في تلعه والسيل تسمع هديره ........؟//

[ابويزيد القماصي]

http://www.upmoon.com/shoky/shoky.jpg

http://www.upmoon.com/shoky/shoky%20(1).jpg

http://www.upmoon.com/shoky/shoky%20(7).jpg

http://www.upmoon.com/shoky/shoky%20(9).jpg

يا النور ي الغالي بشكيلك الحال
00000000000000وبنـتخيـبك ياوسيع البصــيره
يامحلا البراد ياكنت رحـــال
00000000000000في تلعه والسيل تسمع هديره
بها الاخزام الي من الجال للجال
00000000000000وقليقلان وشيح وربله كثيـــره
والذ ود يرعى والقطا اجوال واجوال
00000000000000وشوف الحباري والخباري كثيره
وبيت مروبوع للرجاجيل مدهال
00000000000000ودلال على جمر الغضاء مستديره
وجيب جديد لثقيلات حمـــــال
00000000000000ابو شنب ياخوك محلا صفيره
وخوت رجال مابهم عرق الانذال
00000000000000اهل المصالح والعلوم الشريره
دنيا بها للعفن حشمه ومنزال
000000000000000تنعاف دام الذيب يدراء حميره
وناس تكشخ مامعه باقي ريال
000000000000000ولا تلبس من الخام الا حريره
دنياه دين بدين ياطيب الفال
000000000000000ويروح يومه ماتعداء سريره
وصلاة ربي عد ماهل همال
000000000000000على نبي سيرته خير سيره

[سليمان الخرس]

صح الله لسانك وأعتلى شانك

بيض الله وجهك وماقصرت يالغلا

بس ترى الصور ماهي طالعه^_*

[محمد بن دوهان]

اللهم صلي وسلم وبارك على سيدنا محمد وعلى آله وصبحه أجمعين ..

صح لسانك يا أبو يزيد على هالقصيده وعلى هالكلمات المنتقاه اللي تشرح البآل والخاطر ..

عز الله يبي لنا خوة نشاما مثلك وشرواك ونسج يم هالفياض العذيه ..

[الشرق]

اختيار موفق وأبيات تصف بعض الأحوال والأوضاع كأن الصورة متشابهة بين الأمس واليوم في هموم من يشتاق إلى حياة البادية والبر و الصحاري.

[ابويزيد القماصي]

أخي ابومتعب الصور تم انتقاءها من مكان والأبيات من مكان اخر

لا أدري كيف سأجدها ؟؟

[ابويزيد القماصي]

http://www.up-king.com/almaciat/mfsglldpnj4c2m25kiqe.jpg (http://www.up-king.com/)




http://www.up-king.com/almaciat/yxlruz9pd2agcxez6ak1.jpg (http://www.up-king.com/)


http://www.up-king.com/almaciat/b9gsaxojmocx29siey08.jpg (http://www.up-king.com/)


الابريق يغني طرباً في هذه الاجواء ...
http://www.up-king.com/almaciat/ag0nc81kr3t99mwmzaqs.jpg (http://www.up-king.com/)

[محمد بن دوهان]

بالنسبة لي يا أبو يزيد كلهم مبينات ..

والثانية تغث أكثر ..

من هو إخو إخته اللي يقول كشتنا ..

بالنسبة لرفيقك الظاهر والله العالم إنه يبي له يفصل نظارات
:):):)

[ابويزيد القماصي]

حياك يا ابن دوهان اتمنى وضوح الصور للجميع ,,

الكشته انتم بس أعزموا وانا لكم كفيل بكل شي ..

:):)

[فهدالخرس]

الله يعطيك العفي يابو يزيد ..

بيات رائعه وصور اكثر من رائعه ..

بارك الله فيك ..

تقبل مروري ..

اخوووك ..

ابو عبير ..

[محمد بن دوهان]

هلا والله أبو يزيد والله يسعد لي هالصباح إن شاء الله ..

والله من طيبك وطيب فآلك يا أبو يزيد ..

بالنسبة لي أنا بعد جاهز بالعده والعتاد ..

بس خل الربع يصملون وأنا عين عيونك وأنا بنآخيك ..

هي حلاتها هالأيام وبكره يجينا الصيف ولواهيبه ..



