يالشعر مابك فود لو قيل بك فود

[احمد دلي الهزاع]

يالشعر مالك عادة ٍ تقطع حدود =عادتك ميلادك بضيقة مكاني
واليوم بانضملك من عقودك عقود=شي ٍ عجز ينطق بطعمه الساني
ياكثر تلحقني من يدينك الهود=وياكثر ماشفت بأماني اماني
عقدين والعقدين بعيوني اعقود=هذا اجل هذا مكان بمكاني
لاناصر ٍ ناصر ولا عوض حمود=ولا زمان البهذله من زماني
ياكثر مايوعد بالا فراح مقرود=وياكثر مقرود وحزين ويعاني
ابعاد والا بعاد ماتروي ورود=ولاضن هذا غير شانك وشاني
الناي باحزانه كما نوحة العود=والعشر عشر بعشرهن هن ثماني
يانايف الشاعر وكم كان نمرود=الهادم اللي قيل إله كان باني
انا هنا ء موجود واهناك موجود=لو ماكذا وقتي وهذا زماني
ويالشعر قالو عود ماقلت لك عود=لأنك مكانن تستقر المحاني
والجود غير البخل والجود به جود=واخر زمان العبد ميت وفاني
الله من سود ٍتمثل بها سود=نبرات حزنن تستحل المواني
البارحه من كودهن شفت انا لكود=جربت حربتهن وطعن العماني
ويالشعر مابك فود لو قيل بك فود=لا اعطيتني شانن ولا صنت شاني
مااعطيتني عود ٍ على شان هالعود =بقيت اعاني مثل ماني اعاني
الشاهد الله وانت بيامك شهود=غير الوفا ماكان إلي وجه ثاني

[متعب عبدالهادي الفققي]

صح لسانك اخي احمد
تصدق الامل يعطي الحياة طعم وآلة دفع للامام وتطلع لليوم الاخر
وتصدق . عندما يتحقق الامل . يحدث فتور وملل ويعاود الانسان با البحث
عن امل اخر لان التوقف يصاب الانسان با الخمول وفقدان شهية كان بترقبها اللذ من الوصول اليها .......... تحياتي

[فواز الشويكي]

صح لسانك اخي احمد

[سعد مسهوج]

ادام الله علينا هذا الوجه


وصح كلك يابو دلي


شاعر جميل



احترامي

[الشرق]

صح لسانك أخي العزيز ودائما انظر نظرة تفاؤلية للحياة.

[ابو شامه]

صح لسانك قصيده جميله وراقيه اشكرك

[فرحان بن مساعد بن نومس]

أخي احمد صح لسانك وبيض الله وجهك على الجزاله بالابيات