حمر الخدود اللي حلاهن زيادة

[محمد الطرقي]

رد على موضوع بدر البدور
حفل تخرج بنات بالثانويه

جيت ابا اطالع للبنات المزايين = وابي ابارك لستلام الشهادة

ولقيت اللي جبتيه ليه بعارين = ذود ٍ تعذب في حياة السعادة

ناس ٍ تحصل من وراة الملايين = ونا س ٍ تناظرله بدون استفادة

وانا بلايه لا بسات الفساتين = حمر الخدود اللي حلاهن زيادة

نسل الصقور وبالمسمى شياهين = ماصادهن راع القنص بجتهادة

[الشرق]

صح لسان الشاعر أبويوسف

أبياتك حلاها سكر زيادة يا أبو يوسف

قلبك خضر ماشاء الله أجل كنت تتوقع حمر الخدود اللي حلاهن زيادة.

[فواز الشويكي]

اكيد المزاين هيض المشاعر !!!!!!!!!!
تسلم روحك يا ابو سيف

[محمد الطرقي]

الاخ الشرق مرورك حلاة زيادة يابو عبد الرحمن
توقعت في حفلة التخرج الشوف ما يسر الناظرين
ولكن صار العنوان عكس التوقع
شكرا لك

احترامي وتقديري

[محمد الطرقي]

ابو احمد اللي ماقلبه خضر تلقاة يابس من العطش
وصاير لونه اصفر ويابس على وشك التفتفت

شكرا لك والمرورك العطر

[خالد عكاش العلاطي]

ابو يوسف ماخليتلنا شي هد ا لرمي ترى اااااااااااااااا اعلم واقول

[محمد الطرقي]

الا خ الغالي خالد

يالبناخي تراني تعديت مرحلة الخوف وعندي استعداد للمجازفه
والتجربه الرابعه

كل الشكر يالبناخي على مرورك العطر

[عبدالعزيز المعني]

صح لسانك يابويوسف ع الابيات

[محمد الطرقي]

الغالي عبد العزيز صح الله بدنك وشاكر مرورك العطر

[ابو شامه]

صح لسانك ابيات جميله وعذبه ورد مناسب على مقلب وصور بدر البدور

[محمد الطرقي]

الاخ الغالي ابو شامه صح الله بدنك

وشاكر مرورك العذب

[بدر البدور]

أستاذي الفاضل

محمد الطرقي

أقف هنا لأهنئك على قريحتك الشعريه وماتحمله بين طياتها من جزاله
وروعة كلمات
واذا على الصور مقلب خفيف لكن طلعنا منه بأبيات جميله من شاعر كبير

وننتظر جديدك

بس عساه تكون فيني هالمره مو بالبنات المتخرجات (أطمع بالابيات الجميله)

شاعرنا المبجل
لاتاخذ كلامي على محمل الجد مجرد دعابه :,؟"

تحياتي وتقديري

[محمد الطرقي]

الغاليه الدكتورة بدر البدور
كل الشكر لكي على الحضور الرائع والمتجدد
في كل مكان وزمان حيويه ونشاط
وتستاهلين كل مايقال بكي من شعر ومقالات
هذا من ابسط ما تستحقينه منا يابنت الهيلا
وانتي اللي تحركين الشعر والمشاعر
وتحركين المياة الراكدة
كل الشكر والتقدير

ولي طلب عندك يالغاليه
القصيدة اللي سويتها فيك في المنتدى الاول
انقليها هنا وفي الشعر العام
لكي يطلعو عليها اعضاء الشبكه
واكون شاكر لكي اختي الكريمه

[بدر البدور]

شاعرنا الرائع
تتقازم الكلمات أمام ذوقك الرفيع
شكرا من القلب الى القلب

وأبشر ماطلبت شيء بنقلها بأذن الله

لك مني اعذب التحايا واعطرها