يا عاذلي خلني لحــالي

[خليف الدوامي ابو زيدان]

ياعاذلـي خلنـي لحالـي=لا تزود الهـم بهمومـي
دام الهوى مخبث البالـي =ما ينفع العـذل واللومـي
عسى الذي بالسماء العالي =يجمعنى لو بآخر اليومـي







وسلامتكم

[محمد بن دوهان]

صح لسانك وبنانك يا أبو زيدان

وعسى الله يجمعك بخلك وخلانك ويبعد عنكم حكي العذال الله يكفينا شرهم ويبعد عنا وعنكم شرهم

[خليف الدوامي ابو زيدان]

صح بدنك يالغالي ابن دوهان مرورك أسعدني

[فيصل العنزي]

صح لسانك ابوزيدان

http://www.abomlak.com/vb/mwaextraedit4/extra/69.gif

[متعب عبدالهادي الفققي]

صح لسانك ابو زيدان . شو صاير هواوي اصحك ترا بنات المزاهيف الي عندك مهن مدشرات ... والله يقرطن قشك با الشارع
كانك ناوي لك نيه......

[خليف الدوامي ابو زيدان]

هلا بك ابن عرجي - وصح بدنك و تشرفت بمرورك يالغالي أبشر كل ما سنحت الفرصة لكن فكني من أبو عبد الله متعب الفققي يبي يحرش الحريم عليه يقرطن عفشي بالخليان ، شفت وشلون العرب تعمل على شأن خاطرة طرت عليه !! ولا ني هويان ولا من يحزنون 0

خالص الود

[خليف الدوامي ابو زيدان]

صح بدنك يالغالي أبو عبد الله متعب الفققي

شكلك ناوي تعلم الحريم يقرطن عفشي بالخليان ! شوف اذا سويتها تراك أنت الخسران
أجي عندك بالربعة ولا تعاداك لغير تجيب اللي بالي وإلا على الاقل تدبرني عند ربعك الدوام ، تراني ابي أتقاعد ولا تعداك هينوب واضرب عن المنتدى ما أكتب بالمرة ما غير فطرني غدني شغلي المكيف وعلى هالحالة لين ينتهي موضوعي وترى مو حي الله وحده وتبي تقول ياكثرهن لا لا لا ياعمي هناك شرووووووط 0 أنتبه على نفسك 0

خالص الود

[الحميدي وراد]

ابو زيدان بردك على ابن عرجي تقول ماني هويان ولا يحزنون


وبمجلس المزاهيف تقول قلبي خضر وتقول

( اللي مابيعشق ويحب لا شو بالله حياتو )


لا تخاف خلك شجاع وما يقطع الراس الا اللي ركبه



صح لسانك يا ابو زيدان

[محمد بن دوهان]

أثاري أبو عبد الله يا أبو فهد معه حق ولا ينلام بأبو زيدان
بالحالة هذي لازم نحيل أبو زيدان لمنظمة حقوق المرأة ..
ونبي نفتح ملف التحقيق :

س 1- من هو العاذل أللي رادك عن عشقتك ؟

س 2 - وإين تقع ديار معشوقتك يا أبو زيدان ؟



أبو زيدان لا تخاف ولا تكن ترني مع أول الجاهه أللي تبي تخطب لك وأنا بنآخيك ..

:):):)

[ابو شامه]

صح لسانك ويعطيك العافيه

[خليف الدوامي ابو زيدان]

صارت عوا وصفير بين أبو عبد الله وبين ابو فهد الحميدي الكرحوت كلن يبي يبلس عليه وانا ترني ماني خواف ، ولكن اسمع يقولون من ذل سلم والسلامة كلن يبيها !! أما وقوفك معي هذا ماعندي به شك وأنت من أهل الفزعة بالثنتين وما هي غريبة عليكم 0



خالص الود

[خليف الدوامي ابو زيدان]

هلا ابن دوهان المسألة صارت تحقيق وحقوق المرأة !!! والله أني تورطت أمري لله تحقيق تحقيق يا الله افتح ملفك 0

ج : السؤال رقم واحد ) العقل 0
ج: السؤال رقم أثنين ) في ديار بني عبس عند مضارب وادي المنايا 0

مع خالص التحية 0

[محمد بن دوهان]

اذاً فالوضع لا يحتاج سوى إلى تخليد الذكريات وما مضى قد مضى ، والأمر إذا قضى ومضى عليه أكثر من عشرين عاماً فهو قابل للنشر وللإطلاع لأخذ العبرة والموعظة ..


وأما العقل فإن الفؤاد يردعه يا أبو زيدان وفقك الله ..


والعرب قالت ، وصدقت فيما قالت :


أدّب النساء بالنسا والإبل أو العيص بالعصا


فلا تثريب عليك ولا تطع العذول فإنه ينهاك عن وصل الحبيب ..

وننتظر من الإخوة الكرام تزويدنا بما يحاول أبو زيدان إخفاءه علينا ..

<=== ما تقلن إنه بغى يتورط
:):):)

[خليف الدوامي ابو زيدان]

أيه أبو عبد العزيز عفيه ةعليك