منهم محمد سليل العـود وابن عـراجـه _ من اشعار ابن عبار

[خالد عكاش العلاطي]

قال الشاعر فهد بن سماح النومسي العنزي هذه القصيدة وقد القاها في حفل الرجل الفاضل محمد بن نفج الجعفري العنزي يقول :
شـاعـراً جـابـه الـتـقـديـر مـالـه حـاجــــه=بس طبع الوفاء والطيب مـن منهاجـه
وابـن نـومس يـوم غـنّى يحتـمي ميقـافـه =الـجـزيـلات يـحـبـكـهـا عـلـى مـزاجـه
لـو وصلـنـا الـنـجـوم الـعـالـيـه بـالشهـره =السماء ما وصلـه ألا محمد بمعـراجـه
يـا سـلام الـلـه عـلـيـكـم يالـصقـور الـنـدر =يـا صقـور بالشداد ضـربـهـا فـجـاجـه
ويا سلام الله على الحفلة وطيـب اهـلـهـا =نـورهـا مـثـل بـروق بـالسماء لـعـاجـه
بيّض الله وجيهكم يـا أبـن نفـج يا محمـد =الـكـرم والـعـز مبطي مشيدين أبـراجـه
أنتم اللي لاكبرت القاله وصارت عسيره =السفن تعبـر ولـو هـاج البحـر بهـياجـه
أنتم زحول الرجال أهـل الكـرم والنخـوه =المعزب في وجه ضيفه مايعقد حجاجه
أنـتـم الـلـي المنـذريـة آمـنـت بـحـمـاكـم =في سيوف دون حق المضطهـد منعاجه
اصـدق الـدلائـل تـنبي عـن أفعـال القـاده =بالأدب مـا خـانـه التعبير وكيف أخراجـه
الأديـب الشاعـر المـبـدع رفـيـع الهـامـه =يـأخـذ الجـزلـة ويـتـرك كـلـمـة السمـاجـه
وكل قوم ولا عنـزة يـوم السنين عجافي =وربعي اللي أن كبرت القاله تراها تواجه
أفـتخـر بيـن العـرب فـي لابـتي وأمـاري =والـلـه أني ما غدالي حـق ولالـي حـاجـه
والـزبــاد اخـتـامـهـا يـالـعـالـم الـنـشّاده =صافـيـه مثـل العسل فـي داخـل الـزجاجـه

وعندما أطلعت على هذه القصيدة رديت على الأخ الشاعر فهد بن سماح النومسي :
قـال مـن يـبـدأ القـوافي بسـم رب العـزة =الـولي عـنـد الشدايـد يا أبـن آدم نـاجـه
راحـم العـبـد الضعيف اللي تعـاظم ذنـبـه =جـل شأنـه كـل خلقـه يرتجون أفـراجـه
ومن بعد ذكر الكريم الـلي يـروف بخلقه =هاض قافي نظم شاعر في كلامه هاجه
هاضني شعر أبن نـومس بحتفال محمـد =يفخر بصدق الدلايل والـلي خطه زاجـه
ومثـلـه شخوص الرجال كتابنـا شادوبـه =منهم محمد سليل العـود وابن عـراجـه
شاد به نسل المهوهي حيث سجّل شكره =والغرايس كـل بـاذر من جنـاه انـتـاجـه
لـو تـشـدّق كـل جـاهـل صـدق الـخـرافـه =يـنفخ اشدوقـه وكـنـه بـرطـم اللـمـّاجـه
حيث بعض القول حامي يعتبر وايصدق =مـار بعـض الهـرج بـارد كـنّــه بـثـلاّجـه
الكلام الـلي يقولـه بعـض مـن ينقصهـم =سابـق أمجـاد القبـيلـه حيث تـم أدراجـه
الحديـث الـلي ذكـرته نعـم الحي عـنـزة =في صحيح أبـن كثيـر وأيضاً أبن مـاجـه
أفـتخـر بعـيـال وايـل عـزوتـي واسنـادي =مـا أبـالـي بـالـذي لـعـداه يـدفـع بـاجــه
لابتي هم تاج راسي لـو بعضهم مخـطي =ومن يضم الحسد قلبـه مستحيل علاجه
كيف يحسد من بـذل لـربـعـه كـل جـهـده =كـل شعـره بالـقبـيلـة مـا هـو بـغـنـاجـه
قـال عشرات الملاحـم في مـديـح الـلابـه =يوم بعض الناس رجلـه للطمع دواجـه
مـن سلك درب المتاعـب تـدفـعـه حميّـه =ومن نوى طوي الفيافي يعـتجل بدلاجـه

[سليمان الخرس]

يعطيك العافيه ابو وليد

ماقصرت وبيض الله وجهك على هالنقل المميز

[محمد بن دوهان]

السلام عليكم ورحمة الله وبركاته

سلمت أخي خالد ووفقك الله على هذا النقل الكريم وسلم الله أديب ومؤرخ قبائل ربيعة وشاعرنا وأمده الله بالصحة والعافية وأهنئ عيناه بصلاح جميع أبناء القبيلة ، ومهما قلنا وفعلنا وسطرنا عبارات الفخر به فلن نفيه ربع حقه علينا ، فالعالم العربي بأسره بملوكه وأمراءه وأدباءه وشعراءه وعامته يعرف مقدار الشاعر عبدالله بن عبار وفقه الله ..

وما شهادتنا به أعزه الله إلا ناقصةً ومجروحة فكيف بنا نشهد له وهو من شهد له التاريخ بأنه الحر الكريم الذي لم يثن ِ من عزمه دون الحق أي لائم أو حاسد كان ..

فعبدالله بن عبار خاض غمار ميادين الرجولة وأخضعها ببأس الرجال العصاة الكرام ، وهو من شهد له عدوه قبل صديقه ولم يكن لأحد غيره من أبناء قبيلة عنزة ما كان له على هذه الأصعدة ..

فوفقه الله ويسر له الخير كله وأعزه بصلاح السمية والذرية ، وقدرنا الله على رد جميله وثناءه علينا ..

وشكراً لك عزيزي على هذا النقل الكريم مرةً أخرى ..

كما لا يفوتني أن أتقدم بالشكر والثناء للشاعر فهد بن سماح النومسي الذي شهد بالحق في ميدان الرجولة وعند رجال كنا وما زلنا نفخر بهم ، بحاضرهم وماضيهم ، وأنعم به وبأهل الجدعا وبجمعهم المبارك أجمعين، فما شهادته وثناءه على كتاب أصدق الدلائل وعلى أديبنا عبدالله بن عبار إلا ثناءً لنا ولجميع أبناء قبائل ربيعة وعنزة على وجه الخصوص دون إستثناء ..

وكن برعاية المولى عزيز الجلال وحفظه ..