تعالوا نهيجن :::::::

[فواز الشويكي]

يا صاحبي لا تعذرني ...و انا تعنيت من شانك
احزم جروحي و جبرني ...سنف ضلوعي بذرعانك
عن المنافيع قاهرني ...و تكثر الخير بلسانك

[سليمان الخرس]

عـديت في مرقبٍ واللـيل ممسيني =بـديار غرب لعل السيل ما جاها
أضحك مع اللي ضحك والهم طاويني =طية شنون العرب ليا سربوا ماها
وراك ما تزعجين الـدمع يا عـيني =على هنـوفً جديد اللبس يزهاها
هـبت هبوب الشمال وبردها شـيني =مـا تدفي النار لو حـنا وقدناها
مـا يدفي الا حشـى مريوشة العيني =وإلـيا عطشنا شربنـا من ثناياها
أبـو عـيونً لـيا سلـهم تنـاجيني =يـا قرد عين المشقى كيف يقواها
يـا شبه وضحـى فـتاةً دلها زيني =داجت على عقلةً والورد ما جاها
يا عل من شار بالفرقى عمى العيني =مخباط صمعا جليل الفخذ يشظاها
جـعله حـسير كـسير وراكبه ديني =وأتـلى حـلاله ذلولً راح يطـلاها

[محمد بن دوهان]

السلام عليكم ورحمة الله

وأسعد الله هالصباح بالهنا والمسرات ..

وش أللي طرى عليك الهجيني يا أبو أحمد ..

إستلم يالغالي وهات ما عندك ..


ياطير يامومي الجنحان =ياناثر الريش هنيتك
لو اطمعك تاصل العربان =على اريش العين وصيتك

[فواز الشويكي]

ابو عبدالعزيز ما ادري وش جاني على الهجيني هالصبح :::


تلعب بقلبي وانا اطيعـك .. وانت سبب كل ما جاني
انا اللي اشريك ما ابيعك .. لـو كثـروا فـيـك الاثـمـان
صـارت لغيـري منافيعـك .. عقب الغلا كيف تنساني
لــولا قـبـالـك وتفـريـعـك .. دخلت في دين الاخـوان

[ابو شامه]

يعطيكم العافيه انا متابع معكم لكن بدون مشاركة لأني ما اعرف

[محمد بن دوهان]

يا هلا والله يحييك با أبو أحمد ..

إرسل وأنا على معك على خط النار .. إرسل والعمر وأنا بنآخيك فآني ..

يقول لك :


البارحه العين كن بها=شب النشادر بالأمواقي
والنفس ما شي معجبها=والصدر ضايق ومحراقي

[فواز الشويكي]

البدو شدوا عن المقطان ..... تفرقوا واخلوا العدّي
شدوا هل الترف يا ضيدان ...... لا والله إنه مهو ودّي
أركض وراهم وأنا حفيان ..... وأشرف على الرجم وأردّي

[محمد بن دوهان]

يا هلا با أبو أحمد .. يقول لك يا حفيظ السلامة ..
البارح واليوم والليله=علامك يالعين ما ندتي
ركضٍ قليلٍ محاصيله=غير التعب وش تفودتي
بيدتي الحيل والحيله=لا عاد يومك ولا عدتي
ريح النفل ، ريح منديله=ووسادتك اللي توسدتي



الله لا يهينك يا أبو أحمد ..

تعيش والله وتسلم ..

[خليف الدوامي ابو زيدان]

البارح العين يامفضي =نوم المخاليق ماجاها
القلب من مطرحه جضي=جضة ورد (ن) على ماها

[محمد بن دوهان]

تسلم وتعيش يا أبو زيدان والله يسعد أيامكم مع لياليكم يقول من فارق الخلان :


واعيني اللي تبي وتريد=مير المقادير ردتها
عينٍ تعايد نهار العيد=وعينٍ على الخد دمعتها

[خالد الشويكي]

يازين كاني بعد حيك
لا تذبحـن وانت تغليني

اخــــاف انا امـوت بيـديك
صبري قضا يانظر عيني

لو اقــــدر الصبر عن غيك
ماشفت الاوهام تسنيني

صــد بثناياك وشــفيك
لا صار منته بمعطيني

[فواز الشويكي]

صباحكم خيرات ومسرات ,,, يقولك:
والله لولا الحيـا لانـوح
كنـي كسيـر يملـونـه
خلوه وسط الفضا مسدوح
والجمـر فوقـه يملونـه

[محمد بن دوهان]

الله يمسيكم بالخير أجمعين ..


يا عين عنز ٍ تقود خشوف = من فرع مجنه ليا مظله
يا بو ثمانٍ برد شفشوف=قم حبني والزعل خله
قم حبني والبغيض يشوف=ما يقطع الرآس غير الله


***

ماهبلك يادهر جلغيف=جلغيف جلغف مخاليقي
أخذ حلال وبنات هِيف=وأخذ عيالٍ هداليقـي


دهر جلغيف عند البادية هو سنة صوات بن مهيد رحمة الله عليهم أجمعين ..
***






قمة الروعة واصلوا عسى الله يحفظكم ..

[محمد بن دوهان]

وتفضلوا هذه الهجينية أيها الأعزاء الكرام ..


عويت انا عوية الذيبي = اللي عوى وأرقب القاره
لا ياقليل العذاريبي =غديت بالعين نواره
نحفتني وانت داريبي =نحف الخشب بيد نجاره
ياحلو خط المكاتيبي = بذريعه تقل جماره
والنهد بمفرق الجيبي = حمرٍ ثمرهن بدواره
ياشبه وضحى المواهيبي= ما درهشو له على حواره




لا يااااقف يا أهل العرفا



واصلوا الله يبارك فيكم

[محمد الطرقي]

نبي انتحاور يابن دوهان = العبي معي واقصد هجيني
وانشدك عن نيت العربان = رحيل والا مقيميني


ننتقل القسم المحاورة ونكمل هناك

[محمد بن دوهان]

صح لسانك يا أبو يوسف وأبشر باللي يقدر الله عليه يا راع العرفا ..

[سعد العماوي]

ماشاء الله عليكم اطربتونا


نبي نشاركم


ياناعس الطرف يالمملوح=ادخل علـى الله اتحاكينـي
تـمـوحـنـي بـالـمــوده مــــوح=خـلـيـتـنــي بـــيـــن رايــيــنــي
رايــن يـقــول اتـــرك وروح=وراي لــبــيــتــك يــوديـــنـــي
لوكـان مالـي بكـم مصلـوح=ربــــي بــزولــك امشـقـيـنـي

[محمد بن دوهان]

يالله حي سعد وأبرك الساعات مشاركتك وشوفتك ..

