عليك إنك تعيش العمر من دون خوف

[رواف الرسلاني]

جميع شــي اذا مــــاراح منـــك مـخـــلــوف = الا مـــــراح الـثــلاث ابـــوك امـــك اخيـــــك


والـرابـع اللــي الـى عـمـيـت عيــونــك يشـوف = يبكيــك مــره وعشــر امــرار يبـكـي عليك

صـــديقـك اللـي ليـــامــن واق راس الضــروف = مــايخـتفـي راسـه الا قـال لــك مــاعليــك

و الـوقــت رحــى ويـطحـن والـعمـــر للـكســوف = واللــي يـجـي العـالـمين مـن المـؤكد يجيـك

هـل قصـر عمـر الذيـاب وطال عمر الخـروف= وان طـال عمـرك لاتنسى الموت ماهو بناسيك

مـادام بـالـحــالتيـن ان المصيـــر الحـتــوف = وان النـهـايـات مــوتــك والـقـبـــر فيـــك فيــــك

عليـك انـك تعيـش الـعمـر مــن دون خــوف =الا مــن اللـي ولالـــه مـــن عبـــاده شـريــــك

اذا عـطـاك السـلامــه او عـطـاك الالـــوف = غيــرك فـلا اعـطــي هـذاك ولاهـو اعـطـي هـذيك

كـل همـن يجي لـك ضـعـــه فـوق الرفوف = لان هـمـــك مـــن المكتــوب مـاهـــو يحــميـــك

[محمد بن دوهان]

السلام عليكم ورحمة الله وبركاته

يا هلا والله أبو فايز

صح لسانك وبنآنك وعز الله هذي الدنيا عسى الله يكفينا شرها ويخارجنا منها وإياكم بالستر والعفو والعافية ..

تقبل صادق الإحترام والتقدير وأبرك الساعات يا أبو فايز .

[ابو شامه]

صح لسانك اخي الشاعر المميز رواف قصيدة جميله ورائعه وكلمات عذبه اشكرك

[الشرق]

أخي العزيز رواف الرسلاني


جزاك الله خير على الحكم التي أهديتنا إياها والتي كل حكمة منها تصلح لأن تكون نبراسا لنا في الحياة.

من يقرأ نص قصيدتك بعدها سيكون له وقفات مع نفسه ربما وجد طريق التغيير نحو الأفضل من الحكم التي اوردتها في تلك الأبيات.
صح لسانك.

[فواز الشويكي]

كلمات ونصح وابيات رائعة ,,,,
يعطيك ا لعافيه اخى رواف ,,,

[محمد الطرقي]

صح الله السانك ابو فايز

حكم وموعضه

والخوف لا يجب يكون الا من الله سبحانه وتعالى

بارك الله فيك وفي انتظار جديدك

حترامي وتقديري

[عايش بن ساير الشحيتان]

صح الله لسانك وننتظر المزيد

[سنعوسي]

ما دام بالحالتين إن المصير الحتوف = وإن النهايات موتك والقبر فيك فيك
عليك إنك تعيش العمر من دون خوف = إلا من اللي ولا له من عباده شريك


صح لسانك وعلا شانك

كلام يفخر الذهب أن يكون منه :)

[سعود النهابه]

الله يعطيك العافية

نص رائع

ومميز

من شاعر مبدع مبدع

[سعد العماوي]

صح لسانك ابو فايز امتداد للتميز


دمت بخير

[فرحان بن مساعد بن نومس]

نواف الرسلانى شاعر مميز وحكم الدنيا ماهى الاممر ويبقى العلم الغانم لاصحابها مثلك وشرواك بالمنتدى