسب حسابه واتحمـل عتابـه=اللي من الحكمـه نتايـج مباديـه
واللي يجي يمي هـلا مرحبابـه=عندي على الميسور والله يحييـه
ومن صد عنّا ما حسبنـا حسابـه=لا هو بيرجيني ولا نـي براجيـه
من زارني زرته وأقـدر جنابـه=ولا همني شخصٍ عطاني علابيه
كان اجنبي والا من ادنى القرابه=ما اشره عليه ولا يجي لي مشاريه
سلامةٍ من بعض الأشياء كسابـه=والرجل يعرف مايصيبه ويخطيه
:: ذبّاح ما شافـت علـى القـاع عينـه ::
واطيري اللي صـار موتـه غبينـه=تفريط موتـه والسبايـب مريخـان
ذبّاح ماشافـت علـى القـاع عينـه=جزام مايكفـخ علـى غيـر برهـان
وصايفه من كـل الأطـراف زينـه=ماقلت به لـولا، ولا قلـت نقصـان
قطعيـةٍ حرشـاء قطـوعٍ متيـنـه=شرق ووصايفها تواصيـف شيهـان
عوق النفيج ان صار بأرضٍ حصينه=اللـي مزابنهـا خمايـل وشعـبـان
لا صفّحت عنهـا التبـوع المهينـه=وباهت سلقها والقصص بأرض قيعان
والخـرب منهـا مايفكـه خزيـنـه=مضرابها مع غاربـه بيـن الامتـان
:: ماني رفيق اللي ذراعه قصيّـر ::
لا شفت لي شخصٍ علي متغيّر=ماني على شوفه ورؤياه منحـد
انا ليـا منـي توريـت أسيّـر=سيرت يم اللي ليا جيت ماصـد
علاقتي بالناس مـع كـل خيّـر=لو كان مالي في نسوبه نسب جد
وجه السعد في كل الأحوال نيّر=مـن مذمـوم الطبيعـه اتعـقـد
ماني رفيق اللي ذراعه قصيّـر=لا صار ماهو بالمهمات مسنـد
انا من ابطال الرجـال متخيّـر=اللي مساعيهم شريفـه وتحمـد
ولاني من اقوال الغشوم متـذيّر=ناس على سرد السوالف تهدد
واللي يعيب الناس عقله صغيّـر=لاشايف عيبـه ولا حافـظٍ سـد
ماقلتها للنـاس قصـدي معيّـر=انا عن القول الرخيـص اتبعـد
ولا ني على فكر الأوادم مجيّر=الطبع تيـارٍ بالافكـار يصعـد
:: اللـي مشـرّع للمساييـر بيتـه ::
من لا يقـدر واجبـي مارجيتـه=كان أجنبي والا من اقرب لحومي
اللي ليـا منـي بحاجـه بغيتـه=عقد حجاجه تقل مصاص لومـي
لو هو بكيفـي يعلـم الله رميتـه=واشوم للطيّب قـوي العزومـي
اللي يقـدر عنوتـي لا نصيتـه=يفرح ليا جيته ويقضي لزومـي
وجه السعد فعله ورى اللي هقيته=لعل يفدونـه جميـع الرخومـي
اللـي مشـرّع للمساييـر بيتـه=مزاح ماهـو دوبلـيٍ كضومـي
:: واصل مسيرك ياعشير المناعير ::
هذي قصيده من قصـار القصايـد=موضوعها يشرح عن الصيد تقرير
ما اظن باقـي للحبـاري شرايـد=من يوم كل الناس صاروا صقاقيـر
ناسٍ تجـول مـن جميـع البدايـد=أهل ولع كلٍ على المرتبـه طيـر
وانا عن الموضوع ما مـن بعايـد=مالومهـم زميلـهـم بالمشـاويـر
وليا لقينـا اللـي هالأيـام صايـد=رحنا على دربه عسوس ومداويـر
وقلنـا ياليتـك معلـنٍ بالجـرايـد=ياللي ذبحت الخرب واف الاشابير
فعلك على اللـي مالقـى الصيـد زايد =واصل مسيرك ياعشير المناعير
كان انت لا دورت تلقـى طرايـد=شد الرحـال ومتـر البـر تمتيـر
خـل الكسـل لمكبريـن الوسايـد=ياللي مع الصحراء تـدل المعابيـر
:: دورٍ به العاقل صحيح متحيّـر ::
الوضع اشوفه منعكس ومتغيّـر=مهما بغيت تعدل الوضـع عيّـا
دورٍ به العاقل صحيح متحيّـر=واللي يريد بخاطـره مـا تهيّـا
واكبر مصيبة كل ماجا مسيّـر=وقال الجماعه قلت ماهم هنيّـا
دام القريب من القريب متذيّـر=وسوس له الشيطان من غير شيّا
هذا خطا مايقبلـه كـل خيّـر=ماكان سلـم اسلافنـا هالسويّـا
راحوا هل الجيره وحق المجيّر=ابعد علينا مـن نـوال الثريّـا
ولا اقول ما باقي للأجواد ديّـر=ما أذم عشاق الشرف والحميّـا
:: يا علي طيري ضاع بأدنى طميّه ::
يا علي طيري ضاع بأدنى طميّه=اقفى وانا مع ساقته ناشف الريـق
اقفـى يجـاذب خـارمٍ شقلبـيـه=لا صاعها تعطي عن الطير تدنيـق
وعودت اصفّق ياعلي فـي يديـه=في ساعةٍ صارت علي السعه ضيق
مدري يمومـه ياعلـي بـأي نيـه=اتلى الخبر به يوم تـلّ المسابيـق
بينـي وبينـه تزمـي الجرهديـه=بأرضٍ وعر منها تهاب السواويق
مافيـه درب إلا لـراع المطـيـه=وتسددت قدمي جميـع الطواريـق
وعودت بحـلٍ ياعلـي بالقضيـه=وعلقت دسّـه ياعلـي بالمعاليـق
من عقب ماني كـل يـوم بشغيـه=اليوم ابقضب دافيـات المشاريـق
لي عوده بإذن الله تعالى
وأسعد الله أوقاتكم بالهدى والفلاح من فيض قريح الكلام الموزون للشعراء الذي يشار إليهم بالبنان هو شاعرنا لهذا اليوم وهو الشاعر الكبير بدر الحويفي ..