وصح لسانك وبنانك وإعتلا شآنك يا بنآخي ..

يقول لك :

حنين قلبي حنين الدوج=لا عشقه بالدبل حنّي
لا واعشيري دروبه عوج=عيّن مكاويه يبرنّي

ويا هلا ويا مرحبا فيك ولا تطيل غيابك علينا عسى الله يحفظك ويسلمك ..

[فواز الشويكي]

صباحكم ارق من النسمه العذيه :

ياعين لك بالهوى لفته

ماانتي على دين الأخواني

هو معجبك واحد(ن) شفته

عوده من الزين روياني

[فواز الشويكي]

راكب اللي بايع القشـع ماكـدّه***ماتـردد بيـن لينـه وسامـوده
حوله من المصانع علـى جـدّه***تو لوحاته على الجمس مشدوده
سايقه من سرعته مالحق حـدّه****كل ماناشه برجله طلـب زوده

[محمد بن دوهان]

الله يسعد صباحك يا أبو أحمد

اليوم الصبح جلست من النوم بدري وقلت أطلع أروح للدوام ، توكلت على الله ومشيت ، إلا جار ٍ لي شمري شايب شابٍ قهوته على هالصبح وريحة القهوة ماليه الحارة ، نزلت وأخذت لي عند الأجودي فنجال وبعد ما ركبت السيارة تذكرت هجينية عن طيب شمر عسى الله يحفظهم ، يقول شاعرها :


عند بن عايش يطيب الكيف=على صفا شاعمٍ ناره
شيخٍ غنيٍ اعن التعريف=ذروة هل المجد وخياره
علمه بعيد وفعله شيف=صب الحليب لغنم جاره
من لابةٍ مكرمين الضيف=مقدم صناديد سنجاره
يالله عسى كل عامٍ ريف=على مفاليه ودياره


اللهم آمين عسى ديار الأجاويد بخير وربيع ونسأل الله ما يقطعنا من البدو ومن كبار السن .

[خليف الدوامي ابو زيدان]

أيو الله آمين وعشرة أنعام بالطنايا وكل الطيبين من جميع القبائل 000وصباحك ورد يا ابو عبد العزيز والله أنكم عدتونا لأيام زمان في هالهجينيات الحلوة - الله يسعد أيامكم 0000كان بودي أرد على كل واحد منكم لكن حضوري متأخر والهجينيات كثرت ، أستمروا - وياليت تختارون موضوع ما ونتحاور عليه بالهجيني نبي نعيد أيام الهجيني الحلوة في أيامنا هذي وكل واحد منا يناقشة في بيت أو بيتين المهم يدلي دلوه فيه 0



تحياتي لكم يالغالين 0

[محمد بن دوهان]

الله يسعد صباحك وكل أوقاتك بالخير وبالصحة والعافية يا أبو زيدان ، ولا طلبت شي أبشر بعزك يا طويل العمر ..

والبداية كالعادة عند أبو يوسف نبيكم إتحاورون أنت وياه .

[محمد بن دوهان]

رجعه للهجيني ولفضاة البآل ، يقولكم وعمر الجميع يطول :


الطِّيب ياللي تدورونه=وأنا لقيته لدوّاره
قضيَ المواجيب بحتونه=بالضيف والثانية جاره
قحّام شيٍ يهابونه=هذاك اللي شاعت اخباره
وطِيب المدى وبِعد مكنونه=وليا حكى يقشع الشاره
الطّيب غالي بمثمونه=ولا يخسّر الطيب تجّاره
الطّيب بيّن تشوفونه=رجمٍ زمى براس له قاره
يا عيال ياللي تنطونه=من يرقبه عارفٍ كاره
مار البلا شعيّب ٍ دونه=كله خناتيق وجحاره

[فواز الشويكي]

صباح الخير ,,,,,,,,, ما غير الهجيني يطرب البال

يانجمة الصبح كبدي منك مرهوقه
ليا شع نورك علينا لا تغيبيني
ستاير القلب من فرقاك مفتوقه
اصبر من العام لين انك ذبحتيني
لبيك ياللي تتل القلب وعروقه
كله على شان يوم انك تلبيني

وعلى الربابه من مشعان روعه ,,,,,,,

[سعد العماوي]

هذي من هجينيات الوالد حفظه الله وانا مضيع تاليها مسنده لاخي الكبير عام 1402

وكان ذلك الوقت يدرس




مديت انا البارحه من طريف =شفت الحفر قام يومي لي

يامبارك لوانها بالكيف = منهج لو االناس تدعيني

ابيك لربعك طمان وريف = ياشوق بنت السلاطيني

ابيك قرم تجيب الضيف = وابيك يالقرم تكفيني


والباقي والله مااعرفه

[محمد بن دوهان]

عز الله عز ومعزه يابنآخي وعسى الله يسلمكم ويحفظكم ويطيل بعمر والدكم الكريم على طاعته عز وجل وأن يرزقكم بره ..

ولابد أن للأبيات تكلمة فلذا نطلب منك إكمال ما نقص والأستزادة من أشعاره الأخرى ..

ويوم إنك طريت طريف يقول لك :


ياراكب اللي عليها السيف =ورقمــــوها البلديه
ســــــــــواقها غليم حريف =يوصل انبيرها لميه
هي منوة اللي هله بطريف=يبي الحدود الشماليه
شي جرى عزرن وتكسيف =همة ذبحني وانا حيه
بطريف ولاعـــدني بطريف =شوف الغضي ما حصل ليه
دنياك ما تنجمع بالكيف =وتفرق الحيّ عن حيّه
كان العِشره ماهي تزييف =تزعج لنا رد برقيه
علمي بشوف الولد بالصيف=واليوم مضيت حوليه



الله يرحم أهل طريف
لا يآقف
من هي عنده يا أهل العرفا

[خالد الشويكي]

قبل كم يوم جتني رساله على الجوال مرسلها لي الاخ محمد الرويلي
قصيده يقول مطلعها:


ياليت خالد سكن بالجوف=في جوف صدري تمنيته

فا انا رديت عليه :

مسيت ياللي سكنت الجوف=مشكور قاف(ن) لنا اهديته
يالحر ياللي بعيد الشوف=اسمك مع الطيب ارقيته
يالشبل ياكاسب المعروف=طبع الوفا فيك كنيته
ياذيب مالك علي احلوف=غلاك بالقلب أخفيته
اصيغ قافي بليا كلوف=ويم ابيض الوجه وديته

[فواز الشويكي]

يعطيك العافيه ابو وليد,,
نتشرف بمشاركات الويلي معنا هنا !!!

