الله يرحم حالنا

[سعد العماوي]

السلام عليكم ارجوا ان تنال استحسانكم

واهداء الى اخي محمد بن حمدان الرسلاني




الله يرحم حالنا كيف نعصيه=صرناولاكنا حسبنا حسابه

كنا نسينا حالنا يومنا نجيه= وكنه ولا وصٍف لنا وش عذابه

يوم البصر يشخص ومحد(ن) يقديه= وش حيلتي لاجيت من دون بابه

كل(ن) يدور من يعينه ويعطيه= في موقف(ن) كل(ن)تمنًع زهابه

وكل(ن) علي ماسار يحسب خطاويه= وكل(ن) علي ماحط يدفع نصابه

حنا على الدنيا حسبنا المشاريه = ومن هو زبنها ضيعت له شبابه

تِزِين في عين الضعيف وتغويه= واللي تمسك في كتابه تهابه

ذنب كسبنا نسأل الله يعفيه = ماضيع اللي يلتجي في جنابه

رب غفور دايم الدوم نرجيه= رب عساه يجيرنا من عذابه

[سليمان الخرس]

تذكره

صح الله لسانك واعتلى شانك

ولاحرمك الله اجر هذة الحروف ايه الكريم

[خالد الشويكي]

الله يرحم الحال .

على ما قال ابن فطيس:

يالله عفــوك يوم تصفية الحســـاب
يوم الحصاد لما زرعنا في السنين

يوم الحشــر قرب ولا معنا زهاب
اليـــوم فــي الدنيا وبكره راحــلين



صح لسانك ويعطيك العافيه

[ابو شامه]

صح لسانك قصيدة رائعه ومعبرة اشكرك

[الشرق]

صح لسانك

وجزاك الله خير على التذكير والموعظة.

ألف شكر.

[دهن العود]

صح لسانك قصيدة جزلة فيها من الموعظه الشيء الكثير

[سعد العماوي]

سليمان جزاك الله خير وصح بدنك


ولاهنت على المرور طال عمرك

[سعد العماوي]

خالد الشويكي هلا بك


وصح بدنك

ولاهنت على تواجدك

[سعد العماوي]

ابو شامه هلا بك وصح بدنك


ولاهنت

[محمد خلف الحزقا]

قصيدة رائعة مليئة بالحكمة والموعظة

صح لسانك وجزاك الله خير على هذه الرائعه

ولا تحرمنا المزيد من هذا الأبداع .

[عبدالعزيز المعني]

هلا وغلا بك يابوعبدالرحمن وصح لسانك ع القصيده
ننتظر جديدك ايها الرجل النبيل

[سعد العماوي]

الشرق صح بدنك ولاهنت

[سعد العماوي]

دهن العود هلا بك وشاكر مرورك


صح بدنك يالغالي

[محمد بن دوهان]

اللهم آمين ..

نسأل الله أن يجيرنا من عذاب الدنيا والآخرة وأن يسترنا وإياكم أجمعين بستره وعفوه ورضاه ..

وصح لسانك اخوي أبو عبد الرحمن ويستاهل أبو حمدان من يهديه القاف ويسند عليه ..

وبارك الله فيكم أجمعين .

[محمد حمدان الرسلاني]

صح لسانك يابوعبدالرحمن

وجزاك الله خير على هالابيات , والله يرحم حالنا

وتستاهل الطيب يابوعبدالعزيز ماعليك زود ياطويل العمر

[سعد العماوي]

ابو احمد هلا بك يالغالي صح بدنك ولاهنت

على مرورك

[سعد العماوي]

الاخ الغالي ابو عبد العزيز صح بدنك ولاهنت على تواجدك

[سعد العماوي]

هلا ابو عبد الله صح بدنك وشاكر تواجدك اخي الغالي