والذي سيشرفنا أن نجمع قصائده ونضعها في جنبات شبكتنا الكريمة ، ومن المعروف عن الشاعر بدر الحويفي أنه من المجيدين في وصف الطير والمقناص ..
أترككم مع بعض ما قاله الشاعر :
:: صحبت ضعيف العقل مثل القزازه ::
وان كان تقدر لا طلب منك عـازه=عطه الطلب تقدير لا يطوي اليـاس
واهـم ميـزه بالنفـوس العـزازه=والا ضعيف النفس ماهو على ساس
واظن مابه شخص مابـه حـزازه=يرضى على ناس ويزعل على ناس
ومن لا عرف قدر الشرف وامتيازه=هذاك لا يشعر ولا عنده احسـاس
ضميـر مايشعـر عبـاره جنـازه=مايجمعه بالمجتمع نبـض الأنفـاس
وصحبت ضعيف العقل مثل القزازه=مهمـا تداريهـا تكّسـر وتنحـاس
هذا ولو كـل المساعـي مجـازه=ماصار بالدنيـا موازيـن وقيـاس
:: ماكل طيرٍ يعجب اللي صقر بـه ::
يالله ياجالي صـدى كـل كربـه=ياللي عن الطلاب ماصـك بابـه
تفرج لمـن ذاق بالعمـر طربـه=شيبه تكامل قبـل يكمـل شبابـه
أمضى حياته بين سفـره وغربـه=ولا ساعده حـظ الشقـى بانقلابـه
واقرب قريب ليا شكى مانظربـه=خلان وقـتٍ اليـوم كـلٍ هبابـه
ماكل طيرٍ يعجب اللي صقر بـه=ولا كـل رجـالٍ يثمـن جوابـه
ولا كل من يبني جدار استتر بـه=ولا كل جـارٍ تستريـح بجنابـه
ولا كل من يملك رصيد افتخر به=مالٍ بدون حقوق واضـح عيابـه
الا الذي بالواجبات اشتهـر بـه=يحوز تقديـر الشـرف باكتسابـه
وطاع الذي فعل المكارم امربـه=يرجي رضا الخالق ويخشى عذابه
:: انا مع الطيّب علـى كـل بابـه ::
انا مع الطيّب علـى كـل بابـه=اللي ورى ظني تعـدى هقاويـه
احسب حسابه واتحمـل عتابـه=اللي من الحكمـه نتايـج مباديـه
واللي يجي يمي هـلا مرحبابـه=عندي على الميسور والله يحييـه
ومن صد عنّا ما حسبنـا حسابـه=لا هو بيرجيني ولا نـي براجيـه
من زارني زرته وأقـدر جنابـه=ولا همني شخصٍ عطاني علابيه
كان اجنبي والا من ادنى القرابه=ما اشره عليه ولا يجي لي مشاريه
سلامةٍ من بعض الأشياء كسابـه=والرجل يعرف مايصيبه ويخطيه
:: ذبّاح ما شافـت علـى القـاع عينـه ::
واطيري اللي صـار موتـه غبينـه=تفريط موتـه والسبايـب مريخـان
ذبّاح ماشافـت علـى القـاع عينـه=جزام مايكفـخ علـى غيـر برهـان
وصايفه من كـل الأطـراف زينـه=ماقلت به لـولا، ولا قلـت نقصـان
قطعيـةٍ حرشـاء قطـوعٍ متيـنـه=شرق ووصايفها تواصيـف شيهـان
عوق النفيج ان صار بأرضٍ حصينه=اللـي مزابنهـا خمايـل وشعـبـان
لا صفّحت عنهـا التبـوع المهينـه=وباهت سلقها والقصص بأرض قيعان
والخـرب منهـا مايفكـه خزيـنـه=مضرابها مع غاربـه بيـن الامتـان
:: ماني رفيق اللي ذراعه قصيّـر ::
لا شفت لي شخصٍ علي متغيّر=ماني على شوفه ورؤياه منحـد
انا ليـا منـي توريـت أسيّـر=سيرت يم اللي ليا جيت ماصـد
علاقتي بالناس مـع كـل خيّـر=لو كان مالي في نسوبه نسب جد