[محمد بن دوهان]

:):):)

الله يسعد هالصباح يارب

على طاري بعض البدليات الله يسعد أهل البدليات الجميلة ..

تقول راعية الهجينية :

إن شرقوا جاني الموت=وإن غربوا يا ويلي
يا عاد أنا من شمر = وش ولعن برويلي

[سعد العماوي]

بلايه مـن واحـدٍ شفتـه = عوده من الزين رويانـي
القرن الاشقـر منسفتـه =ياتي محاقيـب وبطانـي
والنهـد للثـوب شايلتـه =كنـه طلاليـع رمـانـي
الاولـه ليـت مـا شفتـه =والثانيه ليـت مـا جانـي
والثالثـه يـوم واجهتـه =تـل المعاليـق وابكانـي

[سعد العماوي]

اعجبني هالبويتين مندبلتن كبد الشاعر



يالبيض ما انتن على ملــه =ولا انتن على مذهبن صافي
اللـي بعيـدٍ تعشقنـــــــــه =واللـــــــــي قريـب للاذلافـي

[فواز الشويكي]

افهم جوابي نويـت أقول
كان أنت عجل على الروحة

سلم على لابـس المفتـول
اللي سبى العقـل بمزوجه

يا عيون حر رثع بالجـول
على ابرق الريش ذابوحـه

اهلي قطين على الشملـول
وانته تبي تبعـد الشوحـه

طاوعك قلبك ماهو معقـول
تنسين عمـاش ومزوحـه

روحي وانا ارز لي مخيول
واحط زولك علـى اللوحـه

ما كل زول يعوض بـزول
و لا كـل الأزوال مملوحـه

زول عجيـب وزول هـول
وزول يكفي منه منضوحـه

ومن قال لي قلت له مهبول
ما القى عوض مثل رجوحه

لي صاحب من ورا الشملول
بيني وبين الغضي شوحـه

[محمد بن دوهان]

بعض العرب موتهم تخفيف =مير البلا مـــــوت عبدالله
مرحــوم يا مــهــلي بالضيف=يا مكثر الـــــهــــــيــــل بالدله
يا مسك زينت التوصيف=الدم مــــن مضربه شـــــــله
ياما صفقهن اوردن عيف =وياما حــمــى كل معتله


الشاعرة كنّه الشمرية
ترثي زوجها عبدالله بن جحفل
غفر الله لهما ولوالديهما وللمسلمين
أجمعين

[عبدالعزيز المعني]

ياهيه يكفي تعذبني
.............غديت للهم ماريه
ماسد جرحي..!! تعاتبني
............إلى متى حسي إشويه
ضميان والشوق شاربني
...........ياهيه كدرتي الميه

[محمد علي الهويشاني]

نِحْ ياحمام الهوى بِسْجوعْ *** يامِنْ يسومـه و انابيعـه





مافيك كود العنا وفجـوع ***وقرور قلبي و تصديعـه





ياعلي ذالي شهر واسبوع *** ألطم كما تلطـم الشيعـه





راع الهوى زايده مقطوع *** قلبـه معلـق بشرِّيعـهْ





دونك ثويبي مزوع مزوع *** فَتَّقْ اظفـوري بترقيعـه





راع الهوى دايمٍ مسبـوع *** بالليل تكثـر سعاسيعـه

[محمد علي الهويشاني]

وجـدي على الجادل المربــوع *** اللــي خذ القلــب تفجيعـــه

وخِْـديــدْ مَي يشـع اشعــوع *** مثــل القمـر في ترابيعـــه

تغريــك في قولهـا كعكــوع *** حمــر الخواتـم باصابيعـــه

قلــب الخطا يا على مطبــوع *** بالصــدر تخفـق بترميعـــه

[محمد بن دوهان]

ما شاء الله عليكم عشتم وسلمتم والله


يقول لك راع الهجيني

يا حن قلبي حنين ذهوب=معهم خلوج ٍ شرارية
دلّة بهم مع شفى العرقوب=تبي الديار الشمالية

[محمد علي الهويشاني]

والله لــولا الحـيـا لانــوح=كـنــي كـسـيــر يـمـلـونـه



خلوه وسط الفضا مسدوح=والجـمـر فـوقــه يمـلـونـه

[فواز الشويكي]

صباح الهجينى :::::::::

اما انت هيجن اليا هيجنت ،،، والا انت عن فاطري حول
عشيري دافي الحشا مهو انت ،،، والا انت كذاب ومهول

[محمد بن دوهان]

قلبي كما شارب التنباك=مبطي عن التتن ما عمّر
لا واعشيري مع البراك=يتلي سلف متعب الضمّر

[محمد بن دوهان]

وهذي بعد يقول راعيها :


عدّيت بالمرقب المشروف=واشرف على المرقب العالي
وآلوف قلبي عليهم لوف=لوف النضا حدر جهّالي
ونسوا بهم نية المعروف=يوم الضما حرّق البالي
يا صفوق ليتك تجي وتشوف=متعزرٍ ظبي الأسهالي
متعزرٍ ضامر السرجوف=تذبح عسى مالها الوالي

[فواز الشويكي]

يسعدلي روحك يا الغالي ,,,
دامك وردتها على التتن ,,,,,, خذ هذي عنك :

لاتشرب التتن يالـمــمـلـوح,,,,يخرب ثناياك يالـغـالـي00

ياويش لك فيه من مصلوح,,,,دمار للجسم والمالي00

[عايش العجلاني]

ياطير يامومي الجنحان=سلم لياجيت مضنوني
قله تراني بخشم العان=بالسادسه والثلاثوني

[محمد بن دوهان]

الله يسعد هالوجيه ويالله حيهم..

وصح الله ألسنتكم جميع يقول لك :


رقيت شيبه ولا بي شيب=وحوّلت أنا شايبٍ راسي
كان ان طرد الهوى به عيب=يا ما يِعيَّب من الناسي

[محمد بن دوهان]

ذكرني قبل شوي الأخ العزيز عبدالعزيز الموزان ، بمداخلته اللي بموضوع بن عرجى ..

