أبعطيك عن بعض الرجاجيل معلومــه

[فواز الشويكي]

عسى الله يعين اللي توافد عليه إهموم . .. ... .. . هموم تخلي طبلة الراس منجومــــه


ترى والله انه مايكدر عليك النــوم . .. ... .. . سوى كلمة من بعض الاصحاب مسمومه



إلياجت من الغالين وإلا الرخوم رخـوم . .. ... .. . ولا أمحق من الغالي إليا شانت علومـه



ضعاف الروابع تبتلش والقروم تشـوم . .. ... .. . ولاهي بلا شيمة ٍ من الشيم مليومـــــه



ولا أزين من القاع الخلى والوجيه سلوم . .. ... .. . ولا رفقة بعد طول الايام ملغومـــــــه



ولا ألذ من عشرة شريف من أقصى القـوم . .. ... .. . يبادلك فعل الطيب معناه وسلومـــه



ولا شفت في جو الصداقه غبش وغيـوم . .. ... .. . عطيت الدروب اللي مع الارض مرسومـه



ولا مثل عز النفس لو مامعك مطعــــوم . .. ... .. . وعن أهل الشماته خل الاسرار مكتومــه



معي لو سمحت شوي عقب عداك اللــوم . .. ... .. . أبعطيك عن بعض الرجاجيل معلومــه



ترى اللاش لو وقف معك في حياته يـــوم . .. ... .. . تشوف الردى متبين فيه من يومـــه



وأنا أقول لو إن في وجيه الرخوم وســوم . .. ... .. . عرفنا نميز قيمة النذل بوسومـــــه



علشان نجلس مع رجال الوفى ونقـوم . .. ... .. . ونبعد من اللي عند الاجواد مذمومــه



وأنا أسمع مع أهل التجربة في الحياة علوم . .. ... .. . بعضها صحيح وبعض الاخبار موهومـه



يقولون وكر الحر ما يعتليه البـــــوم . .. ... .. . وأنا شوف عيني وكر حر تحت بومــــه

[سليمان الخرس]

يعطيك العافيه يارب

[ابو شامه]

صح لسانك ابو احمد ابدددددددددددددددداع

[الشرق]

مكنون النفس ولحظات عتاب وبوح بما في الخاطر

أخرج مافي جعبتك من شعر أبو أحمد شاعر ياشباب

صح لسانك

[محمد بن دوهان]

صح لسانك وبنانك يا أبو أحمد

والله يكفينا شر الدنيا وبلاويها

[متعب عبدالهادي الفققي]

فواز الشويكي

كلماتك تنم عن خبره ومعرفة في اصناف الرجاجيل ومعادنهم . معدن الرجال تعرف عند الشدائد والملمات
والسفر . مهما طال الزمن وتغيرت الاحوال حسب ماذكرت في هذه الكلمات صح لسانك ورفع الله شانك

والله يا فواز ما ابي ابالغ في كلامي ان هذه الايام تحتار
ويصيبنا صداع ممن نراه من تصرفات وتزييف في الوفاء وكلا يحاول يا خذ مكانات با الوهم وهو ليسى كفوا لها ولو تحتاجه في الشدائد يظهر بومه ويغيب عنك . كانه مايعرفك . والدنيا تجارب

والان الناس تحكم على المظاهر .

شكرا اخي

[فواز الشويكي]

شكرا لمروركم ايها الاحبه ,,,,
قصيده اعجبنتى فنقلتها ويسعدني انها اعجبتكم

[خليف الدوامي ابو زيدان]

أشوى اللي ماتعجلت - مشكور على الأختيار يالغالي

[بدر البدور]

فواز

صح لسانك قصيده جزله

ومعاني سليمه

فليس كل ذكر رجل

تحياتي وتقديري

[محمد الطرقي]

قصيدة كلها حكم ومعانيها هادفه
وهذا ماهو حاصل اليوم الله المستعان
قصيدة عن تجربه

صح السانك ملااااااااااااايين
هل هذا من انتاجك الله يحفظك

[سالم الشويكي]

فواز: كلمات جزله واختيار راقي
تحياتي ابو احمد