اول الغيث قطره .. واخر الطب كيه .. الليل ياالشعار

[شامخ]

ياسلامي سلامن مايجي للهداني = ياصل الطيبين بكل حد ومكاني
ويالمعاني وصلتك زغرتي يالمعاني = اول الغيث قطره .. واخر الطب كيه






الليله الليله بدا بدع القصيد @@ ومن يدخل الميدان يكرب محزمه

من يبغي الشينه له الزند الحديد @@ ومن يبغي الحشمه يجد من يحشمه

[محمد بن دوهان]

يجد من يحشمه

عز والله يا شامخ عز الله
صح لسانك وبنانك

وبإنتظار أبو يوسف يجي إن شاء الله

[شامخ]

اخوي ابن دوهان ياهلا ومرحبا فيك



صح بدنك طال عمرك والله لايهينك على مرورك الرائع



تقبل تحيتي ودمت بود

[محمد الطرقي]

مرحبا في رفيق ٍ خافين مايباني،لابس ٍثوب غيرة صاير ٍمشبهاني=
ياهلا من خفوق ٍ بين عوج المحاني ، أول الغيث قطرة واخر الطب كيه=

الليله الليله على بنك ورصيد = وحنا رجال الطيب وأهل المكرمه

حنا هل المعروف والراي السديد = والضيف لا منه لفانا نكرمه

[محمد بن دوهان]

ونعم وسبعين نعم يا أهل العرفا

عز وشرف

نتابع بكل شرف

حفظكم الله وأعزكم ورفع شآنكم

[شامخ]

خلووووووووووها





ثوبي اللي لبسته خابره باللزايم = والعرب رحبوا بي وانت غافي ونايم

مير من طول الغيبات جاب الغنايم = واول الغيث قطره واخر الطب كيه









ياحي رجالن يفيد ويستفيد @@ ومن لا يخدم الناس محدن يخدمه


البيت مظلم مانشوفه من بعيد @@ الظاهر ان راعيه لاهي بغنمه

[محمد الطرقي]

أن كان غيري يعرفونك كثيرين ، انا جهلت الآسم ماعرف من وين =
مدري من التجار والا السلاطين ، اول الخير قطرة واخر الطب كيه=
فيك البقاء واليوم هذا يوم عيد= يوم ٍ نشوف اللي فهمنا ونفهمه
لا طاح طنب البيت يبنا من جديد = والرابح اللي لا لقا الطيب غنمه

[عبدالعزيز المعني]

من المتابعه والتعم فيكم جميعا طواريق رائعه

[محمد الطرقي]

ونعم بحالك يابو عبد العزيز وكل الشكر على الحضور والمتابعه

[محمد الطرقي]

عبد العزيز المعني

ماعليك زود يالبناخي كل الشكر لك على المتابعه

[شامخ]

ماعليك زود ياعبدالعزيز وحياك الله

[شامخ]

خلوووووووووووووووووووووها





التجاره لاهلها والحكومه لاهلها = والعرب مرسلتلك بالشدايد جملها
مالت حمولك اللي في ظهرك تحملها = واول الغيث قطره واخر الطب كيه








البيت يبغاله رجل عزمه شديد @@ ايعدله لا صار مايل مقدمه


وش يستفيد اليا عزم رجل ٍ وحيد @@ لا طاح بيته فوق راس اللي اعزمه

[محمد الطرقي]

الحمول الثقيله مالها غير اهلها ، مار بعض الآوادم غيها من جهلها=
والعرب من تحمل يابن عمي زعلها ،اول الخير قطرة واخر الطب كيه=

الناس تبقى زيد ما تبقى يزيد = لو أن يزيد يزيد طيبه وكرمه
لا صار بعض الناس ياشامخ عنيد = البيت لا ونك بنيته يهدمه

[شامخ]

هييييييييه خلوووووووووووها






توها زانت علومك وزانت حروفك = بيتك براس قاره خالي ٍ من ضيوفك

شب نارك عسى الضيفان منها تشوفك = واول الغيث قطره واخر الطب كيه







البيت مثل الجسم به دم ووريد @@ وحنا وريده والتواجد به دمه

خل العنيد يطاوعه رجل ٍ بليد @@ يوجهه مع كل درب ويحكمه

[محمد الطرقي]