يقول إنه يبي يروح لديار الجنوب ويبي يعرس منهم ويبي يخطب لبناخيه " أللي هو أنا "

وذكرني بله هجينية تقول :


وردت مطرقه وخبرى البنت=ولقيت أنا ريدهن زيني
والبيض عن طردهن هوّنت=ألا إنت يا داعج العيني

[عبدالعزيز غازي الموزان]

هاه يبن دوهان كنك هونت

[محمد بن دوهان]

عبدالعزيز يا بنآخي والله العظيم منوتي ما سكن بعسير ودياره ، وأسأل أبو عبدالله بغى يلحقني بالديرة اللي كنت بها ، ولكن كاني بنآخيك غير يجيك العلم ، وصويحبي يا عبدالعزيز مثل ما وصف بن لعبون بعشقته ، حين قال بها :

قال الذي هيضه رعبوب=حط الجفا دوبه ودوبي
مياس لأهل الهوى محبوب=هرجه عجاريف وعجوبي
خده سوات الفنر مشبوب=شفته ضحى مر من صوبي
والجِيد جِيد المها مسلوب=والعين يا عين الاشبوبي
مدلول في جبهته مكتوب=يا اهل الهوى لا تفادوا بي
خلتني اركض لها وألوب=مثل المهيبيل واهوبي
حطت عن النوم والمشروب=مثل البزازين بعبوبي
ومن الوصل ما قضت لي نوب=ومن السقم فَصّلت ثوبي
يا لايمي صَدّها ما هوبـ =رمحٍ اتلقاه بجنوبي
صبري إلبلواي صبر أيوب=واحزاني احزان يعقوبي
فان كان يحسب عليّ اذنوب=( بوصال غيره فانا اتوبي )
وان قال شيخ فانا محسوب=عبدٍ لعيناتها نُوبي
الطالب ارهى من المطلوب=ومغالب الله مغلوبي


والشكوى لله بس يا بو غازي ثمٍ تفضل بزيارة الرابط التالي ..

إضغط هنا (http://www.alsb3ah.net/vb/showthread.php?t=3980)

[عبدالعزيز غازي الموزان]

والله يابناخبي كانها بتشيك ولا بأي دوله الله يعينا على جيبتها ان كانه بلمال ولا غيره ابشر بعزك
وتراني ماني شاعر بس نخيتلي أجودي يعبر عن مشاعري تجاهك


ان كان عذبك هوا الرعــبـوب = العــــشق غالـــب ومـغلـوبي
كانه ذهب قالب مصـــــــبوب = من حبــها بـــنوب مايتـوبي
كانك مصمل على المطلوب = ابشر لك المال من صـوبي
ياصاحبي نجيبها بســلوب = ياقــلب افـــرح بمحـــبوبي

[محمد بن دوهان]

صح لسانك وبنانك يا أبو غازي ونعم بك وباللآبه اللي انت منها يا عزوتي ولسان البنآخي الشاعر ..

وخلنا بس انتواجه إن شاء الله راح أشرح لك كل الأمور ..

وأشكي لك يا عزوتي هوا المزيون ..

[عبدالعزيز غازي الموزان]

ابشر يابن دوهان بس اجي من الجنوب شرف لي اني اجلس معك

[سالم الشويكي]

يرابكبن فوق مايدلي :::::: لويسهج العشب مايذوقه

له مركبن كنه الزلي ::::: يشره على الطير بالحوقه


شكرا فواز على هل المقتطفات
اثريك شاعر ياولد وحنا ماندري
نعرفك تحل اللألغاز

[محمد بن دوهان]

أسعد الله مساكم جميع اليوم تذكرت لكم هالهجينية وحبيت أطلعكم عليها ، وأللي يقول راعيها والمؤكد إنه هايم وعاشق ولكن أتوقع أنه أدرك مبتغاه ونآل محبوبته بعد ما قاله بهالهجينية ، إن كانها وصلت لأورنس الشعلان رحمة الله عليه :

خلوج قلبي خلوج اورنس = قامت تعدى المقاطيني
على ولدها طواها الحمس=وأنا أريش العين طاويني


ولنا لقاء يتجدد كل ما تذكرنا شيء من هجيني عنزة أو القبايل الكريمة ..

وكونوا برعاية المولى عزيز الجلال وحفظه أجمعين .

[متعب عبدالهادي الفققي]

قال البياعي من سنيات مضت
الجمس حنا ركبنا الجمس = يم الحفر ناهجا يمه
ليه عشيرن مغيب الشمس = مانمرح الليل من همه
يا متعب قلبي حمسني حمس= يا الغشمري شملنا لمه

[محمد بن دوهان]

ونعم وسبع تنعام عز الله طال عمرك وعز الله تلحق النفس هواها يا شوق موضي جبينه ..

وقال آخر من أهل الهجينيات الأصيلة والقديمة :


يا صويحبي لا تعذرني = وأرني تعنيت من شآنك
إحزم صوابي وجبرني=وسنّف ضلوعي بذرعانك



وتسلم وتعيش يا أبو عبدالله ..

[متعب عبدالهادي الفققي]

ودو سلامي لبن دوهان= يومين ونومي على كوعي
وجدي على شوفة المقطان= وام الخلاخيل وردوعي
والسيل يمشي مع الوديان= والعشب جديد بطلوعي

[محمد بن دوهان]

حياك الله طال عمرك وآسف على تأخيري وإستلم الرد لعله يرتقي لذائقتك الكريمة وجميع الإخوان والعزوة الكرام ..
حييت يا مدّب الفرسان=وسلام بالطيب متبوعي
يوم الحرايب ودور إكوان=كل النشاما لكم طوعي
عقيدٍ وتتبعك شجعان=تطول والهرج مسموعي
إن كان شفك زمانٍ كان=هذاك ما هو بمرجوعي
يوم إنها ضعونٍ وسلفان=وتنزل فراقين ونجوعي
ترنا غدينا بدو حضران=لو تزعج الصوت مربوعي
نجلب حليبنا من الدكان=ونشرب من الزيت قرطوعي
ونشجع اللاعب الفنان=ونطرب على ألحان دلوعي
واللي ما يجامل مع الكذبان =مثبور حظٍ ومسبوعي
صار المداهن لهم نيشان=والكذب خلوه مشروعي
مار اطلب الله عليّ الشآن=ما يجعل الخير مقطوعي
ويجعل مطرها وبل هتان=والديم ياخذ له إسبوعي
ونفرح على سجة البرّان=وشف النشاما هو طموعي
ونستغفر الله نبي الغفران=والعمر ما هو بمدفوعي




إنتهت قصيدتنا التي لا تخلوا من العتب على الزمان أللي إنقلبت فيه الموازين وإنعكست السلوم وطبوع الناس حتى بعث الله لنا إشارات عظيمة وبعضها من علامات الساعة لاشك ..

وسلامتك طال عمرك وسلامة الجميع من كل فتن الدنيا وما فيها ونستغفره عدد خلقه ورضا نفسه وزنة عرشه من كل ذنبٍ وخطيئة ونسأله بأعز وأعلى وأقدس أسماءه أن يغيثنا غيثاً هنيئاً مريئاً سحاً غدقاً نافعاً غير ضار يدر به الضرع وينبت به الزرع ويغفر به الذنوب ويغسل به ما صدأ من القلوب ولا حول ولا قوة لنا إلا به سبحانه جل جلاله ..

