ياسعود لاتلومني ياسعود

[مقبل الرماحي]

كنت انا والابن سعود باحد المحلات وعند خروجنا صدفنا وحده الله يستر عليها ويهنئها بما وهبها 0 وعندما ركبنا سيارتنا ومشينا كان بالطريق مطب صناعي لم انتبه له وشالنا شيله معتبره قال لي سعود وش فيك 0
رديت عليه بقصيده اورد لكم بعض ابياتها



ياسعود لاتلومني ياسعود= لاتلوم من عميت اعيونه
بسباب من شعرها مرجود= كن الذهب سارقن لونه
يوم طرق بالعيون السود= الجو عني قلب لونه
تشيل عقل الفتى والعود= من شافها زادت اطعونه
الفكر عندي مهو موجود= رجت ياسعود من دونه


مقبل الرماحي

[فواز الشويكي]

ما تنلام ي البناخي ,,,
وصح لسانك

[ابو شامه]

صح لسانك قصيده جميله

[محمد بن دوهان]

والله يا أبو سعد كانك تبي تلتفت بهالأسواق عز الله إنك كل يوم وإنت صاقع لك مطب يا بنآخي والسيارة غير تغير الهيئة الأمامية كل إسبوع
:):):)

يبي لي أنا وياك سفره مع بعض إذا الله أشاء يم عربٍ بشنقنا مطباتهم أرحم من مطبات ديرتنا ما تخرب السيارات وحتى العقال ما يتحرك من مكانه

:):):)

صح لسانك مدد بلا عدد

وأدامك برعايته وحفظه أينما كنت يا عزيزي ..

محبك والفخور بك .

[ابويزيد القماصي]

صح لسانك اخي مقبل تعبير رااائع

مالوم ابوسعود ... :)

[خليف الدوامي ابو زيدان]

صح لسانك ما لك لايم - وهني سعود مايدري ؟!!