اصلاُ خلق هالشعر لحظة معاااااناة

[احمد دلي الهزاع]

اصلاً خلق ها الشعر لحظة معانـاه=وانها شـرود الفكرواثبـت مطبـه
تفا علاً . بيـن الخفـوق وحنايـاه=حالةتوطـن فكـر بعمـاق غـبـه
مثل الحمـم غيـض تناثرشظايـاه=الحـس للـي بالحنايـا لهـب بـه
شفت الهوى و ابسط بسيط بهدايـاه=وشفت الغلا يامـن جهلـت المحبـه
جيته من اقصى الموت لادنا دنايـاه=كل ماذكرته خافقـي يرتعـب بـه
بين ملامح من سلم مـن ضحايـاه=وفارق شعور اللي غرب واغترب به
شف هالقصايد هـي شواهدعطايـاه=وكم بالورق يا كثر حس كتـب بـه
ياكثربعيونـي خطـاه وخطـايـاه=وياكثرمن يحسب عليه وحسب بـه
يقفاه مـوت الحلـم اوحلـم يقفـاه=امـا خـذاه البعـد والا قـرب بـه
يـا مفتعـل اجمـل شعـور تهيـاه=شور الحكيـم لجاهـل الشـي كبـه
يا صار مالك من جزايـل رهايـاه=لا تستبيح احساس حيٍ طـرب بـه
وإلا انت ما تقدر على شي ترضـاه=خذيت شي يوم غيـرك تعـب بـه
اصل التميز غيـر وجـه المباهـاه=حلم ضمي يضماه مهما شـرب بـه
كل ِتوضـح لـه طريقـه. نوايـاه=والرابح اللي خايـف عقـاب ربـه
وانـا ثلاثيـنـي ثلاثينـهـا تــاه=بين اعشقه بين اكرهه بيـن احبـه
راعيته اكبر من حـدود المراعـاه=خايف اثور بلا عقل وارتكـب بـه
الصبر جيته مـن بدايتـه لأقصـاه=غيـب كثيـر وكـم حكيـم غربـه
و الشعر مخلـوق ٍ وليـد المعانـاه= الخفـوق اللـي تعـذره طبـه

[متعب عبدالهادي الفققي]

صح لسانك ابو محمد احمد بن دلي الفققي
لاتحرمنا من تواجدك دائما ,

حياك نورت الشبكه

[محمد بن دوهان]

وانـا ثلاثيـنـي ثلاثينـهـا تــاه=بين اعشقه بين اكرهه بيـن احبـه


صح لسانك أخي أحمد على هالأبيات الجزلة وأعلا الله شآنك ..

وبإنتظار إبداع قريحتك الجميلة ..

وكن برعاية الله عز وجل وحفظه .

[فواز الشويكي]

صح لسانك ,,
وكلمات جميلة وطيبة من طيب

[ابو شامه]

صح لسانك قصيده جميله وجزله

[خليف الدوامي ابو زيدان]

صح لسانك اخي احمد الفققي

[ابويزيد القماصي]

صح لسانك اخي احمد على هذه الروعه الجماليه في رسم هذه الابيات ..

[احمد دلي الهزاع]

ابا عبد الله

شرف وانت من المرحبين واول الردود

لك كل الولا
سيدي

[غنيم الغنيمات]

صح لسانك وعتلا شانك وجمعت بين الاثنتين امير وشاعر تبارك الرحمن