[فواز الشويكي]

يسعد صباح الهجينى
ادبني الشيب واستادبت ***والرجل تقصر من خطاها
هو ليه اراعـي جديد النـبـت ***والـنـفـس ماتـت رعـايـاهـا
والجمعه ماتقدرن بالسبت*** مافات الاعمار يفداها
والبيض عن دربهن جنبت ***ولاتذكرت قلت اهاها

[متعب عبدالهادي الفققي]

منذ كم سنه ارسل دوامي كلمات بسبب مشكله حصلت له

سلم على متعب الهادي= ياجيت شيخ العرب قله
يا الغشمري يابن الاجوادي= اللغز اللي عندنا حله
اخاف من واحدا غادي = ملكعا مايخاف الله


معنى شيخ العرب اي قبيلة الدوام لان لغة الباديه يقولون احيانا لقبيلتهم عربنا
عرفنا موضوعه ورديت عليه وحلينا المشكله

ياللي عن اللغز نشادي = لغزك ترى عندنا حله
لغزك نحله على مرادي= ولاني ورى كل خلق الله
سنعك يا صاحبي بادي= وحاسدك يقعد على مله

[سعد مسهوج]

يقول احد الشعراء


الشيب جاني وانا جيته
.......... ونفسي من الشيب مسحيه
لوهو على الراس غطيته
.......... مير البلا صار باللحيه :crown:

[محمد بن دوهان]

Quote:
المشاركة الأصلية كتبت بواسطة متعب عبدالهادي الفققي http://www.alsb3ah.net/vb/7-st/buttons/viewpost.gif (http://www.alsb3ah.net/vb/showthread.php?p=26739#post26739)
منذ كم سنه ارسل دوامي كلمات بسبب مشكله حصلت له

سلم على متعب الهادي= ياجيت شيخ العرب قله
يا الغشمري يابن الاجوادي= اللغز اللي عندنا حله
اخاف من واحدا غادي = ملكعا مايخاف الله


معنى شيخ العرب اي قبيلة الدوام لان لغة الباديه يقولون احيانا لقبيلتهم عربنا
عرفنا موضوعه ورديت عليه وحلينا المشكله

ياللي عن اللغز نشادي = لغزك ترى عندنا حله
لغزك نحله على مرادي= ولاني ورى كل خلق الله
سنعك يا صاحبي بادي= وحاسدك يقعد على مله




عز الله والنعم كل ما قيل نعم ..
وصح لسانك يا أبو عبدالله ولسان الشاعر الدوامي ..

[محمد بن دوهان]

أسعد الله مسائكم وجميع أوقاتكم بالخير واليُمن والبركة ، بعد أن قرأت الأبيات التي وضعها لنا أبو عبدالله حفظه الله ، تذكرت مقتفطات من الشعر المغنى على الربابة وهي لشاعر البادية عيد بندان الرّماحي الفريجي الرويلي رحمة الله عليه وسوف أقوم بإذن الله تعالى بإنزال شريط الشاعر الذي وجدته بين أنقاض أشرطة قديمة لديّ في يوتيوب قبيلة السبعة ليكون بإذن الله حصري وخاصاً وأعتقد أنه غير مسبوق في سماء الشبكة العنكبوتية قاطبةً كما أعلم، ومن تلك القصائد نهديكم الأبيات التالية :


دنيّت أللي كنه طير=ما تغثك بالمسير
يوم يحداها الشوفير=تِخلِف من قلبه فطين
قم إركب ليه يا غلام=خذ كتابٍ به سلام
لعز الخايف والمنضام=إلكسّاب العلم الزين
ومنها :
هرجن خفى وباح السد=إلينه صديق مود
معرب الأصل والجد=خلفة جزل الدياوين
* * *
وبقصيدةٍ أخرى قال :
أنا دنّيت النظير = ما صوّر بالتصاوير
أسبق من رفيف الطير =أسرع من روج القطاه
ومنها :
الصبح مع فج النور=زوّع من كراج جفور
قبل ما يحل الفطور=إبيت الطيب ملفاه

* * *
ومن قصيدة أخرى نقتطف التالي :


جضّيت أنا جضّت المكسور=والعظم متنقظ اجباره
عيال البدو من عقب الخور=كلن ينقّش حجر داره
حلفة عن مسكنٍ بجفور=لو يزعل السوق والحاره
ومنها :
الله على زوعت المظهور=وكل حيٍ يدي على جاره
ومنها :
لا ما حلا زوعت الحنتور=أللي سريع بمشواره
مع السهل والطريق حدور=منوة غريبٍ لفى دياره
أسرع من طيرٍ سريع طيور=صنعت خبيرٍ من أفكاره
راديه مركب جاه الماتور=كل ديرةٍ توحي أخباره


ومن قصيدة أخرى للشاعر نختار التالي :


يا محلا نزلت الريضان = بعشب النواوير وازهاره
ويا محلا شقعة الدخّان=بلك ربعةٍ تشبه القاره
يا ما حلا صكت الديوان=ولك دلةٍ فايح ابهاره
الله على معارك الغلمان=بلك بندقٍ عارفٍ كاره
الله على زوعت الاضعان=كم خلفه جالت على حواره





وإن شاء المولى عز وجل سأقوم بوضع شريط الرّبابة بصوت الشاعر عيد بندان رحمه الله برحمته الواسعة وفيه أيضاً قصائد المراثي بالشيخ اورنس بن طراد الشعلان ..

وكونوا جميعاً بعز ومعزه وبرعاية الرحمن اليوم ودوم..

[فواز الشويكي]

والله يا ابو عزوز رجعت بالذاكره لايام مضت
وبصراحع يا سمعت للشاعر عيد بندان ايام الطفوله طبعا !!! لكن الجديد بالنسبة لي انه رويلي رحمة الله عليه

ننتظر المقطاع كانها موجوده ,,, اروج علينا

[متعب عبدالهادي الفققي]

جاوبت ذيبٍ يابن دوهان = يومٍ عوى بالمراقيـــبي
يوم عوى بتالي العربان=طبو فياضٍ عباعيــــبي
وجدي على شوفت المقطان= بالهيل ولا بسلاحيبي
يوم الدبش والغنم قطعان =وبالقيض نمشي تغاريبي
وكلٍ على صاحبه شفقان=وعن الغلط ينفض الجيبي
ابو عبد الله

[محمد عسكر]

تعبت وانا اقرأ يالربع ...............
صح لسانكم جميعاً وكل الشكر لصاحب الموضوع فواز العياط

[محمد بن دوهان]

صح لسانك يا أبو عبدالله حتى ترضى ، والله هو المستعان وحده على هذه الدنيا وما فيها ونسأله أن يغفر لأسلافنا ويرحمهم ويوسع مدخلهم ، والبركة بكم أطال الله بعمرك وبوجودكم ومن هم شرواك فأنتم أبناء ذلك الرعيل الكريم وأغلى ما بقي لنا في هذا الوجود، لا حرمنا الله منكم ولا من وجودكم وأطال الله لنا بأعماركم على الهدى والصلاح ..

