من كثر صدماتي بنـاسً قريبيـن

[خالد عكاش العلاطي]

من كثر صدماتي بنـاسً قريبيـن
قمت أتحرى صدمتي مـن أظلالـي

كل مابديت أنسى وجيّـه البعيديـن
ذكرت لي مع ضيقة الوقت غالـي

كل ماتخيلت المحبـه مـن سنيـن
يأخذني الهاجـوس لأبعـد خيالـي

وكل ماشعرت أني سليت المحبيـن
بديـت أطـرد هقوتـي وأحتمالـي

مدري بكيت الحلم مع هاجس البين
والا شعـوري بالغـلا مايبـألـي

مدري عزاي أنك بعيدً عن العيـن
والا الندم يصفـق يمينـه شمالـي

مدري هو أحساسي بفقدي لغاليـن
وأقول بعد اللي رحـل وش بقالـي

دام أقرب أحبابي نسوني وساليـن
وأنا لو أنساهـم تناسيـت حالـي

لو عشت من صداه عذاب الامرين
ماوالله أرخص عزتي رأس مالـي

لو المواجع تقسم القلـب نصفيـن
ماضاق بي صدر الحليـم الشمالـي

بين الصبر والصمت والخاطر الزين
تجـي مسافـات المعانـي توالـي

ومن كثر صدماتي بنـاسٍ كثيريـن
صرت أتحرى صدمتي من أظلالـي


منقول
___________________

[محمد بن دوهان]

سلمت وسلم لنا ما تنقل من بديع الكلام والأشعار يا أبو وليد ..
ونسأل الله أن يكفينا وإياكم شر الدنيا وما فيها من فتن ومآسي ..

وصح لسانك وبنانك وأعلا الله شآنك يا عزيزي ..

وكن برعاية المولى عزيز الجلال وحفظه أينما كنت .

[عبدالعزيز المعني]

صح لسانك ولسان الشاعر اختيار موفق للقصيده

دمت بحفظ الرحمن

[خالد الشويكي]

من اصعب مايواجهه الانسان في الحياه

هي الصدمه من اقرب الناس له ( قريب , صديق , حبيب )


فتكون الفاجعه فاجعتين من الطعنه والطاعن


سلمني واياكم من شر الصدمات


شكرا يالسمّي على النقل

[خالد عكاش العلاطي]

مشكوووووورين والله يعطيكم الف عافيه

[سالم الشويكي]

خالد: نقل رائع الله يعطيك العافيه
تقبل مروري
تحياتي

[بدر البدور]

خالد

أبيات رائعه ومن الصميم

طبت وطاب منقولك اخي الفاضل

تحياتي