وجه السعد في كل الأحوال نيّر=مـن مذمـوم الطبيعـه اتعـقـد
ماني رفيق اللي ذراعه قصيّـر=لا صار ماهو بالمهمات مسنـد
انا من ابطال الرجـال متخيّـر=اللي مساعيهم شريفـه وتحمـد
ولاني من اقوال الغشوم متـذيّر=ناس على سرد السوالف تهدد
واللي يعيب الناس عقله صغيّـر=لاشايف عيبـه ولا حافـظٍ سـد
ماقلتها للنـاس قصـدي معيّـر=انا عن القول الرخيـص اتبعـد
ولا ني على فكر الأوادم مجيّر=الطبع تيـارٍ بالافكـار يصعـد
:: اللـي مشـرّع للمساييـر بيتـه ::
من لا يقـدر واجبـي مارجيتـه=كان أجنبي والا من اقرب لحومي
اللي ليـا منـي بحاجـه بغيتـه=عقد حجاجه تقل مصاص لومـي
لو هو بكيفـي يعلـم الله رميتـه=واشوم للطيّب قـوي العزومـي
اللي يقـدر عنوتـي لا نصيتـه=يفرح ليا جيته ويقضي لزومـي
وجه السعد فعله ورى اللي هقيته=لعل يفدونـه جميـع الرخومـي
اللـي مشـرّع للمساييـر بيتـه=مزاح ماهـو دوبلـيٍ كضومـي
:: واصل مسيرك ياعشير المناعير ::
هذي قصيده من قصـار القصايـد=موضوعها يشرح عن الصيد تقرير
ما اظن باقـي للحبـاري شرايـد=من يوم كل الناس صاروا صقاقيـر
ناسٍ تجـول مـن جميـع البدايـد=أهل ولع كلٍ على المرتبـه طيـر
وانا عن الموضوع ما مـن بعايـد=مالومهـم زميلـهـم بالمشـاويـر
وليا لقينـا اللـي هالأيـام صايـد=رحنا على دربه عسوس ومداويـر
وقلنـا ياليتـك معلـنٍ بالجـرايـد=ياللي ذبحت الخرب واف الاشابير
فعلك على اللـي مالقـى الصيـد زايد =واصل مسيرك ياعشير المناعير
كان انت لا دورت تلقـى طرايـد=شد الرحـال ومتـر البـر تمتيـر
خـل الكسـل لمكبريـن الوسايـد=ياللي مع الصحراء تـدل المعابيـر
:: دورٍ به العاقل صحيح متحيّـر ::
الوضع اشوفه منعكس ومتغيّـر=مهما بغيت تعدل الوضـع عيّـا
دورٍ به العاقل صحيح متحيّـر=واللي يريد بخاطـره مـا تهيّـا
واكبر مصيبة كل ماجا مسيّـر=وقال الجماعه قلت ماهم هنيّـا
دام القريب من القريب متذيّـر=وسوس له الشيطان من غير شيّا
هذا خطا مايقبلـه كـل خيّـر=ماكان سلـم اسلافنـا هالسويّـا
راحوا هل الجيره وحق المجيّر=ابعد علينا مـن نـوال الثريّـا
ولا اقول ما باقي للأجواد ديّـر=ما أذم عشاق الشرف والحميّـا
:: يا علي طيري ضاع بأدنى طميّه ::
يا علي طيري ضاع بأدنى طميّه=اقفى وانا مع ساقته ناشف الريـق
اقفـى يجـاذب خـارمٍ شقلبـيـه=لا صاعها تعطي عن الطير تدنيـق
وعودت اصفّق ياعلي فـي يديـه=في ساعةٍ صارت علي السعه ضيق
مدري يمومـه ياعلـي بـأي نيـه=اتلى الخبر به يوم تـلّ المسابيـق
بينـي وبينـه تزمـي الجرهديـه=بأرضٍ وعر منها تهاب السواويق
مافيـه درب إلا لـراع المطـيـه=وتسددت قدمي جميـع الطواريـق
وعودت بحـلٍ ياعلـي بالقضيـه=وعلقت دسّـه ياعلـي بالمعاليـق
من عقب ماني كـل يـوم بشغيـه=اليوم ابقضب دافيـات المشاريـق
لي عوده بإذن الله تعالى