وين النشاماء وين فزعات الاجواد ..

[فهدالخرس]

وين النشاماء وين فزعات الاجواد **** متورط وابيلي اليوم راعي
تائشيرتي راحت وانا حالتي باد ****وصبحت اغز الشبك وربط شراعي



يا اخوااان مطلوووب راعي غنم بسرعه ..


الغنم ما عندها احد ..



اخووووكم ..

ابو عبير ..

[خليف الدوامي]

لا وعزاه يا روحي والله لو أقدر على شئ ما أتأخر ولا ثانية ولو ني متقاعد لجيك فازع ولو مؤقت وعلى قدما أقدر ، والله لحيتاً تستاهل الفزعة 0

[فهدالخرس]

يابعد روحي يبو زيدان والله مانت مقصر ..

ردك علي يكفي ..


اشكرك ..

[متعب عبدالهادي الفققي]

سوف غدا نواصل الاتصا لات عسى نعثر لك على راعي
لكن المفروض سليمان وبن دوهان كل يوم يناوب معك واحد

لين نلقى راعي.... بس خلك عندهم تراهم با الليل ماعليهم متكل يمكن يطخونها نومه
كيف يا فهد الله يعينك سلم على الشايب امانه عندك

[محمد الطرقي]

سلامات يافهد وين راعيهن
عسى ماشر

وبعدين وش فيها التاشيرة هي جت ولا ماجت وش مشكلتها

والله يلبناخي لو بالكيف لا جيبه بنفسي لك

لكن والله ماعرف عن الرعيان شي

تبيني انشد اهل المكاتب تراني اعرف بعضهم
والله يجيب لكم الراعي اللي يبيض الوجه

بعض الرعيان يبي اللي يسرحبه

مافيه خير

[غنيم الغنيمات]

يقول المثل حلال تودعه بيع
ه واحنا تركنا الحلال ودعناه مع الراعي
الله يعينك يابوعبير وصبرك

[محمد بن دوهان]

التاشيره وإبشر باللي يسعى لك فيها ، أما كانك تبي تتكل علي أنا وخالك عز الله ما تلقى بالمراح شين

وكانك تبي تسرحنا ما عندنا مانع راتبنا ألفين ريال والتتن عليك

وبعدين كل جمعه يبي لك تودينا لسينما الكويت
:):):)

[الشرق]

الله يعينك أخي فهد الخرس وأشعر بحالك تماما حيث مررت انا بنفس التجربة وأصبحت أقوم بتعليف الحلال بنفسي والمشكلة في الماء وليس في العلف فالعلف فترتين وانتهى أما الماء فيجب ان يكون متواجد على طول.

ان شاء الله تجد ماتبحث عنه.

[ابو شامه]

الله يعينك لا راعي عندك والشعير غالي تبغي النصيحه مني بعها افضل لك

[الشرق]

ممكن يبيع لو لم يجد راعي وإن وجد راعي فالحلال أفضل وقت له الآن اسعار الذبائح فوق الألف ريال.

[خالد عكاش العلاطي]

اقول استأذلي من عمي ابن دوهان وابشر بالراعي انا ابي اسرح بدون حوافز ابشر بالفزعه ياما تلقى راعي هاه انا مشمر بثوبي وشاد حيلي

[فهدالخرس]

تسلموون يالربع والله ماقصرتوا ..

رايتكم بيضا ..

وجزاكم الله خيير ..


ولازال البحث جااااااري ..