وصلني مقطع صوتي يحتوي على الهجينية التالية ، وإن شاء الله سوف نقوم بتحميل المقطع الصوتي في مقبل الأيام، والآن أترككم مع أبيات الهجيني:



عويت أنا عويت الذيبي=أللي عوى وأرقب القاره
لا يا قليل العذاريبي=غديت بالعين نواره
عذبتي القلب تعذيبي=يا ما عجز حيل قهاره
نحفتني وانت تدريبي =نحف الخشب بيد نجاره
يا شبه وضحى المواهيبي=اللي ترزّم على حواره


وأخرى، وهي بالشيخ حاكم بن مهيد رحمه الله بواسع رحمته، حينما صوّت بالعشا في وقت المجاعة وقام بشراء جميع الأقمشة التي في الأسواق كي يشعلوا بها النيران، وقد أورد أديب قبائل ربيعة هذه الأبيات كذلك وهي للشيخ جهبل أبا زهرة يثني بها على الشيخ حاكم بن مهيد بعد أن تضمن طابونه الرقة في دهر جلغيف عام 1910م :

يا راكبٍ فوق مآمونه=سلّم على شيخ الاطرافي
ضمن حلاله بطابونه=يوم الحطب دّمه السآفي
الروح للموت مرهونه=والشمس ما عاد تنشافي
حرش العراقيب مرجونه=واصبح مراح الغنم صافي

وفي دهر جلغيف قال هذه الأبيات من الهجيني :


ما هبلك يا مزعلك جلغـيـف=جلغـيـف جلغـف مخاليـقي
أخـذ حـلال وبـنــات هـيــف=وأخـذ عـيــال هـدالـيــقــي

غفر الله لهم وأسكنهم في مقر رحمته وجمعنا بهم يوم الدين مع نبيّه المصطفى الأمين صلوات الله وسلامه عليه وعلى آله وصحبه وعنا معهم أجمعين..

[متعب عبدالهادي الفققي]

لاتحسب اني كل الايام ناسيك* ظروف التعاسه ياصديقي نحتني
مخلابنا يا الاجودي بالشرابيك * شبك الحمامه فوقها وشبكتني
صرت انا مملوكاً بعصر المماليك* خدمتها بخلاص وهي ماخدمتني
ابو عبد الله

[متعب عبدالهادي الفققي]

منذ اكثر من عشرين مضت قال المرحوم سعود الاظليم حفيد جوفان الاظليم راعي الفنجال المشهور
مامن خفا شيخنا دلي* عن التهايم معذينا
بتقليطت الزاد ماملي* وفنجال رايب لياجينا
نقعد على الفرش والزلي* وعلى الاشده مراكينا
يمناك كان الردي ذلي * متعب عن الظيم حامينا
لعيون الي قرنها هلي * ابو عبد الله يراعينا
المنحرف خله يولي * يشوش بذانه ويتلينا
------------------------
رد متعب الفققي
سعود الاظاليم مازلي* ابو عايد من عوانينا
ان ساعف الله وسهلي* كل من غداء يقتدي فينا
الكذب مهو طريقلي * ربي على الحق يهدينا
يوم القبايل بها ذلي * اول ماتورد ظوامينا
ولاني ورى كل مغتلي* مع الكدر يشرب الطينا

[متعب عبدالهادي الفققي]

سالم الهنداء من الدوام ومن كبار السن الي لهم اطلاع بمجريات الامور خلال السنوات الماضيه وكان فيه اجتماع من بعض اطراف القبيله يطالبون باابقاء الوضع كما هو تحت مبررات غير صحيحه
سالم استطاع اختراق هذا الاجتماع وعلم الهدف وخاف ان نقتنع بذلك-- وقال
الهجن هجن من الوادي * وقت الضحا صبح مسراهن
سلم على متعب الهادي * حنا التوابع عزيناهن
لياصار من دور الاجدادي* فعولكم محد يكناهن
ولا ضنتي الحر ينصادي * لياصار يدري بمعناهن
ونبيك ماتوافق الغادي * هروج الرديين تنساهن
---------------------
رد متعب الفققي على سالم
هجنن لفنا من الوادي* زاد الفرح يوم شفناهن
معهن دليله مهو غادي* سالم على الدرب يقداهن
لياصار من دور الاجدادي* حنى عن الظيم ملفاهن
نسطي على الجم منغادي * نغير والعج يغشاهن
اصيد يا القرم مانصادي * كل الملاوي عرفناهن
ولاني ورى كل حسادي* علوم الرديين ننساهن

[فواز الشويكي]

صح لسانك ابو عبدالله
متابعين بشغف

[متعب عبدالهادي الفققي]

لاتحسب اني كل الايام ناسيك= ظروف التعاسه ياصديقي نحتني
مخلابنا يا الاجودي بالشرابيك = شبك الحمامه فوقها وشبكتني
صرت انا مملوكاً بعصر المماليك= خدمتها بخلاص وهي ماخدمتني
ابو عبد الله


نسيت ان اسألكم من هي المعنيه في كلماتي

وين راعي الهقوه

[محمد بن دوهان]

يا هلا وألف هلا طال عمرك، الأوله صح لسانك وبنانك وهقوتي أنها هي الدنيا عساك سالم من شطونها ومن بلاويها ..

