الاتصالات السعودية تعزز خدمات الجيل الثالث عالي السرعة

[ابو شامه]

الاتصالات السعودية تعزز خدمات الجيل الثالث عالي السرعة في مختلف مناطق المملكة

رفعت الاتصالات السعودية نطاق تغطية الجيل الثالث عالي السرعة (3.5G) بتشغيل 117 موقعاً في مختلف مناطق المملكة ، وشملت التغطية والدعم 58 مدينة ومنطقة منها 15 موقعاً تخدم لأول مرة, وبذلك وصل مجموع المدن المغطاة بالجيل الثالث المطور عالي السرعة إلى 186 مدينة ومنطقة في أرجاء المملكة ، وتأتي هذه التغطية والدعم لشبكات الشركة انطلاقا من حرص الاتصالات السعودية على تقديم خدماتها المتميزة لجميع عملائها بجودة عالية ، والتي يلمسها عملاء الجوال بشكل خاص في كل موقع يتجهون له في بلاد المملكة الواسعة.
http://www.alsb3ah.net/vb/cid:image002.jpg@01CAD0B4.10535D70

كما تم توسعة عدد 40 موقع جيل ثاني قائم لتحسين تغطية ما يزيد على 100 قرية وهجرة من مجموع القرى والهجر المغطاة على مستوى المملكة (7069) ، وجرى تشغيل عدد 5 مواقع للجيل ثاني مخصصة لخدمة الطرق الغير مغطاة لتصل أطوال الطرق المغطاة إلى 37710 كم ، وكذلك تمت توسعة عدد 55 موقع لتحسين تغطية خدمة الجيل الثاني في المدن والمناطق الرئيسية .

[الشرق]

الاخ العزيز أبو شامة

شكرا على الخبر والموضوع المتعلق بالاتصالات وتقديم خدمة جديدة تخدم المشتركين.

أنت سباق دائما لمثل تلك الأخبار المفيدة وكنا ننتظر مثل هذا الخبر من الأخ فواز الشويكي ولكنك سبقته لهذا الخبر وهو بمثابة تسويق ودعاية لشركة الاتصالات السعودية وأنا مازلت أحد المشتركين لدى الاتصالات السعودية لسبب واحد فقط وهو وجود مايقارب 25 ألف موظف سعودي يعمل في الشركة.

[محمد بن دوهان]

بديت أضم صوتي لسليمان 98%
وشكلي أصير من مشجعي الزعيق بعد :crown:

أقول الله يجزاكم خير بس لو تفكوننا من إعلاناتكم يا شركة الإتصالات

لي من يوم الإثنين أللي طاف وأنا منقطع النت عندي بالبيت وألوج على 906 ولا حولك والي


وهلحين جيت للمقهى مع هالوغدان كله بس علشان أشوفكم
وريحة هالدخاخين لها كتره
:(:(:(

[سليمان الخرس]

شركة الاختلاسات

حليلهم

اجل عالي السرعه على مين؟؟؟

[فواز الشويكي]

نعم الاخطاء وارده وهذا يحدث فى اي منظومه ,,
ولكن من حيث الخدمات وخصوصا الانترنت عالى السرعة شركة الاتصالات تقدم افضل الخدمات وباسعار تنافسية ايضا ,,,

[محمد بن دوهان]

عز الله يا أبو أحمد إنهم صحيح منظمه هالمنظومه

نحدثكم الآن من المقهى مع الوغدان لعطل أصاب المقسم كله

:(:(:(

ياليت نسلتم عندكم أنا وسليمان بس سنة لو إنتداب

راح نصلح كل المقسمات ولوحات التحكم ونوزع على كل عرب مقسم
:):):)

سليمان ترى المقسمات توها راكبه جديده لسى ضمانها ما إنتها وكلها عطلانه

:n:n:n:n

[سليمان الخرس]

ابو عزوز

مالنا الا تلفون أبو هندل

نفر هالبكره الين الله يفرجها

المصيبه أن يتعطل على ناس وناس
والله هم العاطلين

لو فيهم خير ماكانوا جابوا من الاردن مهندسين
عشان يعلمون 907 ان الكضيه مش عملية ريسيت للمودم

ياحري يابن دوهان

أمس رحت لموبايلي أريد كونكت مالقيت

الظاهر قوم موبايلي مثل مثل قوم الاس تي سي

شرايك ابو عزوز نقلب لزين الكويتيه
على الاقل يوم يخلص رصيدك تسمع صوت حنون
مو مثل ربعنا تقول ضابط يكلمك
رصيدك خلص اشحن يامال الفشقه

[فواز الشويكي]

اقول اترك عنك زين ,,,,,,,
والله خطير يقفلونها ,, او يحولونها بوفيه !!!! قال زين قال !!!

[سليمان الخرس]

مثل بوفية حسين؟؟؟

هذا حسين على شارع نايف بعشيرق
تطلب منه سندويش وتعطيه فلوس يقولك
خلي أخر شهر

متعود محد يعطيه فلوس


أبو أحمد أشوفكم يالاتصالات شايفين حالكم؟؟؟

ترى الوضع مهو بزي أول ومابهالبلد الا هالولد

زين يكفيها أنها شركه عالميه تخطت حاجز الثلاثين دوله
ربما

أما أنتم؟؟؟؟
سو للمودم ريست ولا طلع لي هالرقم منهو بأسمه

هذي شطارتكم بس

غيرها نو وي

<========بوجه بن دوهان

[فواز الشويكي]

اقول اهجد والا نقطع عنك النت ,,,
ونرجعك للحمام الزاجل !!!!!!!!

[سليمان الخرس]

لا تكفى نبي هذاك الاكواب اللي فيها سلك

[متعب عبدالهادي الفققي]

اصبروا شوي عندي محاوله اشترك ببرنامج بفضائيه جديده
البرنامج اسمه. المملكه هذا الصباح ابي استقبل ملاحظاتكم
قصو بيني وبينكم .. وعقب خلوني عليهم بس لاتورطوني بهم وعقب يقولون
لا نحن خدمتنا ميه ميه . عطنا اسم الي عنده مشكله .....وعقب وشسوي تراي اقول هذا بن دوهان يوقف على المقاهي من شين خدمتكم .......

[محمد بن دوهان]

والله يا أبو عبدالله سووا سواة أللي جا ينصب عند البنات وهو أعرج وأعور وأجقم
ويقول ليه البنات ما يبني وش بي من عذروب يعذربني ، وهو به كل هالعذاريب به ولا هو شايف حاله ، هذولا عاد ربعنا الإتصالااااااااااي ..


لي ثلاث أسابيع أطارد وراهم وكل ما أكلم على 906 يقولون لي خلال الساعات القادمة سيتم إصلاح العطل ، وليا جيت الإتصالات أللي عندنا قالوا لي مالك طلب عندنا .. ياما الله أفرجها من عنده وألا هم عز الله لقيتهم لك ما أحد يدري عن أحد ، كل ٍ يغني له بوادي لحاله ولا يدري بخويه

هلحين يقولون تم إصلاح العطل ونبي نشوف تاليها :):):)

بس وأنا بنآخيك متولم بالكونكت كانهم قطعوه خلهم على وجههم ما عاد نرجع عليهم ولا عاد ينصبون عندنا بكثر دعايتهم اللي أدوخونا بها ..


الله يعين عليهم بس