أخذ النصيحه جعل ربي يخليك

[خالد الشويكي]

فكر بعقلك لاتغمض جفونك

وأخذ النصيحه جعل ربي يخليك


من يمدحك قدام عينك يخونك

ومن يمدحك بقفاك بالقلب شاريك


أحرص على اللي ضاق صدره بدونك

وأترك صديقن بالسعه دوم باغيك


بعض الصداقه للمصالح يبونك

وأليا خذا المطلوب قل وش يبي فيك


عليك في ربع السعد ينفعونك

لو واحدن منهم عن الناس يغنيك


يرتاح لاشاف الفرح في عيونك

ويضيق لاشاف الحزن في حكاويك


أحدن على سر الصداقه يصونك

وأحدن على سد الصداقه حكى فيك


ربع الرخا لاضقت صعبه يجونك

وربع الشدايد واحدن بس يكفيك



منقول

[محمد بن دوهان]

عز الله صح لسانك يا خالد وبنانك مدد بلا عدد يا عزيزي

وبارك الله فيك على هذه القصيدة الأكثر من رائعة والتي تحمل التجربة الصادقة لبعض فئات البشر حمانا الله وإياكم من صنوف الكذب والزيف والخداع وسهل لنا ولكم الخير والمعروف كله ، تتوارد الخواطر كما يقولون فلقد ذكرتني بقصيدة الشريف بركات رحمه الله تعالى حينما أوصى إبنه مالك بقصيدته المشهورة ، والتي قال فيها :

يا مالِك اسْمعْ جَابتِي يُوم أَوصِّيكْ = وَاعرفْ تَرى يَابوكْ بآمُرْك وَانْهــاكْ
وصَيّة مِنْ والد طَامِـــعٍ فيكْ = تَسْبِقْ عَلَى السّـــاقَهْ لِسَانُهْ إلعَلْيَاكْ
أُوصِيكْ بالتقوى عسى اللهْ يهديكْ = لَهَا وَتِدْرِكْهــا بتوافيقْ مـــولاكْ
اللهْ برَب أَجْدَادَكْ الغُر يَعْطيكْ = مَرْضاتِهْ مَعْ مَا تَمَنَّى مِنَ امْنَــــاكْ
إحْفَظْ دَبَشْكْ اللِّي عَنِ الناسْ مِغْنيكْ = اللِّي لِـيـا بانَ الْخلَلْ فِيكْ يَرْفَاكْ
وِاعْرِفْ تَرَا مكَّهْ وَلاَهَـا بنَاخِيـكْ = لَوْ تِشحَذُهْ خَمسَهْ مَلاَلِيمْ مَا اعْطَـاكْ
إِجْعلْ دُرُوب الْمرْجَلَه مِنْ مَعَانِيـكْ = واحْذَر تِمَيِّلْ عَنْ دَرَجْهَا بمَرْقَـاكْ
لاتِنْسَدِحْ عَنْهَا وَتَبْغيني اعْطيــكْ = جَمِيعْ مَا يَكْفِيكْ مَا حَاصِل ذَاكْ
أَدِّبْ وَلَدْكْ إن كَانْ تَبْغيه يَشْفِيـكْ = وِانْ ضَاقَتْ امُّهْ لاَتِخَلِّيهْ يَــالاكْ
إِمَّا سَمَجْ وَاسْتَسْمَجَكْ عِنْدَ شَانِيكْ = وِيَفِرّْ منْ فِعْلَهْ صَدِيقَكْ وَشَرْوَاكْ
وَلاَّ بَعَدْ جَهْلُهْ تَرَى هُو بِيَاذِيـــكْ = لَوْ زِعْلَتْ امُّه لاَتَخَلِّيْـهْ يالاَكْ
واحْذَرْ تِضَيِّع كُلّ مَنْ هُو ذَخَرْ فِيكْ = مَعْرُوفْ لاَتَنْساهْ وَاوْفِهْ بِعِرْفَاكْ
تَرى الصَّنَايِعْ بَيْنَ الاْجْوَادْ تَشْريـكْ = إِلْيَا طِمِعْتْ ابْغَرْسَهَا لاَ تَعَدَّاكْ
وَاحْذَرْ سُرُورْ ابْغَبَّةَ البَحْر يَرْميـكْ = ولاَعِنْدُهْ افْلَسْ مِنْ تَشَكِّيكْ وِابْكَاكْ
وَاوْفِ الرِّجالْ احْقُوقَهَا قَبْلَ تُوفِيكْ = لاَ تُوفِه بِالْقَولْ فَالْحقّ يَقْفَـــاكْ
وَهَرْجَ النَّمِيمَهْ والْقَفَى لاَ يَجِي فِيك = وِايَّـاكْ عرضْ الغَافِلْ ايَّاك إِيَّـاكْ
تَبْدِي حدِيث لَلْمَلاَ فيهِ تَشْكِيـكْ= وِتْهِيمْ عِنْد النَّاسْ بِالْكِذْبْ واشْراكْ
وَاليَانَوَيتْ احْذَرْ تِعَلِّمْ بَطَاريــكْ = كمْ واحِد تَبْغِي بَـهَ العِرْفْ وَاغْوَاكْ
وَاحْذَرْ شَماتَة صاحِبْ لَكْ مِصَافيكْ = وِلْيا جرى لَكْ جارِي قالْ لَوْلاكْ
وَ لا تَحْسَبَنَّ اللهْ قُطُوعٍ يِخَلّيــكْ = وَ لاَ تَفْرحْ اِنَّ اللهْ على الخَلْقْ بدَّاكْ
الضَّيف قدِّمْ لُهْ هَلاَ حينْ يَلْفِيــكْ = ومِمَّا تِطُولُهْ يَا فَتَى الْجُودْ ، يُمْنَاكْ
إِحْذرْ تَلَقَّي الضَّيف مِقْرِنْ عَلابِيـكْ = خَلَّهْ مِحِبٍّ لِكْ صَدِيق إذا جَــاكْ
وَأوْصِيكْ زَلاتْ الصَّدِيقْ إِنْ عَثَى فيكْ = ماَ زَالْ يغَطَّاهَ الشَّعَرْ فَاحْتمِلْ ذَاكْ
رَاعِهْ وَلوْ مَا شُفْتْ أَنُّـهْ ما يَرَاعِيكْ = عَساكْ تِكْسِرْ نِـيَّـتَهْ عنْ مَعَادَاكْ

إلى آخر الأبيات من القصيدة التي قالها الشريف بركات رحمه الله تعالى ..