[متعب عبدالهادي الفققي]

انا اشهد انك طخيتها بعينها يبو عبد العزيز . رعاك الله وابقاك

[خليف الدوامي ابو زيدان]

صح لسانك يا ابا عبد الله قصائد لها تاريخ وحقائق 0

بارك الله فيك

[خليف الدوامي ابو زيدان]

Quote:
المشاركة الأصلية كتبت بواسطة محمد بن دوهان http://www.alsb3ah.net/vb/7-st/buttons/viewpost.gif (http://www.alsb3ah.net/vb/showthread.php?p=30202#post30202)



أسعد الله مسائكم وجميع أوقاتكم بالخير واليُمن والبركة ، بعد أن قرأت الأبيات التي وضعها لنا أبو عبدالله حفظه الله ، تذكرت مقتفطات من الشعر المغنى على الربابة وهي لشاعر البادية عيد بندان الرّماحي الفريجي الرويلي رحمة الله عليه وسوف أقوم بإذن الله تعالى بإنزال شريط الشاعر الذي وجدته بين أنقاض أشرطة قديمة لديّ في يوتيوب قبيلة السبعة ليكون بإذن الله حصري وخاصاً وأعتقد أنه غير مسبوق في سماء الشبكة العنكبوتية قاطبةً كما أعلم، ومن تلك القصائد نهديكم الأبيات التالية :


دنيّت أللي كنه طير=ما تغثك بالمسير
يوم يحداها الشوفير=تِخلِف من قلبه فطين
قم إركب ليه يا غلام=خذ كتابٍ به سلام
لعز الخايف والمنضام=إلكسّاب العلم الزين
ومنها :
هرجن خفى وباح السد=إلينه صديق مود
معرب الأصل والجد=خلفة جزل الدياوين
* * *
وبقصيدةٍ أخرى قال :
أنا دنّيت النظير = ما صوّر بالتصاوير
أسبق من رفيف الطير =أسرع من روج القطاه
ومنها :
الصبح مع فج النور=زوّع من كراج جفور
قبل ما يحل الفطور=إبيت الطيب ملفاه

* * *
ومن قصيدة أخرى نقتطف التالي :


جضّيت أنا جضّت المكسور=والعظم متنقظ اجباره
عيال البدو من عقب الخور=كلن ينقّش حجر داره
حلفة عن مسكنٍ بجفور=لو يزعل السوق والحاره
ومنها :
الله على زوعت المظهور=وكل حيٍ يدي على جاره
ومنها :
لا ما حلا زوعت الحنتور=أللي سريع بمشواره
مع السهل والطريق حدور=منوة غريبٍ لفى دياره
أسرع من طيرٍ سريع طيور=صنعت خبيرٍ من أفكاره
راديه مركب جاه الماتور=كل ديرةٍ توحي أخباره


ومن قصيدة أخرى للشاعر نختار التالي :


يا محلا نزلت الريضان = بعشب النواوير وازهاره
ويا محلا شقعة الدخّان=بلك ربعةٍ تشبه القاره
يا ما حلا صكت الديوان=ولك دلةٍ فايح ابهاره
الله على معارك الغلمان=بلك بندقٍ عارفٍ كاره
الله على زوعت الاضعان=كم خلفه جالت على حواره





وإن شاء المولى عز وجل سأقوم بوضع شريط الرّبابة بصوت الشاعر عيد بندان رحمه الله برحمته الواسعة وفيه أيضاً قصائد المراثي بالشيخ اورنس بن طراد الشعلان ..

وكونوا جميعاً بعز ومعزه وبرعاية الرحمن اليوم ودوم..



الله عليك يا ابا عبد العزيز كل مانبي ننسى ايام زما تركسنافيه وترجعنا ورى !! اعتدل وإلا نسيمك رجعي !! ياحلو هالرجعية 0
دام نبض قلم يالغالي أنت وابو عبد الله امتعتونا بورك فيكم

[محمد بن دوهان]

أسعد الله صباحك وجميع أوقاتك يا أبو زيدان، وشكراً لك على مرورك الكريم ككرم وسمو أخلاقك يا عزيزي ، يقول لك يا طويل العمر :


يا بنت أرعيك وأرعيني =وأري الولد كان تبغينه
تخيري بين دربيني =حديهن لازم تسوينه
أمّا تنصيه وإعزيني=وألا إطمحي لا تعودينه



وإلى هجينية أخرى بإذن الله كل ما ساعفتنا الذاكرة
وولم نفسك يا أبو زيدان
:):):)


ملاحظة: تعتبر هذه المقتطفات من شعر الهجيني حصرية وغير مسبوقة على بساط الشبكة العنكبوتية، فيرجى من جميع الإخوة الذين يريدون النقل ذكر المصدر .


وللجميع كل المحبة والتقدير.

[متعب عبدالهادي الفققي]

هلا هلابك يابن دوهان =نفرح لياجيب طرياكم
وانا على شوفكم شفقان=يا مرحبا والف حياكم
الله على سيلة الريضان =نفرح على كل جمعاكم
ابو عبدالله

[محمد بن دوهان]

Quote:
المشاركة الأصلية كتبت بواسطة متعب عبدالهادي الفققي http://www.alsb3ah.net/vb/7-st/buttons/viewpost.gif (http://www.alsb3ah.net/vb/showthread.php?p=31370#post31370)

هلا هلابك يابن دوهان =نفرح لياجيب طرياكم
وانا على شوفكم شفقان=يا مرحبا والف حياكم
الله على سيلة الريضان =نفرح على كل جمعاكم
ابو عبدالله


صح لسانك يا أبو عبدالله ومثل هذه الأيام لها رونقها الخاص الذي يبقى في القلب وفي الذاكرة ما حيينا، وإستلم طال عمرك:


ألـــفٍ هـــلا يـاعـريـب الـشــآن=وان سـاعــف الـــرب جيـنـاكـم
تـــشـــوش لـجـمــعــة الـــخــــلان=ونــــفــــرح بــــقـــــرب شــــرواكـــــم
الـطــيــب لـــكـــم ورث جــــــدان=مــــاهـــــو تـــــالـــــي عــرفــنـــاكـــم
قــريــبــكــم هــــنــــي ومــــصـــــان=وما يشكي الضيم من جاكم
والله كـــــــــريــــــــــم وحــــــــــنــــــــــان=مايـخـلـي الـوسـمـي يتمثـنـاكـم

[علي القماصي]

ياقوم ياهالصفحة ماودك تمرها الله لايبلي تنسي نفسك وتبحر وتفكر نفسك بلك مهمهيه ماحولك الوالي
الله يعطيكم العافية عزالله اشبعتو هالصفحة من كل جمييييل

[متعب عبدالهادي الفققي]

اهلا وسهلا بالاخ العزيز علي بن نبوا ابو فيصل شرفتنا بوجودك يا ابن الاكارم قبل تشريفك لهذه الصفحه المسليه .

ياعلي يبن الاجوادي= حياك وشرفت صفحتنا
ليت الليالي على مرادي=مع الي شرواك سهرتنا
عصر التمدن به بعادي= مهي على الكيف جمعتنا


-----------

[علي القماصي]

اهلا وسهلا بالاخ العزيز علي بن نبوا ابو فيصل شرفتنا بوجودك يا ابن الاكارم قبل تشريفك لهذه الصفحه المسليه .

