المساعد الشخصي الرقمي

مشاهدة النسخة كاملة : من شاف ليه راعي العرفاء بعد طول الغياب

محمد الطرقي
03-04-2010, 02:36 PM
من شاف ليه راعي العرفاء بعد طول الغياب = ابطيت عنه وملعبتنا طافيات انوارها

وين أنت ياللي لاسئلته جابلي صدق الجواب=اقلط تقهواء من الدلا ل اللي يفوح بهارها


عرفاء قماصي وينك
محمد بن دوهان
03-04-2010, 04:56 PM
حييت والله يحييك يا راع العرفا ...

وصح لسانك وبنآنك يا شاعر أهل العرفا

وننتظر مجيء الأخ أبو تركي بمشيئة الله ..

فكن من أخيك بصدق المحبة والدعاء لله عز وجل أن يديمك برعايته وحفظه أنت ومن يعز عليك .
محمد الطرقي
03-04-2010, 06:13 PM
الله يبقيك ويبارك فيك يابو عبد العزيز وصح الله بدنك
والمعذرة عن التقصير والله اني مقصر بحق الجميع
لي زما لم استطيع الدخول بكل المواقع لضروف لا تسمح
لي وحتى هذا الوقت الا تصال مايساعد والا اعرف بي وقت ينقطع
عني الان لو قطع الخط او طفاء الجهاز ماستطيع الرجوع بسرعه ا
والله يعين على شبكاتنا وشركاتنا النصابه اللي مالها منافس

كل الشكر على الترحيب والمتابعه ودورو لي على ابو تركي

وحياكم الله على الطاروق الجديد
متعب عبدالهادي الفققي
03-04-2010, 08:03 PM
هلا ابو يوسف . بارك لي تخرجت من الدوره . بشهادة . دبلوم
لجميع انواع الطبخ في الطلعات البريه .
محمد الطرقي
03-04-2010, 08:35 PM
وبك المهلا يابو عبدالله

ومبروك الف مبروك التخرج بس مانعتمد شهادتك الا تصادق عليها أم عبدالله

ونشوف طبخاتك القادمه بالطلعات البريه وبعدين ابي اعلمك طبخه جديدة

اسمها محشي الكرش المدفون اذا صلحتها رايح تخرج بدرجة امتياز

كل الشكر يابو عبدالله على حضورك الطيب وخلك قريب بارك الله فيك
سليمان الخرس
03-05-2010, 09:32 AM
يالله حي ابو يوسف

ياهلا بشاعرنا

والله ونور المكان يابو يوسف
محمد الطرقي
03-05-2010, 11:30 AM
الله يبارك فيك ويسلم غاليك والنور في وجودكم يالغالي

والله ان لكم وحشه والحق على شبكاتنا وشركاتنا

الحراميه
سليمان الخرس
03-05-2010, 11:32 AM
هههههههههههههههههه

الاس تي سي

نفسي اللاقي واحد مايشكي منهم

طيب شرايكم نقلب كلنا على زين؟

وخلهم يولون
ابويزيد القماصي
03-05-2010, 01:49 PM
صح لسانك ابو يوسف ونحن بنتظار ابو تركي لنستمتع بمزيد الشعر ..
محمد الطرقي
03-05-2010, 01:59 PM
صح الله بدنك يابو يزيد والله يجيب ابو تركي بخير

كل الشكر على مرورك العطر
الشرق
03-05-2010, 05:46 PM
صح لسانك أبو يوسف ويامرحبا بك لاتحرمنا من ابداعاتك الشعرية
محمد الطرقي
03-05-2010, 07:14 PM
صح الله بدنك اخوي الشرق بارك الله فيك وفي حضورك العطر وابشر بسعدك بس هاتو لي شاعر وصف يشيل الشيله

احترامي وتقديري
عرفاء قماصي
03-06-2010, 01:40 AM
صح لسانك شاعرنا القدير ابو يوسف والحمد الله على السلامه والله انا ننشد عنك



حياك ربي شاعر العرفاء وحيا هالأياب = يالشاعر الي كالعلم تقدح براسه نارها
جهز صفوف الملعبه والشعر في ذا اليل طاب = ابي اسعلك وانت اسعلن نبي نشوف اخبارها
محمد الطرقي
03-06-2010, 02:02 AM
صح الله السانك واستلم طال عمرك=
فيك البقى ياللي ترحب عد ماهل السحاب= يامرحبابك والتحيه زاد لك مقدارها
العب ونفتح للمعاني بيننا تسعين باب= اسئل وانا اجاوبك والقصه نزيح استارها
محمد بن دوهان
03-06-2010, 03:09 AM
الله يسعد أيامكم وكل أوقاتكم يا أعز خلق الله ..

