:: خالد السبهان يمدح أمير حايل :: [الأرشيف] - شبكة منتديات قبيلة السبعة من عنزة ( أهل العرفا )

محمد بن دوهان

08-06-2010, 05:52 PM

ولا أنت يا أبو متعب

ونعم لقد أبدع الشاعر خالد السبهان وفقه الله بهذه القصيدة التي تعتبر من مفاخر الشعر لما تحمله من سمو الكلمة ورفعة في المعنى والقصد فلله دره ويستحق والله المدح والثناء كما يستحقها من قيلت به .. ولقد والله ذكرني بذلك البيت الذي ما زلت أردده وأحفظه وياليتنا نعرف قائله وما قيل به ، وهو :

إن صحت شمر جاوبن صوت عناز=وإن قلت وايل جاوبتك الطنايا

وهنالك قصيدة وجدتها وكم كنت أتمنى أن نتشرف بمعرفة الأخ خالد السبهان كي نـهديها له ولكل قرم كريـم النسب والـحسب ، وهي كذلك وللأسف لـم نتشرف بـمعرفة قائلها وهي :

يعني على قولة هل العرف ياحسيـن=لاخيـر فـي رجـلٍ بليـا جمـاعـه
ولانـي ولـدت بـدار فكاكـة الديـن=اهل الكرم والطيب واهـل الشجاعـه
ويلان لا وردو على المـوت عجليـن=فيهـم علـى ورد المنايـا بتـاعـه
الطيبـيـن الطاهـريـن النقـيـيـن=الخيـريـن الصادقـيـن السبـاعـه
موفين حق الجـار بالطيـب والليـن=للجار فـي قـرب النشامـا مناعـه
معهم سليت ورحت بالمذهـب الزيـن=راحت معاهم حفنـة سنيـن ساعـه
ثلثيـن عمـري راح يـا وي ثلثيـن=مايـوم جتنـي العايلـه واللكـاعـه
صاروا لي الطف من غطا الجفن للعين=وارق من حكـي الحديـث بشفاعـه
تحس في قـرب الرجـال المياميـن=انك اخو من دم والا رضاعـه
حمّاية الوضحا مـن اللـي مغيريـن =لاوين مـن طالـت عليهـم ذراعـه
واجب علي اذكـر فعـول الكريميـن=اللي شروا كسب المراجـل بضاعـه
مدامنـي وافـي واحـب الوفيـيـن=وقناعتـي فيهـم تفـوق القنـاعـه
لازم علـيّ اعـد فعـل الحشيميـن=واترك حديـث الناكسـه والرعاعـه
اترك علوم عفون الاشـوار مهفيـن=حـق الرجـال الطاهـره بالشناعـه
نقالة الحكـي الملفـق علـى ويـن=بالهون ياهـل الواطيـه والبشاعـه
ياحسيـن ماتوخـذ قبيلـه بخبلّـيـن=مادامهـم مـا يـوم جابـو قلاعـه
دحوش الرجـال مقابليـن النساويـن=اهل الحكي والكذب واهـل الخناعـه
وياحسين قالوا في حديـث القديميـن=تحشم كـلاب القـوم رغـم الدناعـه
وانـا لـك الله ماسمعـت المقفـيـن=واللي مشا لـي بـاع دبلّـت باعـه
مايرخـص الغاليـن فعـل الردييـن=راعه بقلبـي حـب الاجـواد راعـه
ياحسين جيت ونبض كـل الشراييـن=حب عنزه باعلـى عوالـي رفاعـه
ولاتحسبنـي جيـت لانـي مسيكيـن=ولا سـلايـل دافعـيـن الرتـاعـه
جيتك ولد مـن روس ربـعٍ عريبيـن=شبـوب نـارٍ عـالـي بانـدلاعـه
انـا سـلايـل لابــة بالملايـيـن=بالضبـط امـه كاملـه باتسـاعـه
شمر على عرش المراجـل سلاطيـن=اسياد عرش الطيب من فـوق قاعـه
ان جت على الفزعات نعمك ونعميـن=وان جت على المده تموت المجاعـه
ولا جت على وصل الرحـم للقريبيـن=اقسـم قسـم مـا بالطنايـا قطاعـه
الحاصل ان القلـب مابيـن عرقيـن=متساويـات بنبضـهـن واندفـاعـه
عرق النسب واسم الطنايا العزيزيـن=وعرقٍ مع الويلان صعـب انقطاعـه
وآمنت في قـول الرجـال الحكيميـن=مربى الولد يغلب على الاصل طاعـه
ياحسين واللي نـزل الطـور والتيـن=واللي هدى الانسـان فـن الزراعـه
ماقلتها ياحسين واقصـد بهـا شيـن=غير الثنـا بالطيـب ما مـن طماعـه
حبي لكم يا حسين اصـل المضاميـن=ومداد حرفي مـع سنـاه وشعاعـه
حـرف كتبتـه ورد فـل ورياحـيـن=وياليت كـل النـاس تقـدر سماعـه
وربـي لرددهـا بـكـل الميـاديـن=ولو لي بعد قـدره نصيـت الاذاعـه
لاني وفـي عشّـاق طبـع الوفييـن=وقناعتـي فيكـم تفـوق القنـاعـه
وختامها بالـورد والعطـر ياحسيـن=مني لكـم ياهـل الوفـا يالجماعـه

وكذا هو إبن سبهان عريب العم والخال ..
شكراً لك يا أبو متعب على مرورك العطر والذي أثرت به أشجاني
فكن يا عزيزي برعاية المولى عزيز الجلال وحفظه أينما كنت