ياعلي يبن الاجوادي= حياك وشرفت صفحتنا
ليت الليالي على مرادي=مع الي شرواك سهرتنا
عصر التمدن به بعادي= مهي على الكيف جمعتنا


-----------

الله يبارك فيك يابوعبدالله الله يزيدكم شرفاً جميعا

بك البقا والزمن عادي = وزينته جمعة جماعتنا
والجمع ينهاب يزادي = وتزداد قوة علاقتنا

[خليف الدوامي ابو زيدان]

التفرقه ضعف وسباتي= منها يا كبر خسارتنا
يا مهون كل الصعيباتي = طالبك تجمع جماعتنا

[محمد بن دوهان]

أبو عبدالله وأبو فيصل وأبو زيدان، صح لسانكم وبنانكم على هذه الأبيات الرائعة الكريمة التي لا يقولها إلا كرام بنو كرام ..

لكم التقدير وبكم الفخر والإعتزاز

ونسأل الله أن يوفقنا وإياكم في هذه الدنيا لما يحبه لعباده الصالحين وأن يديم علينا وإياكم ستره وعفوه ورضاه حتى نلقى وجهه الكريم وهو راضٍ عنا ومن عباده المقربين ..


إبنكم والفخور بكم

[محمد بن دوهان]

مجموعة هجينيات للشيخ النوري بن شعلان رحمه الله برحمته الواسعة

من وقـفت التـرف بالبـابـي=قـلـبي بـحـامـي لـهـايـبـهـا
أقـفيـت يـا زيـن الأعـذابـي=والعـيـن مـا النـوم صايبهـا
يـا مـا أحـلا نـطـت النـابـي=وتـوقـيـفـة فـي جـذايـبـهــا
تـرى السلف خيل وأركابي=وكـتـبـانـهـا مـع مـراكـبهـا
مـفـزاعـهـم فـك الأرقـابـي=عـلى الـعـدو ضـاع مِـدّبـهـا
كـم مـن سبيـق ومـرعابـي=تـأتـي ولا شـيـف راكـبـهــا

* * *
يـا ونـتـي بـالـحشـى ونـــه=في ديـرة التـرك يا طـرادي
عـيـني مـن الـنـوم منجـنـه=مـا تقبـل النـوم يا اجـوادي
وهـمـوم قـلـبـي إلـى جـنـه=فـي ظلـمـة والسفـر غـادي
قـلـبـي كـمـا بـايـد الـشـنــه=تـنـثـرت عـقـب الأصمـادي
دنــوا لــنــا حــرةٍ كــنـــــه=مــنــوة غــريــب ومــدادي
عــمــلــيــةٍ قــايــم فـــنـــه=ومـن البحـر تمسي الوادي
يـا ربـعـنـا مـا بـهـا ظـنـــه=الــلــه كـــريـــم وعـــوادي ‏

* * *

وقال النوري هذه الأبيات من الهجيني عندما كان بسجن الأتراك يخاطب ‏ابنه الشيخ نواف وأبن عمه الشيخ ممدوح بن سطام : ‏

الـبـارح الـعـيـن مـنـشـلـــــه=كـن الـرمـد لايـفـه لـوفــي
والـقـلـب يـشكي مـن العـلـه=كنـي عـلى القبـر مزفـوفي
بـس الـسـنـاقـي لـهـا سـلـه=عقب السطر صابني خوفي
مـالـي مـعـلـل حـذا الـدلــــه=والحبس مظـلم ولا أشوفي
يـا طـيـر يـا مـرقـب الـتــلـه=سـلـم عـلى حاكـم الجـوفـي
مـمـدوح لـي عـقـدة حـلــه=حيثك على الغوش بك نوفي

* * *
وقال الشيخ النوري هذه الهجينية يتوجد :‏


لـي فاطـرٍ يـوم أقـول إبـهـا=تـقـطـع رهــاريــه داريــــه
مـن نسـل شعـلان نـاجبهـا=وعـليهـا وسـم الـعـواجـيـه
تـزهـا الـميـارك مـنـاكـبهـا=حــمـرا هـمـيـمـه شـراريـه
ما أهبلك يا الـلي تعـذربهـا=مـا شـفـت مـرواحـهـا بـيـه
أدور خــلــي ومــذهــبـهــا=مـن شـان عـيـن الـنـداويـه
يـا مـا احـلا يـوم الاعـبهـا=والصـدر بـه بـيـض كـدريـه ‏

المجموعة الكاملة لقطوف الأزهار
للأديب عبدالله بن عبار

وكذلك الهجينية التالية بعدما قتل الله سامي باشا والي الشام على يد جمال باشا السفاح، وفك الله أسر الشيخ النوري بن شعلان صبيحة تنفيذ الإعدام المفترض ورجع إلى قبيلته سالماً معافاً، وقال بذلك :


الحمد للي قتل سامي=الرب ما احسن تدابيره
امسيت والموت قدامي=واصبحت في نازح الديرة
اصدر على القوم باعدامي=وذبح وصارت لنا خيرة



وإلى مقتطفات جديدة من تراث الهجيني الأصيل وإلى ذلك الحين نستودعكم الله الذي لا تضيع ودائعة ..

[محمد بن دوهان]

أسعد الله مساكم بالخير والهنا والمسرّات ، هذه هجينية نضيفها أيضاً لهذا الموضوع المتميز على جميع المستويات ولا أعتقد أنه يوجد له مثيل في جميع المنتديات، أما كلمات الهجينية فهي كالتالي :




أصبحت وأمسيت بهمومي=الله يحل العسيراتي
يامحلا شدة الكومي = وصلت ديارٍ بعيداتي

[محمد بن دوهان]

والليلة نورد لكم هالهجينية وأعتقد أنها لأحد أبناء فخذ الدّوام ولا يحضرني إسمه وهو يسندها على إبن عمٍ له وهم في ديار الغربة وسارحين عند إحدى القبائل التي تبعد عن منازل أهلهم وقبيلتهم، حيث أنهم بعد هالجينية عادوا بليلتهم تلك ولم يلتفتوا خلفهم وكما يقول البدو " رموا عصيّهم " ورجعوا إلى منازل أهلهم وحيّهم بعد أن أضناهم بُعد وفراق أهلهم وحدَاهم الشوق إلى رؤية منازلهم ومضاربهم ومفالي إبل أهلهم وعشيرتهم حيث اللقمة الكريمة والبآل الهانئ والقلب الخالي من هموم ووحشة الغربة وحصن القبيلة المنيع والملاذ الآمن من غوائل الدّهر، أما الهجينية فيقول بها :



ليا شفت سروالها طالع=وعيونها بين فجّيني
وجدي على حبّة الدّالع=والبِعد ما هو مقزيني


وإلى لقاء جديد ومع هجينية جديدة بإذنه تعالى ..