وتفضل هالأبيات على هالصبح العبق مثل صباحك الجميل :



ان كان تبغوني على طول ماضيق =وانسى هموم باالضماير تروعي
خلوني اشم الهواء بالصعافيق = واسج رجلي مع نبات الفروعي
ياماحلا نف الهواء للزماليق = بارض ٍ خلا مابه من الناس دوعي
قفر ٍ نباته ما وطيبه ولا ذيق =الا الطيور مغردات ٍ اسجوعي
هذاك كيفي واسمعوا يا مخاليق =شوف الفياض المخضره هو متوعي
بارض ٍ بها تلقى الزبيدي مفاتيق =بالقاع تأثيره سوات الصدوعي
لا صرت طلق الراس ضمن المطاليق =شم النسيم الطلق للروح يوعي
مع جملة عيال نشاما مشافيق =للمرجله و الطيب دايم تنوعي
الكل منهم ذرب مافيه تبريق =ماهو من الفرجه ملول وجزوعي
هذي مناتي و السعد و التوافيق =بايدين من خلقه على كل نوعي
لا شك أسلي خاطري بالطواريق =وحب الطبيعه من ركايز طبوعي
انا بدوي والله ما ارتاح وافيق =الا على ذكر الحيا و الرجوعي
اليا بدا وقت الحيا زدت تشويق =خطر ٍ من الفرحه تذارف دموعي
من لامني ما يعرف العلم ويطيق =قليل ميز ولا يعرف السنوعي
ماله نصيب بشوف ذيك المغاديق =خضر الفياض اللي سوات الزروعي
وغدران تسمع له صليل ٍ وتصفيق =وسط الملازيم يطربن السموعي
هذا الخبر والعلم صادر بتصديق =شهادته من روس كل الجموعي
يا الله يا فتاح بوب مغاليق =يا عالم في غيب صم الضلوعي
تسقي وطنا من مزون مساويق =لمّا غزير الماء قلب كل قوعي
وختامها صلوا صلاة بتوثيق =على النبي صلوا صلاة الخشوعي


يا الله يا فتاح بوب مغاليق =يا عالم في غيب صم الضلوعي
تسقي وطنا من مزون مساويق =لمّا غزير الماء قلب كل قوعي

اللهم آمين يارب العالمين ، يا أرحم الراحمين ..


للشاعر / خلف بن غالب بن مريخان الحربي

عشت وسلمت ولا ندمت يا راع العرفا .

[خليف الدوامي ابو زيدان]

صح لسانك أخي أبو يزيد - قصيدة غاية في الروعة طاب فالك يالغالي

[خليف الدوامي ابو زيدان]

أبو عبد العزيز أشوفك تلمح للكشته والله أنها أبرك الساعات لو أنني بديت بالعمار والله يعينني على دوخة العمال وكذبهم 0

مشتاق لك ولجميع الأخوان الغالين

[محمد بن دوهان]

يا هلا أبو زيدان ، الله يسعد هالقبال يابنآخي ، والله أنا اللي مشتاق لكم جميع يعلم الله ، وعسى الله يوفقك بالبناء ويرزقك على قدر نيتك الطيبه والكريمه يا طيب الفآل ..

الشاعر وش قال يا أبو زيدان :
قال :

يالله عسى عفـوك ولطفـك نحوشـه=ويالله بحسن الخاتمه عنـد الاقـراش
ودنياك لـو تعطيـك حلـو المعوشـه=تالي سوالفهـا تعـود علـى مـاش
يا ما خذينـا باول العمـر شوشـه=وياما مشينا مـع مظاهيـر وادبـاش
فـي خايـعٍ وبـل الثريـا رشوشـه=نجنا الزبيدي في صحاصيح ودشـاش
وياما جلسنـا مـع مـرودع نقوشـه=في سهلـةٍ مـا حدرنـا زل وفـراش
في وسط روض مخضـرات خفوشـه=نبته جديـد ومبعديـن عـن الطـاش

مرودع نقوشه ما عاد فيه ولا عاد نبيه ، نبي هالفياض وربيع العين ذكر اللي يقول ..

الله يعين على هالدنيا بس يا أبو زيدان ..

وعسى الله يكفينا وإياكم شرها ويسترنا فوق الأرض وتحت الأرض ويوم العرض .

[ابويزيد القماصي]

اسعدني تواجدك الغالي ابو عبير

[خليف الدوامي ابو زيدان]

أبو عبد العزيز والله أن البيت وقواعده فداك 000 أبك مشتاق لشوفتك تقل ماشبعت منها بروحتنا هذيك 0

[محمد بن دوهان]

يفداك اللآش وإبن اللآش يا أبو زيدان ..

الإسبوع الجاي بالنسبة لي أنا عندي إجازه وراح أكون متفرغ وبأمركم بكل ما تآمرون به ، بس شوفتكم والجلسه معكم تساوي الدنيا وما فيها يعلم الله ..

لا خلا ولا عدم وعلى العز والمعزه يا أهل العرفا.

[ابويزيد القماصي]

شكرا اللأخ ابوزيدان والأخ ابن دوهان على هذه المشاركــه