انا من الويلان فخذي ارماحي

[مقبل الرماحي]

مشيت من الندوه ضحا يوم الاثنين=ابغا شمال العاصمه والضواحي
وعند الاشاره شفت بالجمس ثنتين=ارداهن اللي مثل ضبي البياحي
اللي من يمي خاطبتني على وين=الظاهر انك ياولد منت صا حي
تمشي ورانا ليه ضايع لكم شين=ابعد قبل يجيك خالي صلاحي
قلت اسمعي يابنت سفر الحجاجين=تفكيري عندك في مساي وصباحي
لاتزودين الجرح بالقلب تكفين=مبغا كثير الهرج هو والصياحي
قالت وش اصلك ياخوي المجانين=من عيلت اليعقوب والا الرباحي
قلت اسمعي يابنت شيخ الملايين=انا من الويلان فخدي ارماحي
من الرجال اللي على الطيب ساطين=امصبحي اخصامهم بالمراحي
قالت يارماحي لاتخلط العناوين=اقفا الزمان اللي ذكرته وراحي
الناس تدرس خبرت الهند والصين=بعلم الفلك والطب والانفتاحي
وانتم على فعل الجدود القديمين=وكلن يقول ابوي ذيب المضاحي
قلت اسمعي يابنت حذرا تغلطين=بالعلم حنا لابسين الوشاحي
اردانا ماجستير بعرف القوانين=ودون الجزيزه شايلين السلاحي
ولولا نا منتي بالديار الى هالحين=مطروتا من عصر جدك سماحي
قالت وشرايك شعب واحد على الدين=ونترك اعلومن ماوراها نجاحي
وانتم بني وايل وناس معروفين=عدوكم من فعلكم مستراحي
هزمتم جيش الفرس يوم الميادين=تاريخكم بالعز عنبر وفاحي
قلت العقل وانا انشهد ان العقل زين=وانتي فهيمه في جميع النواحي

شعر مقبل الرماحي

[سليمان الخرس]

عزالله انك جزل يامقبل
بيض الله وجهك وصح الله لسانك

[ابو شامه]

صح لسانك وبيض الله جهك قصيدة رائعه وكلمات عذبه

[محمد بن دوهان]

الشاعر مقبل

قصيدة معبرة بكل ماتعني الكلمة من معنى ..

ففيها المدح والفخر والتواضع ، فصح لسانك وبنانك على هالقصيدة والتي تميل إلى أن تكون غزلية ..


ومع والله أنني مبتعد عن قصائد الغزل وما يؤدي له إلا أنني عدت لقراءة هذا القصيدة عدة مرات .. لربما لأن بها ذكر الرّماح عسى الله يحفظهم ..


عشت وسلمت ولا ندمت يا أبو سعد ورفع الله شآنك وقدرك ..


وفقنا الله وإياك يا عزيزي في هذه الدار الفانية لكل ما فيه الخير والتوفيق

وكفانا شر بنات حواء .

:):):)

[مقبل الرماحي]

ابو شامه الخرس ابن دوهان بيض الله وجيهكم جميعآ

[متعب عبدالهادي الفققي]

النعم ماتكفي بك وبقبيلة الرماح والذين هم اول مقدمة جمع دلاق
والف شكر لك اخي مقبل الرماحي...... نحن فرحين بوجودك.