المساعد الشخصي الرقمي

مشاهدة النسخة كاملة : نبي انتحاور يابن دوهان

محمد الطرقي
03-08-2010, 12:09 AM
نبي انتحاور يابن دوهان = العب معي واقصد هجيني
وانشدك عن نيت العربان = رحيل والا مقيميني
محمد بن دوهان
03-08-2010, 12:26 AM
هلابك يا شاعر القيفان=ياللي هروجك تسليني
عربك وردوا على قلبان=علمي بهم واللغا شيني
محمد الطرقي
03-08-2010, 12:43 AM
مئة هلا فيك يالفهمان = ياراعي المنطق الزيني
قل للعرب سالت الوديان = لايعقلون البعاريني
محمد بن دوهان
03-08-2010, 01:07 AM
سج القدم للعلا يا فلان=لأهل العلوم المثاميني
نبي نقطف زهر بستان=يومين والموت قافيني
محمد الطرقي
03-08-2010, 01:14 AM
الطيب ياصاحبي عنوان = وربعك على الطيب ضاريني

لا شك تراء الزمان احيان = يعكس جميع الموازيني
محمد بن دوهان
03-08-2010, 01:32 AM
الطيب تحري به الغلمان=ما هو سوالف نساويني
والعلم يظهر مع العربان=بالزين والا على شيني
محمد الطرقي
03-08-2010, 01:43 AM
مافيه عود بلا دخان = وبعض الدخن يعمي العيني
مار أنت لا تعذرب النسوان =شقر العذاراء المزاييني
محمد بن دوهان
03-08-2010, 01:55 AM
الرس ما يروي العطشان=والعفن ما حاش نعميني
وتر الأشده ما هن كتبان=والذيب ما يجاضع حصيني
محمد الطرقي
03-08-2010, 02:07 AM
والرس ماياردة ضميان = لو حط فوقه مقاميني
وراع الردى قدره الحقران = والطين طول الزمن طيني
محمد بن دوهان
03-08-2010, 02:42 AM
ومن جا لنا له مكان وشان =وحنا على الطيب رابيني
وأللي يبي يطلب البرهان=ينشد رفيق ٍ مخاويني
محمد الطرقي
03-08-2010, 02:57 AM
من ربنا نطلب الغفران = ويهديك ربي ويهديني
واطلبك يامنزل القراءن = تغفر ذنوبي و تعفيني
محمد الطرقي
03-08-2010, 02:58 AM
اللغالي ابو عبد العزيز صح الله السانك ونكتفي في هذا القدر وتقبل جزيل احترامي
محمد بن دوهان
03-08-2010, 03:07 AM
ما قلتها غير أنا شفقان=على القروم العزيزيني
البيت يحتاج للعمدان=والساس يحتاج تمكيني

صح لسانك يا شاعر أهل العرفا

وكل الشكر والتقدير لجنابك العزيز لمحاورتك لي ومجاراتك التي أفخر وأعتز بها يعلم الله

وختامها، أسأل الله العلي العظيم بعزته وقدرته وجلاله أن يضفي علينا وإياكم أجمعين بستره وعفوه ورضاه فوق الأرض وتحت الأرض ويوم العرض، وأن يغفر لنا جميع ذنوبنا وخطايانا إنه هو الرحمن الرحيم وهو السميع المجيب ..

والله لا يهينك يا أبو يوسف .
سليمان الخرس
03-08-2010, 07:50 AM
صباح الشعر
صباح النقاء
صباح بدوي
تسدل الشمس اشعتها على داكن بشرته

صباح لايليق الا بكم
أنتم فقط

كنت هنا الآن
محمد بن دوهان
03-08-2010, 10:22 AM
الله يسعد صباحك يا أبو متعب ويرفع شآنك يا بنآخي ..

أعزك الله وأدامنا وإياك بالستر والعافية بالدنيا والآخرة ..

وكل الشكر والتقدير لمرورك الكريم وشخصك الأعز الأكرم .
محمد الطرقي
03-09-2010, 01:07 AM
صح الله بدنك يابو عبد العزيز وكل الشكر على الشعر الطيب والطرح الراقي بارك الله فيك
محمد الطرقي
03-09-2010, 01:09 AM
الله يصبحك بكل خير يابو متعب على الحضور العطر

احترامي وتقديري
سعد العماوي
03-12-2010, 11:15 PM
امتعتونا الله يعطيكم العافيه

الله لو انها بالصوت كان احسن


صحت السنتكم ولاهنتوا
متعب عبدالهادي الفققي
03-13-2010, 01:13 AM
ربي يسعد اوقاتكم ويمتعكم با الصحه والف شكر لكم

حوار وادب عربي بدوي اصيل


الف شكر لكم
محمد الطرقي
03-13-2010, 02:47 PM
سعد الرسلاني الله يعافيك وكل الشكر على مرورك العطر

احترامي وتقديري
محمد الطرقي
03-13-2010, 02:48 PM
ابو عبدالله الله يعافيك ويسلم غاليك كل الشكر على مرورك الطيب

بارك الله فيك
محمد بن دوهان
03-14-2010, 01:52 PM
الأخ سعد الرسلاني شرفتني بمرورك العطر الكريم ..

فحفظك الله عز وجل وأدامك برعايته وحفظه ..
محمد بن دوهان
03-14-2010, 01:53 PM
العزيز أبو عبد الله لي الشرف بمرورك الكريم ..

فأدامنا الله وإياك بحفظه ورعايته ..