القصيدة كاملةً على الرابط التالي
قصيدة :: الشريف البركات :: (http://www.alsb3ah.net/vb/showthread.php?t=1375)

وبإنتظار رائعة جديدة من إختيار ذائقة خالد الشعرية الجميلة ..

وكن برعايته عز وجل وحفظه أينما كنت .

[خالد الشويكي]

صح منقولك ابن دوهان على هالقصيده وشرفني مرورك
ولكن ايضاً ذكرتني بقصيدة ابن شريم التي يصوي بها ابنه :





ويا من لعينٍ في محاجيرها شوك=والقلب به عن لذة النوم تكاك
لا دك في قلبي من الهم داكوك=جاوبت طربان الحمايم والادياك
عزي لحالك يا عزيز وانا ابوك=كان الزمان اللي وطاني توطاك
امشي وكني يا عزيز بتابوك=في حبس جبارٍ تحت حكم الاتراك
على عشيرٍ دونه الباب مصكوك=ما غير امره واتعداه مناك
بابٍ وراه حروس ما هو بمفكوك=ومبرزٍ دونه مكاين وشباك
وبقيت انا في حضرة الوقت مملوك=دولة زمانٍ بين جاك وتعداك
افهم وصاتي ياعزيز وانا بوك=دامك صغير وغاية العلم يقراك
تراه ما ينفعك خالك ولا خوك=لا صار ما تقضي لزومك بيمناك
وربعك الى بان الخلل فيك عافوك=اقرب قريبٍ لك من الناس يشناك
ان كثر مالك صدقوا لك وطاعوك=وان قل ما بيديك شانت سجاياك
لو تطلب الما عندهم كان ما اسقوك=ابعد مزارك عن وطنهم ومرباك
ان جاد حظك صدقوا لك وزاروك=وان بار كلٍ ما يبي غير فرقاك
والى اعترض لك من صروف النيا صوك=كلٍ تبرا منك ما هو بوياك
وهراجة المجلس الى جيت وروك=منازل تطرب نظيرك بدنياك
والى قضوا منك اللوازم وخلوك=تفرقوا وانت احتمل كل ما جاك
كنك سراج البيت للنور شبوك=والى قضى الوارد حدا الربع طفاك
والا كما ليمونة الحمض مصوك=والى قضى منه الطعم فرغوا لذاك
واللي يجي من رفقته ريب وشكوك=احذر عنه لياك تصدق بمسراك
والى جفوك اهل الوطن واستخفوك=قلّع غريسك منه واهدم ركاياك
تراك لو تنجع على الرجل صعلوك=احسن من اللي تلتجي له وياطاك
عطهم وضيايفهم الى منهم جوك=وغلّق ضميرك لا تعلم بقصياك
وخدمتك شيخٍ كنك العبد مملوك=يامرك فيما يشتهي وانت ينهاك
اعرف تراك مبرقعٍ منه مشبوك=حدّرك في حبل المهالك ولا ارقاك
واصحا لخلان الرخا لو تغالوك=اعرف ترى اطيبهم الى احتجت يجفاك
كنك خوي مقيط دهووك واغووك=وحقك عطاك رشاك واقفى وخلاك
واحذر عن العيله ترى الحق مدروك=مثل العمل يدرك ما منه فكاك
وان كان عدوانك على الضيق حدوك=اخصم طلابتهم بعجفاك وقداك
وان كانهم لمشرّف الحق ماشوك=ناظر مطاليع الفرج قبل مبداك
وان طوعوا شيطان الانفس وهانوك=فاصبر على البلوى ودفنت رزاياك
زرهم تراك الى توانيت زاروك=اما بديت بصاحب السو يبداك
مادامهم ماطاوعوا لك وعرفوك=اضرب على الكايد الى عمست ارياك
لو هذبوك من المصايب وضدوك=ما يذبحونك قبل تدني مناياك
واحلم عن الجاهل ترى الحلم مبروك=وقم للضعيف اللي من الضيم ينخاك
وادمح خطا جيران بيتك الى اوذوك=ترى القصير وحرمة الجار بحماك
عطهم رواتب حقهم لو تناسوك=في كل ما يصلح لدينك ودنياك
وقم للضيوف الى عنوا لك وضافوك=اغلى كرامتهم حجاجك وبشراك
واعرف ترى ما لك من الضيف مشروك=لولاه يطلب حاجته فيك ماجاك
وقم للرجال ان ريعوا لك وحبوك=واحشم خويك واكرمه عند ملفاك
والى اعتبرت بسيرة الناس كفوك=ما كثر من شي تعبته وعناك
ولا تبات بهم دنياك مضنوك=ما طاب لك مادام لك وافتهم ذاك
لو يطلبون اخفايك الناس ما اخفوك=والرجل مثل النجم في كل الافلاك
وصلاة ربي عد الاوراق والشوك=ما ناض براق وما هل سفاك
على الذي ما فيه ريب ولا شكوك=محمد مادك بالقلب دكاك