الجادل اللي يمـر القلـب شارعهـا

[خالد الشويكي]

الجادل اللي يمـر القلـب شارعهـا
بيـن الحنايـا تعـدى ماتطالعنـي


تقفي مع الـدم بعروقـي واتابعهـا
واحس كنها على نفسـي توزعنـي


قامت تبعثر غلا وان جيت اجمعهـا
اضمهـا واتشتـت ليـن تجمعنـي


بين الحنايـا تثنـى فـي مرابعهـا
كنها تقول اتحـدى مـن يطلعنـي


دام الحشـا بيتهـا وانـا مدلعهـا
وش دخل القلب يزعل يوم توجعني


وليا خذا رمشهـا رجـل ٍ يطالعهـا
لعـل رمـش ٍ خذانـي مايرجعنـي


عيونها جيوش والنظـرة طلايعهـا
غارت بصدري وجاز لسيفها طعنـي


ويوم انكفت لين قلبي من قلايعهـا
والصبر عن خافقي ماعاد ينفعنـي


مدهالها القلب وعيونـي مراتعهـا
اموت فيها وهي للريـح تزرعنـي


ريحانتي والغـلا بالقلـب زارعهـا
تشرب عروقي وترواني وتشبعنـي


كن النحل من رحيق الورد مشبعهـا
وانا شموخي من احلى شي جوعني


وليا تعانق خجلها مـع تواضعهـا
عانقت ليل ٍ على مسـراه شجعنـي


لوينسـرى ليلهـا سريـت بايعهـا
بشر ولا الله عـن الزلـة مرفعنـي


واصبحت من عقب ماني ضدها معها
ان ضاعت اضيع وان دلت تسنعنـي


للجادل اللـي شراينـي شوارعهـا
القلب يقتادنـي والنفـس تمنعنـي




للشاعر / ضيدان بن قضعان

[سليمان الخرس]

صح لسان الشاعر

ولا هنت ياذوق

[محمد بن دوهان]

صبحك الله بالخير والهدى والتوفيق يا أبو وليد

وصح لسانك وبنانك ولسان الشاعر ضيدان بن قضعان ..

وبارك الله فيك ويسر لك الخير كله يا عزيزي .

[خالد الشويكي]

سليمان الخرس

صح كلك ياعزيزي

[خالد الشويكي]

ابن دوهان اهلاً بك

صباحك فل وكادي ونرجس

جزاك الله خير وصح كلك ولاهنت

[الشرق]

صح لسان الشاعر

واختيار جميل جدا.

[فواز الشويكي]

صباح الشعر ابو ولييييد

[عبدالعزيز المعني]

صح لسانك ولسان الشاعر اختيار موفق للقصيده

[محمد خلف الحزقا]

قصيدة رائعه بروعة ناقلها

صح لسان الشاعر وسلمت أناملك .

[خالد الشويكي]

الشرق

فواز

عبدالعزيز

نجم سهيل


مروركم اسعدني مروركم الرائع لاهنتوا على هالتواجد

[شامخ]

كن النحل من رحيق الورد مشبعها @@ وانا شموخي من احلى شي جوعني




رااااااااااااااااااااائع هذا النقل من روعة الناااااقل




اخوي خالد صح لسانك وصح لسان ابن قضعاان



لاهنت على هذا الجمال



تقبل تحيتي ودمت بود

[خالد الشويكي]

الشاعر شامخ

صح بدنك ولاهنت يالغالي

مرورك شرفني

تحياتي