ما دام ياشامخ تقيف بطريقي، واليارفعت البيت صدرك يضيقي=
تنظر مع الشباك لي وتويقي، واخر الغيث قطرة واخر الطب كيه=
كانك تبي تاقف معي ما نت بتحيد = نبي نشب النار وانحط اضرمه
حتى يعرف العلم اللي توة وليد = ويعرف من اللي هان جدة وظلمه

[محمد الطرقي]

اذن الفجر استاذنك ولي عودة

[شامخ]

عساك سالم سرى الليل

تشرفت باللعب معك يابويوسف

وان شاء الله الى لقاء قريب

[محمد الطرقي]

الله يسلمك يالغالي وانا كذالك بارك الله فيك يالغالي

احترامي وتقديري

[سعد العماوي]

الله صحت السنتكم ولاهنتوا ابداع من شاعرين كبار


دمتم بخير

[فارس تراك فارس]

بيض الله وجيهكم


لعب طيب لشعار رائعين


لا هنتوا

[محمد الطرقي]

شامخ
ياسلامي سلامن مايجي للهداني =ياصل الطيبين بكل حد ومكاني
ويالمعاني وصلتك زغرتي يالمعاني=اول الغيث قطره واخر الطب كيه


الليله الليله بدا بدع القصيد= ومن يدخل الميدان يكرب محزمه
من يبغي الشينه له الزند الحديد= ومن يبغي الحشمه يجد من يحشمه



محمد الطرقي
مرحبا في رفيقٍ خافين مايباني=لابسٍ ثوب غيرة صايرٍ مشبهاني
ياهلا من خفوقٍ بين عوج المحاني = أول الغيث قطرة واخر الطب كيه


الليله الليله على بنك ورصيد = وحنا رجال الطيب وأهل المكرمه
حنا هل المعروف والراي السديد = والضيف لا منه لفانا نكرمه


شامخ=
ثوبي اللي لبسته خابره باللزايم =والعرب رحبوا بي وانت غافي ونايم
مير من طول الغيبات جاب الغنايم =واول الغيث قطره واخر الطب كيه


ياحي رجالن يفيد ويستفيد = ومن لا يخدم الناس محدن يخدمه
البيت مظلم مانشوفه من بعيد = الظاهر ان راعيه لاهي بغنمه


محمد الطرقي=
أن كان غيري يعرفونك كثيرين =انا جهلت الآسم ماعرف من وين
مدري من التجار والا السلاطين =اول الخير قطرة واخر الطب كيه


فيك البقاء واليوم هذا يوم عيد= يومٍ نشوف اللي فهمنا ونفهمه
لا طاح طنب البيت يبنا من جديد = والرابح اللي لا لقا الطيب غنمه


شامخ=
التجاره لاهلها والحكومه لاهلها =والعرب مرسلتلك بالشدايد جملها
مالت حمولك اللي في ظهرك تحملها=واول الغيث قطره واخر الطب كيه


البيت يبغى له رجل عزمه شديد = ايعدله لا صار مايل مقدمه
وش يستفيد اليا عزم رجلٍ وحيد = لا طاح بيته فوق راس اللي اعزمه


محمد الطرقي=
الحمول الثقيله مالها غير اهلها=مار بعض الآوادم غيّها من جهلها
والعرب من تحمل يابن عمي زعلها=اول الخير قطرة واخر الطب كيه


الناس تبغى زيد ما تبقى يزيد = لو أن يزيد يزيد طيبه وكرمه
لا صار بعض الناس ياشامخ عنيد = البيت لا ونك بنيته يهدمه


شامخ=
توها زانت علومك وزانت حروفك =بيتك براس قاره خاليٍ من ضيوفك
شب نارك عسى الضيفان منها تشوفك =واول الغيث قطره واخر الطب كيه


البيت مثل الجسم به دم ووريد = وحنا وريده والتواجد به دمه
خل العنيد يطاوعه رجلٍ بليد = يوجهه مع كل درب ويحكمه


محمد الطرقي=
ما دام ياشامخ تقيف بطريقي=واليا رفعت البيت صدرك يضيقي
تنظر مع الشباك لي وتويقي=اول الغيث قطرة واخر الطب كيه


كانك تبي تاقف معي ما انت بتحيد = نبي نشب النار وانحط اضرمه
حتى يعرف العلم اللي توّه وليد = ويعرف من اللي هان جدّه وظلمه