القصيدة اهديها لبومطشر وكافة السبعة من عنزة من محمد الربيلي ابو بندر

[فيصل العنزي]

القصيدة

إن شاء الله تنول http://rapidshare.com/files/374323578/_______________.pdf.htmlاعجابكم

[محمد بن دوهان]

يستاهل أبو مطشر وبارك الله في الأخ الربيلي وفيك يا بنآخي وصح لسانك أخي أبو ذياب ولسان الشاعر أبو بندر محمد الربيلي

وفي هذا المقام لا يسعنا إلا أن نتقدم لجنابه بالشكر على هذه القصيدة الجزلة

سائلين الله العلي القدير أن يتغمد الشيخ راكان بن مرشد بواسع رحمته ..

وأن يديمنا وإياكم أجمعين والشيخ طراد بن راكان كذلك بستره وعفوه ورضاه وأن يطيل عمره على الهدى والصلاح ..

سأقوم على تنسيق القصيدة إن شاء الله فيما بعد وسأضعها كاملةً هنا ..

سلمت ولا ندمت يابو ذياب وبيض الله وجهك حيشا عيونك يابنآخي من غير سوّ

وكن يا عزيزي برعاية الله عز وجل وحفظه أينما كنت .

[عبدالله متعب الفققي]

قصيدة الشاعر / خلف بن محدى الغبين الفدعاني العنزي عند ما وقف الايداء والعواجي لقبيلة ضناعبيد ايام معروفه للجميع
وذكرتني بها قصيدة الربيلي الله يطول بعمره


