حنا هل العوجا

[مقبل الرماحي]

حنا هل العوجا اعناد العنيدين=متعودين المرجله من اصبانا
حنا الرماح اللي على العز رابين=من عصر ابونا ارماح ذا مبتدانا
عادتنا دوس الخطر والميادين=وعادتنا كسرت خشم من بغانا
حنا الى قمنا تقوم البراكين=الى انتخو عوجان محدٍ قوانا
حنا هل الركضه قروم وذربين=فرحت صديقآ باللوازم نخانا
نركز نياشينا ونرمي نياشين=وعن الخطاب والعيب ربي حمانا
انشيم اللي للشيم مستحقين=وناطا على الخشم العدو في حذانا
واللي جهل يسئل ويلقا البراهين=يلقا العلوم الطيبه هي هوانا
نمشي على سلم الجدود القديمين=ونتعب على علوم المراجل اخطانا

شعر مقبل الرماحي

[سليمان الخرس]

ونعم والله بهل العوجا

وصح الله لسانك ويستاهلون الرماح هالجزله

[ابو شامه]

صح لسانك قصيده جميله

[محمد بن دوهان]

واللي جهل يسئل ويلقا البراهين=يلقا العلوم الطيبه هي هوانا
نمشي على سلم الجدود القديمين=ونتعب على علوم المراجل اخطانا

بيض الله وجهك حيشا عيونك على هالأبيات الجزلة يا أبو سعد ..

ووفقنا وإياكم لكل ما فيه خيرنا وصلاح أمر ديننا ودنيانا ..

وكن من أخيك بصادق الدعاء بأن يحفظك الله ويديمنا وإياكم بستره وعفوه ورضاه فوق الأرض وتحت الأرض ويوم العرض إنه سميعٌ مجيب الدعاء.