سلام للحفل وضيوفه وزواره

[فرحان بن مساعد بن نومس]

قال هذه القصيد ه الشاعر الكبير حاكم العواجى فى حفله الشيخ مساعد بن نومس بمناسبه زواج ابنه كاتب نتمى ان تحوز على رضاكم







سـلام للحفـل وضيـوفـه وزواره=ترحيبه من صميم القلـب وشعـوره
نور فرح كاتـب مساعـد بحضـاره=بالديره الى بفعـل الطيـب مذكـوره
ديـار قـوم عزيـزه عاليـا كـاره=لعلها من طلـوع سهيـل ممطـوره
يعمها السيل من لبـده الـى الـداره=لوريك لدماء الى الروضه الى الذوره
يامـا يخالـف بهـا ربلـه ونـواره=ويجذبك عشب الفياض بفايح عطوره
اديار ربعى وقار الطيـب وشعـاره=بالمجد والجود والفزعـات مخبـوره
وسط الجزيره فخرهم شاعه اذكـاره=انفوسهم بالوفـاء شفقـه ومعمـوره
عجزلايحصيهم التاريـخ باسطـاره=افعـال امورخـه وفعـال مخبـوره
وجينا لحفل شريف وشعشع انـواره=كن اللالى بعقـد المـاس مشـروره
دعوه عزيز الرفاقه عندنـا بشـاره=حنا حضـوره وضيفانـه وجمهـوره
ماهمنـا الـدرب لفاتـه ومشـوراه=دام العزايـم بكـل افـراح مغمـوره
فى حفل ربعا على الماجوب صبـاره=نطاحـه الكـود والارواح مخفـوره
عبال نومس حمول الخيـل بالغـاره=ان كان رجف الحوافر دق زامـوره
اللابه الـى تصـول وتاخـذ بثـاره=يوم الحرايب لهـا وقفـات مشهـوره
فوق الركايب وفوق الخيـل كـراره=ياما تعاود خيـول القـوم مذعـوره
مايختفى طيب ربعا تحتمـى جـاره=شاهدهم السيف والتاريـخ وسطـوره

[الشرق]

صح لسان الشاعر
واختيار موفق ألف شكر على القصيدة الوافية.

[عبدالعزيز المعني]

صح لسان الشاعر قصيده رائعه

[محمد بن دوهان]

الأخ العزيز أبو مساعد ، صح لسانك ولسان الشاعر الكبير حاكم العواجي وعشت وسلمت ولا ندمت ونبارك لكم زواج الأخ كاتب حتى لو أتت متأخرة ، وجعل الله دياركم عامره بالفرح والمسرات يا عزيزي ..

والشرف والله لنا بقراءة هذه الشامخة من شعر الأخ حاكم العواجي وفقه الله ..

وننتظر إبداع بوح قلمك وصدرك من الأشعار الكريمة والمشاركات النيّره والقيمة رعاك الله..

وتقبل الله صيامنا وصيامكم وكتبنا الله وإياكم من عباده الصائمين العابدين المجازين بخير جزاء ٍ من عنده سبحانه ..

[متعب عبدالهادي الفققي]

صح لسان الشاعر . حاكم العواجي ويستاهل صاحب الحفل الف شكر على النقل وهذه من حسنات الشبكه لنتعرف على ابناء العمومه

[خالد عكاش العلاطي]

اتحفتنا اخوي بالقصيده ونعم فيك وفي الشيخ حاكم

[ابو شامه]

صح لسان الشاعر قصيده جميله وراقيه اشكرك اختيار رائع

[فرحان بن مساعد بن نومس]

الاخ العزيز والقدير الشرق


اسعد الله مساكم وكل عام وانتم بخير


وصح الله بدنك


مرورك وتعليق يجعل من الموضوع جمالا


رفع الله شانك

[فرحان بن مساعد بن نومس]

اخى عبدالعزيز

صح بدنك


وفقك الله لما يحبه ويرضاه


تحياتى وتقديرى للجميع

[فرحان بن مساعد بن نومس]

الاخ والصديق العزيز

ابو عبدالعزيز


اولا /كل عام وانتم بخير وبصحه وسلامه

جعلكم الله من المقبولين بهذا الشهر الكريم


ثانيا الشموخ مرورك وتعليق واسمحلى ان اطلق عليك لقب (الكاتب المميز)


والمشرف المبدع بصريح العباره بدون نقص وقصور بالاخرين

فلكل هنا مميز ومبدع لانكم رجال يندر وجودكم من خلال الطرح المميز والمواضيع الهادفه التى تنم عن المعدن الطيب لكم تقبل تحياتى وتقديرى

[فرحان بن مساعد بن نومس]

الاخ القدير متعب الفققي
صح بدنك والله لايهينك



جزل بالحضور والرد والتواجد والاشراف


وتستاهل الطيب والعلم الغانم لانك تسعى الى العلوم الغانمه


وبارك الله بك وكلن ثقه بهذا المنتدى المميز الذى اسسه رجلا مثلكم وشرواكم


لايحضر الاطيب


كل عام وانتم بخير وسلامه



تقبل الله منا ومنكم صالج الاعمال

[فرحان بن مساعد بن نومس]

الاخ الموقرخالد العلاطى


شكرا لحضورك المميز والردود المجمله


صح بدنك والله لايهينك




جزل ومبدع دايم ومتالق











كل عام وانتم بخير وبصحه وسلامه

[فرحان بن مساعد بن نومس]

اخى ابوشامه


صح بدنك


ولا هان حضورك


وتواجد المميز والمبدع



كل عام واهل العرفاء بخير وبصحه وسلامه



وفق الله الجميع لما يحبه ويرضاه