يالمنامة عدوانك تنتظرها النعوش

[مقبل الرماحي]

يالمنامة عدوانك تنتظرها النعـــــوش =دام بعيال وايـــــل من يلب الندا
انتخي بالعنوز اهل الفخر والعـــروش =كاسبين المعارك لو يطول المدا
كل وايل لك أمن، وكل وايل جيــــــوش =ماتهم الحياه وكلنا لك فــــــــــدا
موقعك بالمنامة عندنا بالرمـــــــــوش=ولايهمك غشيمآ عن طريقه غدا
كل تغلب وبكرٍ عند سورك تهــــــوش=كان صارت معارك والملاقا بــــدا
ان بلتنا المصايب وانتخينا نشوش= اتوكل على الله ثم نبدا الحدا
ثم تبدا دحتنا مع دحيح القفوش= ومن يقابل ضنا عناز حضه ردا
ماله الا الهزيمه غيرها مايحوش= لن واحدهم ايعادل له ثمان اعقدا
اسمنا بالمنازل للمعادي يدوش= للمنامه سيوف وللمليك اعضدا
وكان مرشدهم اعيونه للمنامة تطوش =العنا له وحنا في عناه اسعــــدا مقبل الرماحي

[محمد بن دوهان]

الأخ العزيز أبو سعد السلام عليكم ورحمة الله وبركاته ..

وبارك الله فيك على ما قلت في هذه الأبيات الجميلة والواصفة لمدى القرب والتلاحم بين شعبي المملكة العربية السعودية ومملكة البحرين الكريمة

ومما لا شك فيه اللحمة العربية تتجسد في دول الخليج العربي كله ..

وتتجسد هذه اللحمة بين المملكة العربية السعودية ودولة الكويت ومملكة البحرين لوجود العلاقات القبلية والعائلية التي تربط هذه الدول بعضها ببعض .

وما قبيلة عنزة على إتساع وإمتداد رقعتها الجغرافية سوى جنود مجندين لهذه الدول الكريمة والتي يهمنا أمنها بالدرجة الأولى وثبات وحدتها الوطنية متمثلةً بالعوائل الكريمة الحاكمة.

ضد أي عدوان يتربص بها أو أي مؤامرة تحاك ضد هذه الدول ..

وقد ذكرتني أخي العزيز أبو سعد بملحمة أديب قبائل ربيعة الشاعر عبدالله بن عبار حفظه الله حين وصف أمجاد القبيلة بقوله :



ابدي بإسمك يالخلاق=واطلب يسرك والاوفاق
يامن لعبادك رزاق=يا رفاع السموات
يامن بيديك الاسباب=يالله تكفينا العذاب
وتهلمنا رشد الصواب=نستغفرك عن الزلات
ومن بعد ذكر المعبود=بديت بقيل ٍ ماكود
عن الحاضر والموجود=وعن ذكر المجد اللي فآت
أللي عن وايل نشاد=اشرح له ماضي الامجاد
ينظر تاريخ الأجداد=بالقرآن وبالتورات
بالزبور وبالإنجيل=تلقى ابراهيم الخليل
وايل من نسل اسماعيل=من سام ونوح سلالات
في تاريخ بن حيان=والأعشى وبن خلكان
من معد خلفة عدنان=حقيقه ماهي روايات
من نزار بلا تشكيك=عنه المسعودي يدريك
والإصفهاني ينبيك=عن ربيعه معلومات

إلى قوله :=
ضنا وايل مشهورين=ماضي الزمان وهلحين
بهم ملوك وسلاطين=وفيهم حكام وسادات
يشهد لماضي عناز=وقعة ذي قار وخزاز
وايل من قديم اعزاز=مفاخرهم قديمات
منا باني المجد كليب=بطش بالتبع شبيب
وحكمها سقم الحريب=بحد الشلف المسنونات

ومنها : =

والمجد الحاضر مشهود=مجد بالعِليا مشيود
فخر الويلان آل سعود=شادوا بالعِليا رآيات
حكام سلالة حكام=حامين البيت الحرام
حرروه بحد حسام=فريس بدور الغزوات
خضمهم جدواه الوجد=هل العوجا ساس المجد
سادوها صوارم نجد=وصارت انعام وخيرات
من مولاهم جاهم عون=مبداهم من رب الكون
ما مشوا بحكم القانون=يمشون بهدي الآيات


إلى أن جاء على ذكر العائلة الحاكمة الكريمة آل خليفة وأسرة آل صباح الكرام بقوله :

ومنا حكام البحرين=والصباح المعروفين
من وايل ما هم خافين=من عتبه نسل جميلات
والا اخو مريم صباح=من وايل طير الفلاح
تاريخ ٍ بيّن بإيضاح=من صلب بجيد عبيات
والا حكام الرفاع=خليفة وافين الباع
من خلفة حسن رباع=واقرب مالهم عويضات


جعلتني أسترسل بأبياتك الرائعة أخي أبو سعد ، فصح لسانك مدد بلا عدد وغير مستغربة هذه الحمية العربية والغائرية الوائلية على من هم بقامتك يا راع العرفا .

فأدامك الله برعايته وحفظه أخي العزيز .

[ابو شامه]

صح لسانك قصيده رائعه ونعم بعيال وايل :_