من هاجسي ما أمسيت يا أولاد وائل

[عيد بجاد العتيبي]

بسم الله الرحمن الرحيم ..
هذه القصيده يوجهها الشاعر لـ مدير العمل الذي يعمل به ومساعد المدير
والطاقم الأداري . .

وهم جميعاً من فخذ السبعه من عنزه . .

.
.

البارحه نومي هجوس وملائل=طلع شعاع الصبح والجفن مانام
من هاجسي ما أمسيت ياأولاد وائل=ولاتنفع الحجه بلانسك وحرام
والصدق له نيشان والكذب زائل=الصدق مثل النور جلاي الاظلام
والطيب بالطيب حميد الخصائل=تلقاه بالطيب مواثيق وحزام
واخصكم ياكاسبين النفائل=ولا الردي ماحل عندي ولاقام
اخص ستر معكرشات الجدائل=ستر البنات اللي على خدودها وشام
هلال ابن صقار للصدق قائل=وحمود ومناور طحاطيح وكرام
ويحيى حسين القرم وافي شمائل=الطيب طبعه للمناعير مقدام
وعبدالمجيد مع الرياجيل نائل=حي الشباب اللي على المرجله قام
يفداكم اللي عال مع كل عائل=ويشطخ ويمطخ بالخطيا والاوهام
وده يوضح موقفه بالدلائل=مثل السجين اللي يهدد بالاعدام
يبى يحاسبني على كل فائل=وانا ليا غنيت فسرت الأحلام
ألعب هجيني في جديد المثائل=وفي جوهر الموضوع سخرت الاقلام
سار القلم بالطرس والحبر شائل=يرعف على بيض الورق بين الابهام
لوكان ماودي بهرج الهبائل=لكن تغث النفس ياهلال القزام
بعض الضعوف اللي عن الدرب مائل=مثل الحمار اللي يبى قيد وخطام
ماله علاقه مع عيال الحمائل=طير الرخم مايطرح الصيد لوحام
وانتم رجال وتفهمون المسائل=واهل مرؤه من مصاطير وحشام
واهل المهار الكرمات الاصائل=واهل الدلال اللي منى كل صوام
من نسل وائل من كبار القبائل=عناز تنطح كل ظاري وضرعام
من الحجاز الى فياض الخمائل=حامين ديرتكم من فلول الاروام
ومن ديرة الايداء الى اطراف حائل=ومن دومة الجندل الى دولة الشام
خويكم في منز العز طائل=وحريبكم في منزل الذل ينضام
وتم الكلام اللي نضمته على ائل=وصلوا على من هد بالبيت الاصنام



الشاعر : عيد بن بجاد العتيبي

[متعب عبدالهادي الفققي]

صح لسانك اخينا ابو فهد
ونشكرك على ايراد هذه القصيده والمتعلقه في افراد من قبيلة السبعه وهذا نفخر به
لانهم قد عملوا معك معروفا او وقفوا معك وقفة في الحق وهذا شانك وشان امثالهم
يكسبون الطيب . وانت اكيد تستاهل كل خير..

وانت من اهل المعروف

[فواز الشويكي]

صح لسان اخي عيد ,,,,,,,,
ما عليك زود ,,,
واالنعم فيك وفى عتيبة (ذباحة الحايل لطامت العايل )

والنعم بالطيبين اينما كانو

[ابو شامه]

صح لسانك ويعطيك العافيه قصيدة جميله وراقيه وكلمات عذبه ونعم فيك وبكل المذكورين بالقصيده الرائعه .

[سليمان الخرس]

صح الله لسانك ولاهنت

والطيب يشوف الطيبين

بيض الله وجهك وحقا أننا فخرون بتواجدك بيننا

[محمد بن دوهان]

صح لسانك وبنانك وكلك طال عمرك أخي العزيز أبو فهد ..

ولو ما أنت طيب يا طويل العمر ما طابت معاك الرجاجيل ، وهذا حق عيال الحمايل والقبايل على بعض ، والمرجلة تظهر بالعمل وبالجيرة وبالأسفار ..

واليوم الله يكفينا شر الدنيا وبلاويها فمن مساوء هذا الزمان أنك تتهم بالعنصرية في دوامك وعملك مع ربعك وزملائك ، فوالله إذا أنا عنزي أو عتيبي في بيتي وبين ربعي فما أكون كذلك في مقر عملي أو هل يلتغي إسمي ونسبي ضريبةً لإحترام أنظمة العمل فعندما ينتهي وقت دوامي فإنني لا أجد مكاناً أذهب إليه شئت أم أبيت إلا لعزوتي وربعي ،فهل أصد عن المعرضة تجاوباً مع هذا النداء الفاشل وأنا مقتدر وأستطيع عمل ذلك الطيب والذي والله لا يخالف دين ولا نظام ..

صح لسانك يا أبو فهد مدد بلا عدد وبيض الله وجهك حيشى عيونك ونعم ٍ والله فيك وفي ربعك اللي معاك في عملك والله لقد ضربتم مثالاً كريماً للمراجل كيف تكون ..

وتقبل كل الإعتزاز والفخر بك وبهم عسى الله يسلمكم ويحفظنا وإياكم جميع من شر الدنيا وما فيها .

[عايش بن ساير الشحيتان]

صح لسانك اخوي عيد

[فرحان الجولان]

صح لسانك يالعتيبي

[عيد بجاد العتيبي]

صحت أبدانكم .. ومشكورين ايها الاخوه الاكارم

[عبدالعزيز المعني]

صح لسانك والنعم فيك وبربعك لو منت طيب ماطابوا الرجال بك
ومن حصل المدح يستاهله ونفتخر بمثل هؤلاء من ابناء السبعه

[سعد العماوي]

صح لسانك وبيض الله وجهك وهذا من طيبك

اسعدتنا بهذه الابيات


وقبيلة عتيبه قبيله غنيه عن التعريف

ولنا بهم من الاخوان الاعزاء الكثير ونفخر والله بمعرفتهم

دمت بحفظ الله

[سعد مسهوج]

كفوو كفووو والله لا يهينك يابو فهد والطييب يستاهل والكل يبوقف له
هذا من طيب اصلك يالقرم

لاخلا ولاعدم

وحياك الله بين اخوانك