الهلال

[محمد الطرقي]

عاش الهلال وعاش جمهور الهلال = والهلالي ياهلابه ياهلا
يصنع الآمجاد لوهي مستحال = الهلال بروس قمات العلا
الحقيقه ما بها حكي وجدال = واضحة ومبينه قدم الملا
كن الآزرق جيش في حرب وقتال = خصمه الياقابله جاة البلا
ولا الاصفر كيس وسطه برتغال = به رخاوة به حموضه به حلا

[دهن العود]

صح لسانك شاعرنا ولاتخسر جمهور النصر ههههههههه

[محمد بن دوهان]

:):):)

أثاريك هلالي لصميم يا أبو يوسف ما هو قولت يقولون ..

هنا يلزمنا إنتشاور مع الجمهور النصراوي متمثلا بالناطق الرسمي عنا جميعا وهو ابناخيك أبو شامه زعيم النصراويين وأبو أحمد وأبو حامد وطلال تركي ووليد خالد ودهن العود كذلك أنا يا محاكي وإخوك أبو زيدان وراح نشوف وشلون نرد على قصيدتك بمثلها إن شاء الله ونرد لكم هجومك هذا ..

وفيه واحد واقف كل الساعات بشنق البقالة ، بقالة ..... بعد أبي أسأله وش يشجع غديه يطلع نصراوي ونضمه معنا ضدكم ياهالهلايين

(( نصراوي للموت ))


صح لسانك ياعرفان وبنانك

عشت وسلمت ولا ندمت يا أبو يوسف

ودمت بحفظه ورعايته يا عزيزي أينما كنت .

[محمد الطرقي]

هههههههههههههههههههههههه

له له يابو عزوز انا احسبك هلالي

بس تبي الصدق انا شبابي
بحت بس شفت الربع كلهم نصراويين

وقلت خالف تعرف ابي اسوي معهم
هوشه
وان اخذو المشاعيب تراني اصير معهم

غصب وش السوي يد واحدة ماتصفق

شكرا لمروركم

[محمد الطرقي]

دهن العود لا يالغالي انا ما خسرهم
انا احبهم بس تعرف خالف تعرف وهذي سياسه اعلام
وهم كلهم سياسيين يعرفون القصد وشو

على راسي النصراويين

[فواز الشويكي]

يستاهل الهلال وما تنلام يا ابو يوسف بحب الزعيم ...تسلم على القصيده وعلى روحك الرياضيه

[محمد الطرقي]

تسلم يابو احمد على مرورك العطر
كل الشكر مالقيت احد يشجعني

غابو الهلا ليين اليوم

[الشرق]

صح لسانك أبويوسف

كنت أظن أنني الشبابي الوحيد في الشبكة.

[محمد الطرقي]

صح بدنك يابو عبد الرحمن

لا يالغالي انا معك شبابي قلب وقالب
بس تعرف اميل مع الهلال

وشاكر مرورك العطر