علمه ينومس كل قاصي وداني

[مقبل الرماحي]

هذه القصيده مهداه لاخي الشاعر مقبل الرماحي بمناسبة زواج ابنه سعد

سميت بسم للي اعباده تلبيه=من بعد ذكره ابتدي بالمعاني
لي الشرف يوم اكتب الشعر وبديه=ولبوسعد ازف احلى التهاني
رجلا عزيز ونفتخر به ونغليه=وله حشمتن بين الضلوع المحاني
الشعر يفخر به وتفخر معانيه=ويزين نضم القاف والفكر زاني
يستاهل التمجيد والمدح زاهيه=ومكارمه للضيف حيلن اسماني
كل الصفات الطيبه تلتقا فيه=وعلمه ينومس كل قاصي وداني
مبروك للعريس الله يهنيه=وعسى الفرح في كل حي ومكاني
سعد عسى دوم السعاده تباريه=والله يحقق له جميع التماني
نسجل الشجاع اللي بعيده مداليه=حرن تعلا مايحب الطماني
رجل المواقف ماتغير مباديه=باقي على نهجه عريب المجاني
من عزوة العوجان لاحل طاريه=زبن الدخيل الى حداه الزماني
دخيلهم يرقد ويسهر معاديه=ويثنون دونه بالسيوف السناني
واقولها ولي عزوتن اعتزي فيه=ربعي بني خالد اطوال اليماني
في مدحهم يشوش راسي وطاريه=حيزا لها بالقلب قدر ومكاني
والخالدي ختم معاني قوافيه=مخلوطتن بالهيل والزعفراني
وصلاة ربي عد ماهب غربيه=على النبي تعداد ما النور باني

الشاعر شريف نزال عيسى الخالدي

[محمد بن دوهان]

اللهم صلَّ وسلم وبارك على سيدنا محمد وعلى آله وصحبه أجمعين ..

ويا نعم بالحيزا ويا نعم والله بمن ينتخي بها ، إنتم والله لنا العز والفخر يا عزوة بني خالد ولا فرق بيننا ولن يفرق بيننا الزمان وكل المخاليق دارين وشهود بإننا لكم عزوة وإنتم لنا عضود ..


فصح الله لسانك أخي الشاعر شريف حتى ترضى ، وسلمت أخي أبو سعد على إتحافنا وإكرامنا بالإطلاع على هذه القصيدة الكريمة وأنت أهلٌ لها وتستحقها يا عزيزي ..

فبارك الله فيكم ووفقكم وجمعكم على كل خير في الدنيا والآخرة ..

اخوكم والفخور بكم / أبو عبدالعزيز

[متعب عبدالهادي الفققي]

مبروك ويستاهلون ومشكور اخونا الخالدي

[ابويزيد القماصي]

عسى ايامهم كلها افراح وصح لسانك مليون ..

[خليف الدوامي ابو زيدان]

الله يتمم أفراحهم بخير وصح لسانك أخي شريف نزال الخالدي - واشكرك على هذه المشاعر الطيبة

[الشرق]

صح لسان الشاعر الخالدي وحقيقة كانت ليلة وأمسية سعدنا بالتواجد ومعرفتكم ورأينا بأعيننا محبة كل من حضر تشع من عينيه محبة وتقدير لك أخي مقبل وفقك الله.