:: من روائع الدحه ::

[محمد بن دوهان]

http://www.youtube.com/watch?v=5o0P14p8Eew

* * *

http://www.youtube.com/watch?v=iZt3C_q7MhA&NR=1

[متعب عبدالهادي الفققي]

الله يطول بعمرك يا بن دوهان تصدق بغيت اصف معهم بس مالقيت مكان

[ابو شامه]

يعطيك العافيه

[خالد عكاش العلاطي]

قصيدة رائعة من قصائد الشاعر المبدع مطلق النومسي والقصيدة قديمة شوي

لكن حبيت أذكركم فيها
يا محلا طاروق الدحه ...لا وا فق له الصوت وبحه

صفين وحاشي ومصنع ...وبيوت الشاعر ممليه

متونن تدحم بعضها .. وقلوب زايل مرضها

.واصوات اسباع بتاعه ... ميه ميه ميه ميه

ورث من كابر عن كابر ...مخبوره والعالم خابر

دحينا للحرب من اول ... واليوم الديرةمحميه

غناها عمي مع خالي ... وانا اغنيها لعيالي

تاريخ وبصمة معروفة ...اصلية من بطن اصلية

لعبة حرب ولعبة هيبه ...ما فيها حاجة معيبه

لا والله نفخر لا قلنا ...دحولي يا اهل الدحيه

ماهي لعبة هشك بشك ...مصيونه عن نيات الشك

محشومة من حشمة وائل ...ماهي دبكات شاميه

وانا طاريها سلاني .. .وقمت ارددها بلساني

ولاخذيت الا الترفه ....تشبك يدّيها بيديه

تضحك وتغضغض مبسمها ....والضحكة ذابت من فمها

قالتي تكفى يا مطلق .... ابغى دحه شماليه

قلت الغالي يطلب غالي ....قومي حوشي لي بعقالي

يالله نبدا يالله نبدا .... نبدا بدايه فعليه

يا بنيه قومي غني لي ....ياويلي منك يا ويلي

وانا اصفقلتس واغني ....يا بنيه ميلي يا بنيه

حبيني يا ريحة جدي ... .تراني جيتتس متحدي

اللي عن دربي يحدونتس .... اهل النيات الملويه

ابي اتفنن باوصافتس .... لجل يشوفتس من لا شافتس

وصف حي وتمشي روحه ....من روح الشعر وراعيه

ماني بوصف عيونتس باحل ....عينك بحر ورمشك ساحل

ليا ابحرتيبي واغضيتي .... تركبني مية جنيه

وخدودتس بيض ومفروشه .... من ورد الجوري مرشوشه

افتح من حب الرمانه ...واغمق من شمس العصريه

وشفاتس لمة حبايب ...كانت فرقاهمـ غصايب

الفوقيه فيها معاند . ... والطاعه عند الحدريه

وحجاجتس مبري ومقوس ... ورموشتس لرضاه تهوس

وان طار وكسر جبينتس ... اغديت الحسنا بالسيه

واللي على متنتس دايمـ ... دمه ميّ وقلبه نايمـ

متشيخ والشيخه جاته ... لاهي ورث ولا عاريه

وان جيتي تمشين وعجله ....وعيونتس بعيوني خجله

والقذله تضحكـ للغربي .... والغربي يضحكـ عليه

كن القاع تعبد خطاتتس ... ولا تحلف لتس بحياتتس

شيء ماقالوا لي عنه .... شوفة ذي وشوفة ذيه

شفافة ذوق ولبيسه .... لبستس ملبوس برنسيسه

وان تلمثتي بالشيله .... كنتس من اهل الشرقيه

يقلدونتس خواتتس .... حتى في لبسة عباتتس

لكن قولي لي من يجمع ... بين الشمس وبين الفيه

يومـ الله خلقكمـ فرق .... ماغرب بالزين وشرق

خصه فيتس وعمه فيهن ... سبحانه جزل العطيه

والحين ابغى رايتس فيها ... من اولها لتاليها

عساني مرضي غرورتس ... يم العيون السحريه

قالت تعرف رايي مبطي ....لا تخطي تكفى لا تخطى

.. ما ذوبني غير اشعارك ... فديت الشعر وراعيه

انا ضحية قصيدك ...لكن لي شرط بجديدك

ابغى من هاليوم وطالع .... تلعب دحّـــــــة شماليــــــــه

اتمنى
آن ينآل نقلي اعجابكم

[فواز الشويكي]

ما يطرب غير الدحه ,,,,
ابو عبدالعزيز
كان عندك زود هات ,, وخصوصا دحة الربع,,,
يسعد ايامك

[محمد بن دوهان]

يا هلا بالجميع عد نبت ٍ طلع وعدّ نبت الربيع ..

والدحه يبي لنا نسويها إن شاء الله بالملتقى القادم إذا الله أحيانا ..

[فرحان الجولان]

ابن دهان

الله يعطيك الف عافية

[محمد بن دوهان]

العزيز فرحان بن جولان ..

عافاك الله وسلمك لغاليك ومغليك يا بنآخي ..

ولك سلامي ومودتي .