صح لسانكم وجنانكم ، وأعلا الله شآنكم ..

مستمتعين وبكم معتزين يا أهل العرفا .
محمد الطرقي
03-06-2010, 03:12 AM
صح الله بدنك يابو عزوز وبارك الله فيك ورفع الله مقدارك وشاكرين تواجدك هنا
محمد الطرقي
03-07-2010, 08:21 PM
يالربع وش السالفه خوينا اختفى عسى المانع خير

عسى مافيه شي

مارد خبر

ترجع بالسلامه
محمد بن دوهان
03-07-2010, 10:47 PM
نسأل الله أن يكون بصحة وعافية ..

وأن يديمنا وإياكم أجمعين أخي أبو يوسف برعايته وحفظه ..
عرفاء قماصي
03-08-2010, 11:53 AM
صح لسانك يابو يوسف والمعذره على التاخير حيث ان الاتصال مقطوع من البيت والعمل اتصاله ملاتح


ياصاحبي بلشت لي في ناس مغضورة شباب = ناس على الغافل تدربي من كبير حجارها
كم مقفياً حطو بغيبة حضرته تسعين ناب = الي على المقفي تناخى ثم تشد مهارهااا
عرفاء قماصي
03-08-2010, 12:00 PM
الغالي ابو عزوز صح بدنك وشاكر لك المرور والمتابعه المشرفه
محمد بن دوهان
03-08-2010, 01:26 PM
الحمد لله على السلامة يا أبو تركي

والله يوفقك ويديمك بحفظه يابناخي ورعايته

وصح لسانك وبنانك مدد بلا عدد

وبإنتظار شاعرنا العزيز أبو يوسف .
محمد الطرقي
03-09-2010, 01:30 AM
حلو العسل ياصاحبي ماخربه كثر الذباب = والحنضله تبقى كماهي ماتزيل امرارها
وأهل الحكي واثرثرة اقلوبهم دايم خراب = لا تلتفت لعلومهم ماينعرف مصدارها
محمد بن دوهان
03-10-2010, 11:52 PM
صح لسانك وأعتلا شآنك يا أبو يوسف ، لا فض فوك ..

وننتظر إبداع أبو تركي وفقكم الله جميعاً ..
سعد العماوي
03-12-2010, 11:19 PM
صحت السنتكم

والله يعطيكم العافيه
محمد الطرقي
03-13-2010, 02:53 PM
صح الله بدنك يابو عبد العزيز شاكر مرورك العطر
محمد الطرقي
03-13-2010, 02:54 PM
سعد الرسلاني صح الله بدنك والله يعافيك يالغالي
عرفاء قماصي
03-13-2010, 03:01 PM
صح لسانك يابو يوسف واستلم لاهنت والمعذره على التوخير


ناسً تناتف لحمها تقول تاكل من كباب = الله لا يبلى كنها مصيبوتً بسعارهاا
النصح واجب جاك بالسنه وجالك بالكتاب = ومن اضعف الايمان ننصح لو بنضم اشعارهاا
محمد الطرقي
03-13-2010, 09:05 PM
المعتدل ياصاحبي يمشي على درب الصواب = واللي مشو درب الخطاء لا يامنون اضرارها

الناس ماتقبل كلام النصح وتحسبه عتاب = هذا حسب تأويلها للمسئله بقرارها
خليف الدوامي ابو زيدان
03-14-2010, 01:15 AM
محمدالطرقي
عرفا قماصي


ما شاء الله عليكما شعار من الوزن الثقيل ، الله لا يحرمنا منكما وفقكم الله ومشتاق لكما جداً 0

تحياتي يالغالين
محمد الطرقي
03-14-2010, 02:50 AM
ابو زيدان كل الشكر على مرورك العطر

احترامي سيدي
محمد الطرقي
03-14-2010, 11:13 PM
نكتفي بهذا القدر العدم ملايمته لشروط المحاورة وتأخر الاخ عرفاء قماصي
عن اتمام المحاورة