قريت جزلات القوافي على الأخ= من نظم ابن عبار قاله على الايخ



الوايلي قافه تقل نسخ نساخ= مثل الذهب مدفون تحت البرازيـــخ



يشوقنـي منظوم قافه ليا فاخ= الوايلي فارس قوافي تواريــخ



شاعر نعم ماهو كما قيل فخفاخ= يطرخ المعنى على الكيف تطريخ



الوايلي بيطار بالشعر ما لاخ= فارس مثل عدى على راس مريخ



ماهو مثل منظوم اخطاة الأبياخ= البايخ اللي بيخ الشعر تبييخ



ياعل يفدونه هلابيج الأزناخ= الحاسدين الحاقدين المباييخ



مني لأبو مشعل تحيه باالأنساخ= الشاعر اللي مايهاب النوافيخ



شاعر بني وايل من شبيح لاشواخ= ومن دار ابن عتبه لدار المصاليخ



سيف الحمية لاحصل طاخ طرباخ= وترخ تواريخ قديمات تتريخ



يشوقني قيله ومدحه للأشماخ= اهل العلوم الطايله والتــشاميــخ



مدحه لصنديد للأمجاد شماخ= الوايلي من صلب شيوخ مطانيخ



الوايلي عز القبيلة لها ناخ= نعم بأخو بقشه نهار المناويخ



محمد اللي يوم تشليع الأصياخ= شيخ على صلب الصفا ثبت الصيخ



شيخ نفل غيره بالافعال ماباخ = وقف مواقف عز ماهي برابيخ

وقف الوايل ماتعذر ولا صأخ= يوم ازبنوه اولاد وايل مداويخ



يمه عنوا من ديرة الشيخ شواخ= جو يم اخو بقشه زبون المجاويخ


ووقفلهم ماهي خرافات وازلاخ= وعده من الواجب ماهو فعل طرميخ


الشيخ اخو بقشه للأخصام بزاخ= بالفعل بزخ راعي الفيل تبزيخ



والفيل جابه لا هتافات واصراخ = مثبوت فعله مابها صرخ تصريخ


الوايلي يوم المصاويل لباخ = بالسيف والطخ زايم الراس توطيخ


لامايهاب الموت للخصم لزاخ= في يوم دور عقاب وجديع ومصيخ



ولاصار بأطراف الضعن صاخ صرناخ = زبن العشاير واللقاح المنافيخ

الوايلي رماي لباس الاجواخ= فعله فخرنا بناصعات التواريخ



واخو ذكر لوجيه الاضداد كماخ= مخبور فعله كمخ الخصم تكميخ



الشيخ الأمعط للخصيمين لخاخ= الصيرمي خصمه جداه التصاريخ



الوايلي يثني لياطخ طخاخ= ويرمس على الموت الحمر والجبابيخ



ولد العواجي يوم الأفعال ماراخ= يوم الجماجم كنها حذف بطيخ



اخو ذكر لو يصعب الحمل زداخ= قول وفعل ماهي هقاوي وتمتيخ



شيخ وقف لأولاد وايل ولا داخ= يومنها صعبة وبالوضع تدويخ



لـه وقفة تصعب على كل ملاخ= اخو ذكر منه العدا تهيد واتفيخ



نعم وقف يوم الصعايب بالأشماخ= ومن شان وايل رسخ الجهد ترسيخ



شبحه بعيد ولايدونق للاوطاخ= ماهو مثل شبح الهدوس المباييخ



فعلٍ فعل ماهو مثل فعل الأدلاخ= الافلين الخايبين المداليخ



ويوم المسس ماهو بالاصباغ فتاخ= اخو ذكر له موقف صار تاريخ



نعمٍ بالأمعط لو دفن وسط برزاخ= فضخ قلوب اللي تحدوه تفضيخ



ويومنها ظلمه مثل وجه فرناخ= ما أحد وقف غير الشيوخ الشماميخ



الشيخ الأيدا والعواجي بالانواخ= صـاروا لنا مثل الجبال الشواميخ



هلوبنا يوم المشاكل والأدواخ= ولافيهم اللي قدم العذر تـفتـيخ



هلوبنا يوم الصعايب والأنكاخ= واليوم صافي جوها مابها مريخ



يفداهم اللي حزة الضيق جماخ= لاشيف شيفه مير باللازم يفيخ



هميلق هايف نصوبٍ وكشاخ= مافيه عز وكل قوله طرابيخ



لاصار ماهو للثقيلات زخاخ= قدره يا أبو مشعل مذله وتوبيخ



مافيه عز للقبيله والأوجاخ= وش عاد لوكشخ بالابشات تكشيخ



ووش عاد مابه عز خايب وزلاخ =وعايش على مد القبيلة تقل ذيخ



مافاد ناس ترتكي زنخ الامخاخ= مابه فرج يالقرم كنه من السيخ



مابه فخر لو هو على لابته شاخ= بس اللقلب وش عاد لو قيل له شيخ



يالقرم والله صايبه كبر وانفاخ= على الفلس ماهو على فعل تشميخ



متملق ماينفع الخير متاخ= مافاد غيره والمشوره مزانيخ



مجده ياابن عبار داثه بالأوصاخ= ولافاد لوشلخ على الناس تشليخ



وخل الذي لعيون الأصحاب فضاخ= لاتعتزي به لو نزل منزله ليـخ



مابه حميه لو لبس تاج وافتاخ= ولا فاد لو هو يرفع الراس ويميخ



ياالوايلي لو ينصبونه على اوضاخ= مايذري الملهوف يوم اللوافيخ



والشيوخ فيها أحرار وايضاً بها افراخ= وفيها دجاج فرخ اليوم تفريخ



والمجد يوم أحمر الدم ضخاخ= في عصر ماجد يوم يزبن على افنيخ


يوم الصقيل لهامة الراس شلاخ= ويوم الفشق يشدى لقدح الصلابيخ



دور مضى يوم اشقر الحر لفاخ= قبل النظام وقبل دور الصواريخ



والله لـولا اللـي على النار نفاخ= لأأعـطيك يـا المنعـور مشخول أبـا الميخ


والله ومليووووووووووون نعم بلايداء وبالعواجي
وصح الله السان الشاعر ماقصر
كلام ذهب والله يعطيكم العافيه على النقل
الرائع

[الشرق]

صح لسان الشاعر وشكرا لك أخي بن عرجي على نقل القصيدة وصح لسان الجميع.

[خالد عكاش العلاطي]

صح لسانك ياشاعرنا ولسان من قالها ويستاهل الممدوح بما امتدح

[سليمان الخرس]

صح الله لسان الشاعر

ولاهنت ياراعي العرفا

[متعب عبدالهادي الفققي]

صح لسان الشاعرين
وشكرا للناقلين .

[ابو شامه]

صح لسان الشاعر واشكرك على الاختيار الجميل ونعم بشيخ السبعه ابو مطشر ويستاهل المدح .

[محمد الطرقي]

صح الله السان الشاعر
ونعم باليداء والعواجي ماقصرو
ومواقفهم لا تنسى
بيض الله وجيههم
ورحمهم الله في رحمته
وشكرا على النقل الرائع

[ثاني عايد المزيد]

صح لسانك ولاهنت على القصيده الجزله لاشك انها من جزل


ويستاهل ابو مطشر المدح واكثر



تحياتي .